MAKOLOSIYA 3:12 - Ha`bari Ndjema ya I Maore

¹² Ɓasi v̄av̄o wanyu mwatsahulwa na Mungu, amba watwaharifu amma wav̄endzewa, namudzipindrise mo wa poreho, uwema, uwekevu, umakini, na suɓira.

MAKOLOSIYA 3:12 ပူးပေါင်းရင်းမြစ်များ

MATIYO 24:22

Na djeli zisuku za ãdhaɓu zizo kazaka zav̄ungudziwa, kav̄usi ata mutru atsohuyiwao; ɓadi ha siɓaɓu ya uwatru watsahulwa, suku zizo zitsov̄ungudziwa.

MATIYO 24:24

Mana v̄utsohima makristi wa trambo, na wanafiki watsodzifanyao amba washukidziwa marongozi; watsofanya ãlama za midjuza ɓole na trongo za ãdjaɓu ile wadanganye, neka mukinishiha, ata wao watsahulwa.

MATIYO 24:31

Ha ɓaragumu ɓole atsov̄eleha malayika zahe hari mwa zinyonga nne za ishiv̄andre ya tsi, ile zingulidze watsahulwa wahe, ulawa kotso ata kotso ya uwingu.»

MARKUSI 13:20

Tsena, na djeli Mola kaka av̄ungudza suku zizo, kav̄u ata mutru atsohuyiwao; ɓadi ha siɓaɓu ya uwatru awatsahua, av̄ungudza ihisaɓu ya suku zizo.

MARKUSI 13:22

Mana v̄utsohima makristi ya trambo, tsena v̄utsohima watru watsodzifanyao amba washukidziwa marongozi; watsofanya ãlama za ãdjaɓu na midjuza, ile, neka trongo mukinishiha, wadanganye wale watsahuliwa na Mungu.

MARKUSI 13:27

Ɓas, atsov̄eleha zimalayika hari mwa zifalaki nne za ishiv̄andre ya tsi ha ungulidza wao watsahuliwa na Mungu, ulawa rangu mwandro wa ishiv̄andre ya tsi, ata umwiso wa zimbingu.»

LUKASI 1:78

ha siɓaɓu ya uwema wa urehema wa Mungu watru, ulio amba ha uwo iheu ya jua la uhea irilawia rangu uju,

LUKASI 18:7

Hali Mungu katsov̄a haki watru wahe awatsahua, wamuliliao mauku na mitsana? Hali atsohoma uwadjiɓu?

MAROMU 1:7

Nisumuangishiani wanyu piyanyu mulio ɗagoni Romu, mulio wav̄endzewa wa Mungu, mwahiriwa muke watwaharifu. V̄av̄o ineema na utrulivu zilawao ha Ɓaɓatru Mungu na Raɓi watru Insa-Kristi nazimuendreleyeni.

MAROMU 13:14

Ɓadi namudzipindrise Raɓi Insa Kristi, wala musudzishuhulise na itaɓia ya shiuɓinadamu ha ujiv̄idza zingushauku zayo.

MAROMU 9:11

Na kaɓula ya wana wahe udzalwa, raha kawafanya ndjema wala mbovu, ile pare umupango wahe uɓaki, ne ɗe uka amba waye ɗe atsahuao,

1 MAKORINTIYO 13:4

Uv̄endza ukana suɓira, na uwema. Uv̄endza kaina uwivu, uv̄endza kaidzirendre, kaidziono,

2 MAKORINTIYO 6:6

hari mwa uraharifu, ujuzi, suɓira, uwema, iRoho Ndzitwaharifu, na uv̄endza wa kweli,

MAGALATWIYA 5:6

Mana hari mwa uv̄umoja na Kristi-Insa, tsi ɗe utahiriwa, au tsi utahiriwa ɗe iliona mana, ɓadi ɗe uaminifu urendrehao ha mahaɓa.

MAEFESO 1:4

Ha uv̄umoja watru na waye, aritsahua kaɓula lidunia lilo uumbwa, pare rike watwaharifu, tsena ɓila kosa mbeli zahe. Ha uv̄endza wahe,

MAEFESO 4:2

hari mwa uwekevu na umakini, v̄umoja na suɓira. Namustahamiliane wanyu na wanyu hari mwa mahaɓa.

MAEFESO 4:24

mudzipindrise uutru muv̄ia waumbwa ha mufano wa Mungu, hari mwa uhaki na utwaharifu zijao ha ukweli.

MAEFESO 4:32

Namuke wema na roho zendza poreho wanyu na wanyu; namuswamihiane, mauri ɗe inamuna Mungu amuswamihini ha uv̄umoja wanyu na Kristi.

MAFILIPI 1:8

Kweli amba shahidi Mungu ha uv̄endza nilionayo na wanyu piyanyu, uv̄endza wa Kristi-Insa.

MAKOLOSIYA 3:10

mwadzipindrisa utru muv̄ia ulio amba usendra na ufanyiha muv̄ia hari mwa ujuzi ulinganao na umufano wa Uwo auumba.

1 MATESALONIKA 5:15

Namutahadhari amba v̄usuke mutru aɗiv̄a mbovu ha mbovu, ɓadi ha daima namuendreleye hari mwa zindjema, rangu wanyu na wanyu, ata ha piya wanadamu.

2 TIMUTAUSU 1:9

Arihuyi, tsena arihiri rike watwaharifu, tsi ha ulawana na zitrendro zatru, ɓadi ha siɓaɓu ya inia yahe monyewe, na irehema aridjaãliayo ha uv̄umoja na Kristi-Insa kaɓula ya umwandro wa yimida.

2 TIMUTAUSU 2:10

Iyo ɗe imana ata nistahamilio piya zitrongo, ha faida ya wao watsahulwa, ile wao wajau wapare uhuyifu ulio ha Kristi-Insa, v̄umoja na utukufu wa daima.

TITUSA 1:1

Wami Ɓaulusu, murumishi wa Mungu amma Muv̄ingizi-Risala wa Insa-Kristi amba niv̄inge wao watsahulwa na Mungu hari mwa uaminifu na ujuzi wa ukweli walingana na iĩɓada.

1 MONYE 1:2

Mutsahulwa na Mungu amma Ɓaɓa, ha ulingana na inia akanayo rangu kaɓula, tsena mutwaharishiwa na iRoho, mukane utuĩvu ha Insa-Kristi na urenga fuvu hari mwa umutsambadzio wa idamu yahe: Urehema na amani nazimuendreleyeni ha uwengi.

2 MONYE 1:10

Ha izo wananyangu, namufanye djitihadi zaidi muyakinishe umuhirio na umutsahulio mwadjaãliwa. Mwamofanya izo, dahari kamutsopuliha.

1 YUHANI 4:19

Na wasi risuv̄endza, mana waye ariv̄endze kadimu.

2 YUHANI 1:13

Wana wa mwananyaho mutrumushe mutsahuliwa wasuhusalimu.

MUV̄ENULIO 17:14

Watsofanya kondro kinyume na uMwana Ɓariɓari, na uMwana Ɓariɓari atsowashindra, mana waye Raɓi wa yamaraɓi, tsena Mufalume wa yamafalume, na v̄umoja na waye, wao wahiriwa, watsahulwa, uwaaminifu.»