MAKOLOSIYA 2:15 - Ha`bari Ndjema ya I Maore

¹⁵ Atsua ushindzi wa zingutawalizi na ziyezi, azifedhehisha ha hadhwira ha uziv̄inga hari mwa umwendro wa ushindrifu wa umuri wa pawa wahe.

MAKOLOSIYA 2:15 ပူးပေါင်းရင်းမြစ်များ

MATIYO 12:29

Au ha namuna jeje mutru ashindrao angiye moni na nyumba ya mutru mwendza nguvu, amuhiɓiye mali zahe, neka kafunga mwendza nguvu ule raɓuzi? V̄av̄o ɗe atsorav̄ao inyumba yahe.

LUKASI 10:18

Sa ile Insa awaambia: «Nakomuona Shetwani iv̄o akopuliha ulawa mbinguni mauri peni.

LUKASI 11:22

Ɓadi neka v̄umujilia mwendza nguvu rahana waye ata amushindri, waye umuv̄oshea piya zombo zahe zile akozitama, amwesa waye uanyisa piya zile amurav̄azo.

YUHANI 16:11

na yahusu ihukuma, ɗe iv̄o umutawalizi wa lidunia lini ahukumulwa.

YUHANI 19:30

Ɓaanda Insa anwa siki ile, arongoa: «Zitsimidziha piya.» Amwesa anyamisa ishitswa, roho yahe imulawia.

1 MAKORINTIYO 15:24

Amwesa umwiso utsoja, wakati atsov̄elehao ufalume ha Mungu amma Ɓaɓa, ɓaanda itsokao amba aangamidza kula utawalizi, kula yezi, na kula ushindzi.

2 MAKORINTIYO 2:14

Himida naimuendreleye Mungu ariv̄ingao daima hari mwa umusadjadja wa yamasherehi ya ushindrifu wahe, ha uv̄umoja watru na Kristi; na tsena, ha wasi, asuenedza kula v̄ahali iharufu ndzuzuri ya umujulihwano wahe.

2 MAKORINTIYO 4:4

wao walio amba kawasuamini. Ãkili zawo ziɓalwa matso na umutawalizi wa lidunia lini, ha namuna amba wasuone umuwalio wa iIndjili ya utukufu wa Kristi, alio umufano wa Mungu.

MAEFESO 3:10

Ini aifanya ile av̄asav̄anu zingutawalizi na zingushindzi zilio mbinguni zijuwe, ha ndzia ya iDjama Ndziwaminifu, ihikima ya Mungu ya kula namuna,

MAEFESO 4:8

Iyo ɗe imana amba v̄urongolwa: «Uhea yahe v̄ahanu v̄wa uju, av̄ingi wafungwa wamuɗunge, amwesa av̄a neema wanadamu.»

MAEFESO 6:12

Mana tsi kinyume na damu na nyama ɗe riwanao, ɓadi kinyume na zingutawalizi, ziyezi, zinguvu zashilidza zitawalao hari mwa ulemengu wa shidza unu, tsena kinyume na djeshi ɓovu la roho lilio mbinguni.

MAKOLOSIYA 1:16

Mana ha iwaye ɗe piya zaumbwa, rangu mbinguni ata shiv̄andreju mwa tsi, zionehanao na izo kazionehana, neka zingufalume, au izo ziliona uhu, au zingutawalizi, au na ziyezi. Piya ziumbwa ha ndzia yahe na ha siɓaɓu waye.

MAKOLOSIYA 2:10

na wanyu mukamilishiha hari mwa uv̄umoja na waye, alio ɗe iShitswa wa kula utawalizi na kula yezi.

MAHEƁRANIYA 2:14

Ɓasi ha iv̄o wana wanu walio mwili na damu, waye wajau afanyiha mauri wao, arenge fuvu hari mwa ihali yawo ya shiuɓinadamu, ile ha ufa wahe, aangamidze uwo aliona ushindzi wa ufa, ne ɗe Iɓilisa,

MUV̄ENULIO 12:9

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.

MUV̄ENULIO 20:10

Na Iɓilisa akowadanganya ne avutswa moni na lidzaha la moro na vu la shidzaha, v̄ahanu ishinyama mbovu na umushukidziwa-marongozi wa trambo walio. Watsotreswa uku na mutsana ha daima.