MAKOLOSIYA 3:16 - Ha`bari Ndjema ya I Maore

¹⁶ V̄av̄o urongozi wa Kristi nauke moni hanyu ha piya utadjirifu wawo; namusomedzane na ufahamishana ha piya zihikima. Namuhedze madjimbo, ngutende za sifa, na himbo za shiRoho. Namumuhimbiye Mungu v̄umoja na himida ha piya umo wanyu.

MAKOLOSIYA 3:16 ပူးပေါင်းရင်းမြစ်များ

MATIYO 26:30

Ɓaanda wahedza djimbo la sifa, walawa wandre hari mwa uMulima wa Mizaituni|Mulima wa Mizaituni.

LUKASI 2:51

Amwesa awaɗungu, washuku Nazareti, na waye akowatuĩ. Mayahe asiki piya trongo zile rohoni.

YUHANI 15:7

Neka musuɓaki hari mwa uv̄umoja na wami, na marongozi yangu yasuɓaki moni hanyu, namumiye yotsi mutsahao, na wiyo mutsotakaɓaliwayo.

MAROMU 10:17

V̄av̄o uaminifu uja ha iyo mutru akiao, na iyo mutru aikiao, uja ha umutekelezeyo wa urongozi wa Kristi.

MAROMU 15:14

Yahusu wanyu wananyangu, wami hanguju tsiwafiku amba mujaya uwema, mujadziwa piya uujuzi, musushindra muv̄ane shauri wanyu na wanyu.

1 MAKORINTIYO 14:15

Ɓasi v̄av̄o nifanye jeje? Nitsofanya mamilio ha iRoho, tsena nifanye ha ifikira; nitsohimba ha iRoho, tsena nihimbe ha ifikira.

1 MAKORINTIYO 14:26

Ɓasi rifanye jeje, wananyangu? Kula mwamongulidzana, moja atsojua akane himbo, moja musomo, moja trongo av̄enuliwayo, moja luha ashukidziwa, na wangina faswiri. Piya nazifanyihe ha uendresa mbeli idjama.

MAEFESO 1:17

Ɓasi Mungu wa Raɓi watru Insa-Kristi, Ɓaɓa mwendza utukufu, namudjaãliyeni roho ya hikima na muv̄enulio, ile pare mumujuwe ha ukamilifu wahe.

MAEFESO 5:17

Ɓasi v̄av̄o, mwasuke ɓila ãkili, ɓadi namuelewe amba mav̄endzeleo ya Mola ɗe yav̄i.

MAEFESO 5:19

Namulaguliane ha ngutende, na madjimbo ya sifa, na himbo za shiroho. Namuhimbe na umusifu Mola ha piya ziroho zanyu.

MAEFESO 5:26

ile aitwaharishe ɓaanda airahatsa na maji ha Urongozi,

MAKOLOSIYA 1:28

Waye uwo ɗe rijudzao, ha ufahamisha kula shiumbe mwanadamu na usomedza kula shiumbe mwanadamu ha piya zihikima, ile riv̄inge kula mutru akamilishihe hari mwa uv̄umoja na Kristi.

MAKOLOSIYA 1:9

Iyo ɗe imana ata wasi wajau, rangu isuku raikia, karisuzia umumiliani Mungu na utsaha amba mujadziwe ujuzi wa mav̄endzeleo yahe, ha kula hikima na ushindzi wa uelewa shiroho,

MAKOLOSIYA 4:6

Ha daima marongozi yanyu nayake yendza neema, tsena yendza ladha, ile mujuwe namuna yalazimu mudjiɓu kula mutru.

1 MATESALONIKA 1:8

Kweli amba Urongozi wa Raɓi ukilihana ulawa hanyu, wala tsi amba hari mwa iMakadoniya na iAkaya tu ɓasi, ɓadi uaminifu wanyu na Mungu ujulihana kula v̄ahanu, ha namuna amba tsi paka rirongowe itsokao yotsi hari mwawo.

1 MATESALONIKA 4:18

Ɓasi v̄av̄o namutriane ɓari ha marongozi yao.

