MAKOLOSIYA 1:5 - Ha`bari Ndjema ya I Maore

⁵ Iyo ha siɓaɓu ya itama mwalishiwayo pev̄oni, ilio amba muikia nyuma oho ha urongozi wa ikweli, ne ɗe iIndjili.

MAKOLOSIYA 1:5 ပူးပေါင်းရင်းမြစ်များ

LUKASI 12:33

Namuudze mali zanyu, zifaida muzitowe zaka. Namudzifanyiye mifuko ya marike kayikomoha, utadjirifu kaushashiha pev̄oni v̄ahanu mwidzi kav̄ukuruɓia, wala ɓiɓi kalimenye.

MAV̄INGIZI-RISALA 10:36

Av̄eleha Urongozi wahe ha yaMaisraila|Maisraila, ha uwajudza iamani ha ndzia ya Insa-Kristi, alio ɗe Raɓi wa piya uwanadamu.

MAV̄INGIZI-RISALA 13:26

He wananyangu, wanyu zilembwe za Iɓrahima na wanyu mumuriao Mungu, ɗe hanyuju ɗe urongozi wa uhuyifu uwo wav̄elehwa.

MAV̄INGIZI-RISALA 23:6

Ha iv̄o akojua amba nusu ika watru wa ishama ya dini ya Masadukayo na inusu ishama ya Mafarisayo, Ɓaulusu arongoa ha nguvu mbeli za uMungulidzano Muɓole ule: «Wananyangu, wami Mufarisayo, mwana wa Mafarisayo. Ɗe ha siɓaɓu ya itama yangu ya umuregezeo hayi wa uwafu ɗe nijao ninamulwe.»

MAV̄INGIZI-RISALA 24:15

Amwesa tsina tama ha Mungu, mauri ɗe wao wajau, amba v̄utsoka muregezeo hayi wa uwema, na uwayi.

MAROMU 10:8

Ɓasi v̄av̄o uMuangishio urongoa trini? Urongoa: «Urongozi wa kariɓu na wawe, moni na ihanyo yaho, tsena moni na iroho yaho.» Na uwo ɗe urongozi wa uaminifu ɗe riuudzao.

1 MAKORINTIYO 13:13

Ɓasi v̄anu trongo traru ɗe zilio: uaminifu, tama, na mahaɓa. Ɓadi imahususu ɗe mahaɓa.

1 MAKORINTIYO 15:19

Neka risumutumainia Kristi hari mwa uhayati unu riuẽshio tu ɓasi, v̄av̄o ra wasikinifu rahana piya.

2 MAKORINTIYO 5:19

Mana Mungu aka ha Kristi, akoparanisa ulemengu na iwaye yahe, ɓila uangalia mahosa ya wanadamu, tsena atria hatruju urongozi wahusu umuparanisio.

2 MAKORINTIYO 6:7

hari mwa umujudzio wa ikweli, tsena ha ushindzi wa Mungu, ha zizombo ziwaniao na ukingia ihaki;

MAGALATWIYA 2:14

Uona yangu amba kawakoɗunga ndzia yaondzoha yalingana na ukweli wa iIndjili, tsimuambia Monye mbeli za idjama piya: «Neka wawe ulio Muyahudi usuẽshi ha inamuna ya watru tsi Mayahudi, ɓadi tsi mauri Muyahudi, ha namuna jeje ushindrao ulazimishe wale tsi Mayahudi waɗunge mila za shi Uyahudi?»

MAGALATWIYA 2:5

Ɓadi karawakuɓalia ata mwanapav̄i, pare ukweli wa iIndjili umuɓakiyeni.

MAGALATWIYA 5:5

Wasi hatruju, ɗe ha uv̄ingwa na iRoho ɗe rilindrao, v̄umoja na uaminifu, umuhakisho riutumainiao.

