MAKOLOSIYA 2:23 - Ha`bari Ndjema ya I Maore

²³ kweli ziliona sura za hikima: mufano wa ĩɓada, uwekevu, na udzionda umwili; ɓadi kazina faida itsokao yotsi neka tsi ɗe ujiv̄idza ushiuɓinadamu.

MAKOLOSIYA 2:23 ပူးပေါင်းရင်းမြစ်များ

MAROMU 13:14

Ɓadi namudzipindrise Raɓi Insa Kristi, wala musudzishuhulise na itaɓia ya shiuɓinadamu ha ujiv̄idza zingushauku zayo.

MAEFESO 5:29

Mana kav̄waparoka mutru aenga mwili wahe monyewe; ɓadi ha kinyume, waye uulisa na uuangalia ha uzuri, mauri ɗe Kristi namuna aifanyao ha iDjama Ndziwaminifu,

MAKOLOSIYA 2:18

Musudzilishe mwarav̄wa ushindrifu na mutru yotsi adzijiv̄idzao ha uwekevu wa trambo na ĩɓada ya malayika; mutru namuna iyo udzihetsi hari mwa izo aonao, na udziɓua tu ɓure-ɓure ha fikira za shiuɓinadamu zahe.

MAKOLOSIYA 2:22

Na izo piya zitru muola zamohisa urumilwa. Izo ãmuri na misomo ya shiuɓinadamu,

MAKOLOSIYA 2:8

Namufahamu amba v̄wasuke mutru amufanyiani shambwe ha ndzia ya misomo ya ziãkili za shiuɓinadamu ndzidangamanyifu, tsena truv̄u, yilawanao na zimila za shiuɓinadamu, na zitru za ãswili za ulemengu, ɓadi tsi ha Kristi.

1 TIMUTAUSU 4:3

Wasuɓalidza watru ungia hari mwa ndrolo na uwaãmurisha wasuɗye ɓaãdhwi ya zahula zilio amba Mungu aziumbu ziɗyiwe ha uhimidifu na wao waaminio, tsena wajuao ukweli.

1 TIMUTAUSU 4:8

Madjereɓio ya shimwili ukana faida, ɓadi hari mwa trongo shashi, wakati ulio amba ĩɓada, iyo ukana faida hari mwa piya zitrongo, mana ina wahadi wa uhayati wa leo, ata uwo ujao.