2 MATESALONIKA 3:15

Ɓadi mwasumurenge amba ãduwi, ɓe namumurudi mauri mwananya.

1 TIMUTAUSU 6:17

Sariɓia walio tadjiri wakati wa leo wasudzione, wala wasutriye itama yawo hari mwa ngutadjirifu zilio amba kaziaminishiha, ɓadi ɗe ha Mungu ariv̄ao piya ha uwengi, ile rifurahishihe.

2 TIMUTAUSU 3:15

na rangu unatsani haho, usujua yiMiangishio Mitwaharifu; yiyo ushindrohuv̄a ihikima iv̄ingao uhuyifu, ha ndzia ya uaminifu ulio hari mwa uv̄umoja na Kristi-Insa.

TITUSA 3:6

ilio amba arienedzayo ha uwengi ha ndzia ya Insa-Kristi, Muhuyifu watru,

YAKOƁU 1:5

Neka v̄wa mutru mengoni mwanyu akosewa na hikima, naitsahe ha Mungu av̄ao watru piya ha uwengi ɓila urudia, na waye atsov̄olwayo.

YAKOƁU 3:17

Hikima ya shi uju, iyo uka raɓuzi ndziraharifu, amwesa yendza amani, ndzitrulivu, tsena ndzielevu; iyo ujaya poreho, tsena ukana mavuna mema, ɓila uɓanguzi, wala unafiki.

YAKOƁU 5:13

Hali v̄wa mutru mengoni mwanyu alio hari mwa djondo? Nafanye mamilio. Hali v̄wa alio hari mwa furaha? Nahedze utende.

1 YUHANI 2:14

Tsimuangishiani wanyu wana, mana musumujua Ɓaɓa. Tsimuangishiani wanyu maɓaɓa, mana musumujua uwo alio rangu mwandro. Tsimuangishiani mashaɓaɓi, mana wanyu wahodari, mana urongozi wa Mungu usuketsi hanyuju, amwesa mushindri uMovu.

1 YUHANI 2:24

Yahusu wanyu, ihaɓari mwaikia rangu mwandro, naiɓaki hanyuju. Neka trongo mwaikia rangu mwandro isuɓaki hanyuju, mutsoɓaki wajau hari mwa uv̄umoja na uMwana na Ɓaɓa.

1 YUHANI 2:27

Yahusu wanyu, umudjukumisio mwaupara ulawa hahe, nauɓaki moni hanyu, tsena tsi paka mutru amusomedzeni; ɓadi rangu umudjukumisio wahe usumusomedzani zitrongo piya, na uwo kweli, wala tsi trambo, namuɓaki hari mwa uv̄umoja na waye, mauri ɗe inamuna uwo wamusomedzani.

2 YUHANI 1:2

wasuwav̄endza ha siɓaɓu ya ikweli ilio moni hatru, tsena itsokao v̄umoja na wasi ha daima:

MUV̄ENULIO 14:3

Wakohimba djimbo pia la sifa mbeli na ishiri ya ufalume, mbeli za ziumbe nne zendza roho zile, na uwadzaɗe. Kav̄waka yotsi akoshindra afundrihe djimbo lile neka tsi ɗe watru alifu miya wa aruɓaini na nne wale wakombolwa shiv̄andreju mwa tsi.

MUV̄ENULIO 15:3

Wakohimba lidjimbo la Musa, umurumishi wa Mungu, na lidjimbo la uMwana Ɓariɓari: «Zitrendro zaho ɓole zendza ãdjaɓu, Mola Mungu, Monyewe ushindzi. Ndzia zaho za haki, tsena za kweli, wawe uMufalume wa zinishani.

MUV̄ENULIO 19:10

V̄ale tsidzivutsu mindruni hayo ha uiãɓudu. Ɓadi iniambia: «Usufanye trongo iyo. Wami murumishi munyaho, na wa wananya waho wav̄ingao ushahidifu wa Insa. Muãɓudu Mungu! Mana ushahidifu wa Insa ɗe ulio iroho ya yamarongozi ya shi mutrume yashukidziwa.»

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.