MAEFESO 1:13

Wanyu wajau hari mwa uv̄umoja wanyu na waye ɓaanda mwakia urongozi wa ukweli, ne ɗe iIndjili ya ukombofu wanyu, ɓasi hari mwa uv̄umoja uwo, mungia hari mwa uaminifu, tsena muremwa muhuri ha iRoho Ndzitwaharifu yaka yatolwa wahadi.

MAEFESO 4:21

Neka anga amba kweli yahusu waye ɗe mwakia, tsena neka amba ha uv̄umoja wanyu na waye ɗe mwasomedzewa ha ulingana na ukweli ulio ha Insa,

MAKOLOSIYA 1:23

Iyo neka musuɓaki hari mwa uaminifu, muketsi, tsena musiki hodari, ɓila udzilisha muv̄ingwe mbali na itama ya iIndjili mwaikia, ilio amba ijudziwa kula shiumbe utsini na uwingu, na wami Ɓaulusu nafanyiha murumishi wayo.

MAKOLOSIYA 1:27

Mungu atsaha awajudze utadjirifu mutukufu wa iãdjaɓu ini hari mwa zinishani kazimuji, amba: Kristi moni hanyu, ɗe itama ya utukufu.

MAKOLOSIYA 3:16

V̄av̄o urongozi wa Kristi nauke moni hanyu ha piya utadjirifu wawo; namusomedzane na ufahamishana ha piya zihikima. Namuhedze madjimbo, ngutende za sifa, na himbo za shiRoho. Namumuhimbiye Mungu v̄umoja na himida ha piya umo wanyu.

1 MATESALONIKA 2:13

iMana tsena ata wasi karisuzia uhimidia Mungu, ɗe iv̄o upara yanyu urongozi wa Mungu ulio amba rimujudzaniwo, muukuɓali tsi amba mauri urongozi wa shiuɓinadamu, ɓadi mauri ɗe inamuna ulio ha kweli, amba urongozi wa Mungu ufanyao hazi moni hanyu wanyu muaminio.

2 MATESALONIKA 2:16

Ɓasi Raɓi watru Insa-Kristi waye-waye na Mungu amma Ɓaɓatru alio amba ariv̄endze, tsena aridjaãlia ha ineema yahe mutrilio-ɓari wa daima na tama ndjema,

1 TIMUTAUSU 1:15

Urongozi unu kweli, tsena ustahiki ukuɓaliwe ha namuna ndzikamilifu amba: Kristi-Insa aja ulemenguni ile ahuyi maãswifu, walio amba wami ɗe wa handra.

2 TIMUTAUSU 4:8

Rangu v̄anu tsihetsiwa ihishima ya muhakisho mbeli za Mungu. Raɓi, hakimu wa haki, atsoniv̄ayo iSuku iyo; wala tsi wami tu, ɓadi wajau na piya wao wakolindra v̄umoja na huɓa muv̄enulio wahe.

TITUSA 1:2

Ukweli uwo, ɗe itama ya uhayati mukamilifu wa daima, watolwa wahadi kaɓula ya umwandro wa yimida na Mungu tsi murongoa-trambo.

MAHEƁRANIYA 7:19

Mana iSharia kayakamilisha itsokao yotsi. Ɓadi av̄asa riv̄olwa tama ɓorwa zaidi, ilio amba ha wiyo risumukuruɓia Mungu.

1 MONYE 2:2

Mauri wana wadzalwa av̄asa, namutsahe dzia swafi-swafi la shiroho, ile ha wilo muhuwe, mupare uhuyifu,

1 MONYE 3:15

Ɓadi namumuhetsi Kristi rohoni hanyu amba Raɓi. Ha daima namuke tayari ya udifaĩ itama mulionayo moni hanyu, mbeli za yotsi atsotsahao ajuwe,

2 MONYE 1:12

Iyo ɗe imana ata niliona inia ya umunahanidzani dahari trongo zini, ata iv̄o muzijuao, tsena mwahodarishiha hari mwa ikweli mulionayo av̄asa.

1 YUHANI 3:3

Yotsi aliona tama iyo na Kristi udzitwaharisha, mauri waye namuna alio twahara.