MAKOLOSIYA 3:3 - Ha`bari Ndjema ya I Maore

³ Mana wanyu mufu, na uhayati wanyu utsitsiha v̄umoja na Kristi ha Mungu.

MAKOLOSIYA 3:3 ပူးပေါင်းရင်းမြစ်များ

MATIYO 11:25

Wakati ule Insa arenge umurongo arongoa: «Nisuhuhimidia Ɓaɓa, Mola wa uwingu na ishiv̄andre ya tsi, iv̄o wadzamisia trongo zini uwendza ãkili na wendza ĩlimu, waziv̄enulia uwatiti.

YUHANI 14:19

Muda mushashi ɗe waɓaki, na ulemengu kautsoniona tsena, ɓadi wanyu mutsoniona. Iv̄o nilio hayi, wanyu wajau mutsoka hayi.

YUHANI 3:16

«Mana Mungu av̄endze uulemengu, ata av̄a uMwana moja-moja wahe, ile pare kula amuaminio asupare uangamifu wa dahari, ɓadi akane uhayati mukamilifu wa daima.

YUHANI 4:14

Ɓadi uwo atsonwao yamaji nitsomuv̄aoyo, katsoona nyora ata idahari. Mana yamaji nitsomuv̄aoyo yatsoka haheju dzitso litriao maji ya uhayati mukamilifu wa daima.»

YUHANI 5:21

Mana mauri ɗe inamuna Ɓaɓa aregezao hayi watru wafa, awav̄ao uhayati, ɗe inamuna uMwana av̄ao uhayati uwo atsahao.

YUHANI 5:24

Nisumuambiani ha kweli, mutru avulikiao urongozi wangu tsena aaminio ule aniv̄eleha, ana uhayati mukamilifu wa daima. Katsohukumulwa, mana madza avuku uufa, angia uhayatiju.

YUHANI 5:40

Wala kamusukiri mwanijilia pare mwakana uhayati.

MAROMU 5:10

Mana neka amba wakati raha raka maãduwi wa Mungu, riparanisiwa na waye ha ndzia ya ufa wa uMwana wahe, ɓasi izidi urahara amba iv̄o raparanisiwa, ritsohuyiwa ha uhayi wahe.

MAROMU 5:21

ile pare mauri ɗe iheli dhambi latawala ha uv̄inga uufa, ɗe ha inamuna iyo wajau ineema isutawala ha uv̄inga umuhakisho uv̄ao uhayati wa daima ha ndzia ya Insa-Kristi, Raɓi watru.

MAROMU 6:11

Ɗe ha inamuna iyo wanyu wajau, namudzihetsiye mauri uhusu dhambi mufu, tsena mauri mwa hayi ha Mungu ha uv̄umoja wanyu na Kristi-Insa.

MAROMU 6:2

Ata hata! Yahusu dhambi, wasi rifu. Ɓasi v̄av̄o ha namuna jeje ritsoẽshio raha moni mwalo?

MAROMU 8:2

Mana isharia ya iRoho iv̄ingao uhayati ha uv̄umoja na Kristi-Insa, inikomboa na isharia ya dhambi na ya ufa.

1 MAKORINTIYO 15:45

Iyo ɗe imana ata v̄waangihwa moni na uMuangishio Mutwaharifu: «uMwanadamu wa handra, Adamu, afanyiha shiumbe yendza roho»; Adamu wa mwiso waye, roho iv̄ao uhayati.

1 MAKORINTIYO 2:14

Ɓadi mwanadamu nyama-nyama kashindri ukuɓali trongo zahusu iRoho ya Mungu. Mana haheju izo ujinga, tsena kashindri uzijua, mana izo unamulwa ha iRoho.

2 MAKORINTIYO 5:14

Mana uv̄endza wa Kristi usurifarudhisha, iv̄o riliona yakini na zini: moja afu ha faida ya piya. Ɓasi v̄av̄o piya wafu.

2 MAKORINTIYO 5:7

Mana risendra ha uaminifu, ɓadi tsi ha uona.

MAGALATWIYA 2:20

v̄anu tsi wami tsena ɗe niẽshio, ɓadi Kristi ɗe aẽshio moni hangu. Maẽsha nilionawo leo ha umwili, nisuyaẽshi ha uaminifu na uMwana wa Mungu alio amba aniv̄endze, tsena adzitoa fidia ha siɓaɓu ya wami.

MAEFESO 3:9

tsena ya utria heuni ha piya wanadamu umutrilio-ndziani wa iãdjaɓu yadzamisiha rangu zamani ha Mungu, Muumbizi wa piya.

MAFILIPI 4:7

Na v̄av̄o utrulivu wa Mungu uv̄iriao piya ziãkili, utsosalimisha roho zanyu na fikira zanyu hari mwa uv̄umoja wanyu na Kristi-Insa.

MAKOLOSIYA 1:5

Iyo ha siɓaɓu ya itama mwalishiwayo pev̄oni, ilio amba muikia nyuma oho ha urongozi wa ikweli, ne ɗe iIndjili.

MAKOLOSIYA 2:20

Neka amba wanyu mufu v̄umoja na Kristi hari mwa yahusu zitru za ãswili za ulemengu, ɓasi manatrini muẽshio shi watru wa lidunia lini ha udzilisha muv̄ingwe na masharutwi yalo? Amba:

MAKOLOSIYA 2:3

alio amba haheju ɗe v̄wadzama piya zidafine za ihikima na za ujuzi.

MAKOLOSIYA 3:4

Wakati Kristi alio uhayati wanyu atsov̄enuhao, v̄av̄o wanyu wajau mutsov̄enuha v̄umoja na waye hari mwa utukufu.

MAHEƁRANIYA 7:25

Iyo ɗe imana ata ashindrao ahuyi ha daima wao wamujiliao Mungu ha ndzia yahe, mana asuẽshi dahari ile awadailiye.

1 MONYE 3:4

ɓadi nauke wa moni wa utru wanyu, ustawivu kaukomo wa roho makini yendza utrulivu. Iyo ɗe itrongo ikao na faida ɓole mbeli za Mungu.

1 MONYE 4:2

ile aẽshi tsi ha zingushauku za wanadamu, ɓadi ha uɗunga yamav̄endzeleo ya Mungu hari mwa uwakati wamuɓakia aẽshi hari mwa umwili.

1 YUHANI 3:2

Wav̄endzewa wangu, av̄asa ra wana wa Mungu, na iyo ritsokao, raha kayav̄enulwa. Ɓadi risujua amba wakati atsov̄enuhao, ritsoka mauri waye, mana ritsomuona hali alio.

MUV̄ENULIO 2:17

Mwendza makio nakiye izo iRoho aambiao ziDjama Ndziwaminifu! Uwo ashindra, nitsomuv̄a fungu hari mwa ishahula yatsitswa ihiriwao manna, tsena ɓwe djeu. Na hari mwa liɓwe lilo v̄uangihwa dzina pia lilio amba kav̄u mutru alijuao neka tsi ɗe uwo aliparao.»