MAKOLOSIYA 3:5 - Ha`bari Ndjema ya I Maore

⁵ Ɓasi namuule zitrongo za itaɓia ya shiduniani mulionayo, mauri: uzani, utshafi, taɓia za shahawa, ngushauku mbovu na uv̄endza-upara, ilio sawa na uãɓudu masanamwe.

MAKOLOSIYA 3:5 ပူးပေါင်းရင်းမြစ်များ

MATIYO 15:19

Mana rohoni ɗe v̄ulawao fikira za peu, za uula, za uzindzi, za shahawa za peu, za uwidzi, ushahidi wa trambo, na ushirikina,

MAROMU 1:26

Iyo ɗe imana Mungu awajeledza hari mwa shahawa zendza aĩɓu. Washe wawo wagaudza inamuna ya uendrelea ya ãswili ha maendreleo kinyume na inamuna waumbwa.

MAROMU 1:29

Wajaya na kula namuna ya uovu, ya upeu, ya ushifuɓa, na taɓia mbi; wajaya uwivu, fikira za uula, umani, udjandja, na roho mbovu mbeli za wanyawo. Wao ufitiniana,

MAROMU 6:13

Wala musuv̄elehe ziga za mwili zanyu zarumishia dhambi, zarendreha zombo za mbovu. Ɓadi namudziv̄e wanyu-wanyu mumurumishiye Mungu, amba watru mulio hayi mwalawa hari mwa ufa, tsena muv̄e ziga zanyu zike zombo zimurumishiao Mungu, zifanye zilio za haki.

MAROMU 6:6

Risujua amba utru watru wa ãswili uremwa mizumari v̄umoja na waye hari mwa umuri wa pawa, ile itaɓia ndziãswifu yatru iangamidziwe, rasuke tsena warumwa wa dhambi.

MAROMU 7:23

Ɓadi nisuona sharia yangina hari mwa ziga za umwili wangu iwanao kinyume na ile ya iãkili yangu, na isharia iyo isunifanya mufungwa wa isharia ya dhambi ilio hari mwa ziga za umwili wangu.

MAROMU 7:5

Mana wakati raka ratawaliwa na zitaɓia za shi unadamu zatru, zingushauku za ufanya dhambi zitsongeshewao na iSharia zakoruma ziga za umwili watru, ha namuna amba rakotoa mavuna yav̄ingao hari mwa ufa.

MAROMU 8:13

Mana neka musuẽshi ha uɗunga ihali ya shiuɓinadamu, mutsofa; ɓadi neka ha iRoho musuula zitaɓia za mwili, v̄av̄o ɓasi mutsoẽshi,

1 MAKORINTIYO 5:1

Na v̄anu v̄usurongolwa kula v̄ahanu amba v̄wa shahawa endza ulaãnifu hari mwanyu, aina ya shahawa ilio amba kaiparihwana ata ha watru wa zinishani zangina kazimuji Mungu, ha namuna amba moja hari mwanyu a na umutrumushe wa ɓaɓahe.

1 MAKORINTIYO 6:11

Na v̄av̄o ɗe v̄ahanu wasalia mengoni mwanyu waka. Ɓadi muja muhoswa, muja mutwaharishiwa, muja mukuɓalishiha mbeli za Mungu ha lidzina la Raɓi Insa-Kristi, na ha iRoho ya Mungu watru.

1 MAKORINTIYO 6:13

Na tsena: «Zahula, izo za mimba, na imimba, ya zahula.» Izo kweli; ɓadi Mungu atsoziangamidza izo mbili. Na umwili tsi wa ufanya taɓia za shahawa kazalazimu; uwo wa Raɓi, na Raɓi waye, wa umwili.

1 MAKORINTIYO 6:18

Namutrale taɓia za shahawa kazalazimu. Dhambi langina lotsi mutru alifanyao, lilo kalihusu umwili wahe, ɓadi uwo afanyao taɓia za shahawa kazalazimu, v̄av̄o asuãswi kinyume na umwili wahe monyewe.

2 MAKORINTIYO 12:21

Nisuria amba uwaswili yangu, Mwalangu Mungu asunipatse aĩɓu raha mbeli zanyu, tsena naja nahuzunishiha ha siɓaɓu ya wengi hari mwa wao waãswi nyuma hule, wala kawandra toɓa na zitrendrwa za utshafi zawo, uzindzi na shahawa mbovu zangina raha.

MAGALATWIYA 5:24

Ɓadi wao walio wa Kristi-Insa waangamidza ushiuɓinadamu na mav̄endzeleo yayo na ngushauku zayo.

MAEFESO 4:19

Walatsishiwa na itrongo ya uona haya; wadzitria hari mwa taɓia mbovu na ufanya ɓila udzizia kula namuna ya utshafi.

MAKOLOSIYA 2:11

Hari mwa uv̄umoja na waye raha, wanyu mutahiriwa|utahiri, wala tsi matahiri yafanyiwa ha mihono ya wanadamu, ɓadi ɗe mutru utolewa ushindzi wa itaɓia ya shiuɓinadamu; na yao ɗe matahiri ya shiKristi.

1 MATESALONIKA 4:3

Mav̄endzeleo ya Mungu ɗe wanyu uka watwaharifu, mudzipukamanise na maendreleo maovu ya shahawa.

1 MATESALONIKA 4:5

ɓila udzieleha na taɓia ya shahawa, mauri ɗe namuna wafanyao watru wa zinishani zangina kazimuji Mungu.

1 TIMUTAUSU 6:10

Mana uv̄endza marike ɗe umuzi wa piya zimbovu. V̄wa ɓaãdhwi walio amba ha ushauku na wizo, wadziɓausa na uaminifu, tsena wadziv̄a ngutungu ha uwengi.

MAHEƁRANIYA 12:16

Namuke hashiri amba v̄usuke ata mutru afanyao uzindzi, au akufurishao, mauri ɗe Ĩzu alio amba ha muɗyio moja tu, audzu haki yahe ya mwana wa handra.

MAHEƁRANIYA 13:4

Ndrolo naistehiwe na piya, na ishitrandra ya ndrolo yasutrilwe tsama ya shihawara, mana Mungu atsohukumu wendza shahawa mbovu na wazindzi.

MAHEƁRANIYA 13:5

iNamuna ya uẽshi yanyu yasuke hari mwa uv̄endza mali, namutoshehe na iyo mulionayo, mana Mungu waye-waye arongoa: «Tsitsohuɓauha dahari, tsitsohulatsa ata idahari.»

YAKOƁU 4:1

Ulawa hav̄i zikondro, ulawa hav̄i zingumani zikao hari mwanyu? Hali tsi hari mwa zingushauku ziwanao hari mwa ziga zanyu?

1 MONYE 2:11

Wav̄endzewa wangu, wanyu mulio wadjeni shiv̄andreju mwa tsi, tsena muv̄irao na ndzia, nisumutafadalini mudziɓause na zingushauku za shiunadamu ziwanao na nafusi zanyu.

MUV̄ENULIO 21:8

Ɓadi wao tsi watru wasuɓutu, wao tsi maaminifu, watshafi, maula, wendza taɓia, wafanyizi-utsayi, maãɓudu-masanamwe, na piya wanafiki, fungu lawo litsoka moni mwa lidzaha la moro livudzao na vu la shidzaha: uwo ɗe ufa wa v̄ili.»

MUV̄ENULIO 22:15

Na v̄ondze oho ɗe wanadamu mbwa, watsayi, wendza taɓia za shahawa kazalazimu, maula, maãɓudu masanamwe, na yotsi av̄endzao na ufanya unafiki.