MAKOLOSIYA 2:12 - Ha`bari Ndjema ya I Maore

¹² Mudzihwa v̄umoja na waye ha umuɓaĩsho|uɓaĩsha, na hari mwa uv̄umoja na waye, muregezewa hayi na waye raha ha uaminifu na ushindzi wa Mungu, alio amba amuregeza hayi ulawa ha uwafu.

MAKOLOSIYA 2:12 ပူးပေါင်းရင်းမြစ်များ

LUKASI 17:5

yaMav̄ingizi-Risala yamuambia Raɓi: «Riengedzeye uaminifu.»

MAV̄INGIZI-RISALA 14:27

Uwaswili yawo hule, wahudhurisha piya iDjama Ndziwaminifu, wawaeledza piya zile Mungu azifanya ha ndzia yawo na inamuna aɓulia zinishani zangina umulongo wa uaminifu.

MAV̄INGIZI-RISALA 2:24

Ɓadi Mungu amutratrua hari mwa zingwe sa mauti, amuregeza hayi, mana kayaka trongo mukinishiha waye uziwa na ufa.»

MAV̄INGIZI-RISALA 2:32

Ɗe Insa uwo Mungu amuregeza hayi, na wasi piyasi ra mazahidi.

MAROMU 4:24

ɗe ha siɓaɓu ya wasi wajau ilio amba ritsohakishiha, wasi riaminio Uwo amuregeza hayi ulawa ha uwafu, Insa Raɓi watru,

MAROMU 7:4

Ɗe ha inamuna iyo wanyu wajau wananyangu: mufu mbeli za iSharia ha uv̄umoja wanyu na umwili wa Kristi, pare av̄asa muke wa mutru wangina, ule aregezewa hayi ulawa ha uwafu, ile pare rimuv̄ingiye Mungu mavuna.

1 MAKORINTIYO 12:13

Mana ha Roho moja riɓaĩshiwa piyasi, ile rifanyihe mwili moja ɓas, rangu Mayahudi ata Magiriki, rangu warumwa ata wanafasina, na piyasi rinosewa Roho moja.

1 MAKORINTIYO 15:20

Ɓadi kweli amba Kristi aregezewa hayi ulawa ufaju, waye ɗe udzazi wa handra hari mwa wao wafa.

MAGALATWIYA 3:27

Kweli amba piya wanyu mwaɓaĩshiwa hari mwa uv̄umoja na Kristi, mumupindri Kristi.

MAEFESO 2:8

Mana ha rehema ɗe mwahuyiwa, ha ndzia ya uaminifu. Na iyo kaisuja ulawa hanyuju, ɓadi iyo ɗe ineema ya Mungu.

MAEFESO 3:17

amba ha uaminifu Kristi aẽshi rohoni hanyu, na tsena amba musise mizi na uketsi hodari hari mwa itrongo ya uv̄endza,

MAEFESO 3:7

Tsifanyiha murumishi ha ineema ya irehema ya Mungu anidjaãliayo ha ndzia ya umurendreo wa ushindzi wahe.

MAEFESO 4:5

Raɓi waye moja, uaminifu uwo moja, muɓaĩsho moja,

MAEFESO 5:14

mana kula yav̄enulwa ufanyiha heu. Iyo ɗe imana ata v̄urongolwao: «Hima, wawe wasindzia, dzimidze hari mwa uwafu, na Kristi atsohuwalia.»

MAFILIPI 1:29

Kweli amba yahusu Kristi, mudjaãliwa irehema tsi tu amba ya utria uaminifu wanyu hahe, ɓadi tsena ya uondesheha ha siɓaɓu ya waye,

MAKOLOSIYA 1:29

Ɗe ha siɓaɓu ya iyo ɗe nidzirumao ha usongefu, ha zinguvu zahe zirendrao moni hangu v̄umoja na ushindzi.

MAKOLOSIYA 2:13

Na wanyu mwaka mwafa ha siɓaɓu ya mahosa yanyu na iv̄o kamwaka mwatahiriwa shimwili, Mungu amuẽshisani v̄umoja na Kristi ha uriswamihi piya mahosa yatru;

MAHEƁRANIYA 12:2

Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.

MAHEƁRANIYA 6:2

musomo wa yimiɓaĩsho, mukadzio-mihono, muregezeo hayi wa uwafu, na hukuma ya daima.

1 MONYE 3:21

Na iyo ika mufano wa umuɓaĩsho umuhuyioni leo ini, muɓaĩsho ulio amba kausutoa tsama za umwili, ɓadi ulio miyadi mbeli za Mungu ha roho yarahara. Na uhuyifu uwo uparihana ha umuregezeo hayi wa Insa-Kristi,