MAKOLOSIYA 2:7 - Ha`bari Ndjema ya I Maore

⁷ Namudzisise mizi na udziundra hari mwa uv̄umoja na waye, namudzihodarishe hari mwa uaminifu ha ulingana na iyo mwasomedzewa, na uzidishiha hari mwa himida.

MAKOLOSIYA 2:7 ပူးပေါင်းရင်းမြစ်များ

LUKASI 6:48

Waye ufana na mutru awahao nyumba; ɓas, ɓaanda atsimba ndrile, aundru umusingi hari mwa mudjasasa wa ɓwe. V̄ushuku dzaha la maji, ata muro ureme inyumba, wala kawashindra waigudzusa, mana iundrwa hodari.

MAROMU 16:25

Natukuzihe uwo aliona ushindzi wa umuhodarishani, ha uɗunga iIndjili niijudzao yamuhusu Insa-Kristi, yalingana na izo zav̄enulwa zapatana na isiri yaka yasikwa rangu daima,

1 MAKORINTIYO 1:8

Waye ɗe atsomuhodarishaoni tsena ata mupaka mwiso, ile musutuhumilwe na itsokao yotsi isuku ya Raɓi watru Insa-Kristi.

1 MAKORINTIYO 15:58

Ha izo wananya wa roho wangu, namuke wahodari, watru wasika. Ha daima murendre na uzidisha urumishi wa Raɓi, ha ujua amba ihazi yanyu hari mwa uv̄umoja na Raɓi, kaisi tsi endza faida.

2 MAKORINTIYO 1:21

Na Monyewe urihodarisha wasi na wanyu hari mwa uv̄umoja na Kristi, tsena aritsahua na uridhwaminisha, ɗe Mungu.

MAEFESO 3:17

amba ha uaminifu Kristi aẽshi rohoni hanyu, na tsena amba musise mizi na uketsi hodari hari mwa itrongo ya uv̄endza,

MAEFESO 4:21

Neka anga amba kweli yahusu waye ɗe mwakia, tsena neka amba ha uv̄umoja wanyu na waye ɗe mwasomedzewa ha ulingana na ukweli ulio ha Insa,

MAEFESO 5:20

Daima namuhimidiye Mungu amma Ɓaɓa ha piya, ha lidzina la Raɓi watru Insa-Kristi.

MAKOLOSIYA 1:23

Iyo neka musuɓaki hari mwa uaminifu, muketsi, tsena musiki hodari, ɓila udzilisha muv̄ingwe mbali na itama ya iIndjili mwaikia, ilio amba ijudziwa kula shiumbe utsini na uwingu, na wami Ɓaulusu nafanyiha murumishi wayo.

MAKOLOSIYA 3:17

Yotsi mufanyao, neka ha marongozi au shitrendro, namuifanye ha lidzina la Raɓi Insa, na ha ndzia yahe, mumushukuriye Mungu amma Ɓaɓa.

1 MATESALONIKA 5:18

hali yotsi mutsokao namushukuriye, mana hanyuju yao ɗe mav̄endzeleo ya Mungu hari mwa uv̄umoja na Kristi-Insa.

2 MATESALONIKA 2:17

nawatriye ɓari ziroho zanyu, na umuhodarishani hari mwa kula shitrendro ndjema na urongozi mwema.

MAHEƁRANIYA 13:15

Ɓasi ha indzia yahe Insa, narimutamaniye Mungu dahari sadaka la sifa, ne ɗe mavuna ya hanyo zatru zikuɓalio ha hadhwira dzina lahe.

MAHEƁRANIYA 13:9

Mwasudzilishe mwav̄ingwa na tafauti namuna na namuna za misomo midjeni. Mana iyo ndjema amba roho ihodarishihe ha irehema, tsi ha zahula zilio amba kazafayidisha na itsokao yotsi wao waɗungao masharutwi yahusuana nazo.

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.

YUDA 1:12

Watru wao uka hari mwa miɗyio ya shiunanya yanyu mauri magambe yakwalisao. Wasusterehi v̄umoja na wanyu na udzilisa ɓila trisidzo; wao mauri mavingu kayana vua yav̄ingwao na pev̄o, mauri miri ya mwiso wa kashikazi kayadza mavuna, yafa mara mbili, tsena yarurumulwa.

YUDA 1:20

Ɓadi wanyu wav̄endzewa, namudziundre hari mwa uaminifu wazidi utwaharifu wanyu, mufanye mamilio ha iRoho Ndzitwaharifu,

YUDA 1:24

Ɓasi ha Uwo ashindrao amuziyeni na kula mukwaliso, tsena amuyeleheni mbeli za utukufu wahe ɓila pandra hari mwa furaha,