MAHEƁRANIYA 9:9 - Ha`bari Ndjema ya I Maore

⁹ Iyo mufano wa wakati wa leo: v̄av̄o isuonesa amba masadaka na makafara yao yakotolewa, kayashindri urahatsa ha ukamilifu koho la unamuzi la uwo afanyao ĩɓada iyo.

MAHEƁRANIYA 9:9 ပူးပေါင်းရင်းမြစ်များ

MAROMU 5:14

Ne rangu wakati wa Adamu ata upara Musa, na ufa uka utawala, ata hari mwa wao kawaka waãswi ha uvundzifu Sharia mauri wa Adamu, alio mufano wa uwo akolazimu aje.

MAGALATWIYA 3:21

Hali v̄anu iSharia isendra kinyume na zinguwahadi za Mungu? Ata hata! Na djeli v̄uka v̄utolwa Sharia ishindrao iv̄inge uhayati, v̄av̄o umuhakisho ha Mungu watsoja na iSharia.

MAHEƁRANIYA 10:11

Kula mutolezi-masadaka uhima kula suku ile afanye urumishi wahe, na utolea mara na mara masadaka ɗe yao-yao yalio amba ata dahari kaishindri utoa yamadhambi.

MAHEƁRANIYA 11:19

Akodziambia amba Mungu ana ushindzi ata wa uregeza hayi mufu. Na ha ndzia ya shiurongozi, kweli amupara Isiaka ulawa ufaju.

MAHEƁRANIYA 5:1

Kweli amba kula Muɓole wa Matolezi-Masadaka arengwa hari mwa uwanadamu, uv̄olwa djukuma la urumishia Mungu ha tanafu ya uwanadamu, ile awatoleye makafara na masadaka ha siɓaɓu ya madhambi.

MAHEƁRANIYA 7:11

Na djeli utolezi-masadaka wakofanyiwa na udjama wa Lawi wakotosha utsimidza ukamilifu, mana uwo ɗe waka ɗe umusingi wa iSharia yaka yav̄olwa umati wa Israila, ɓasi manatrini ata v̄waka v̄walazimu v̄uje Mutolezi-Masadaka wangina ha inamuna ya Melkisedeki, ɓadi amba tsi ɗe ha inamuna ya Haruna?

MAHEƁRANIYA 8:4

Ne ɗe na djeli Kristi aka shiv̄andreju mwa tsi, katsoka Mutolezi-Masadaka, mana v̄wa wangina watoleao masadaka ha uɗunga iSharia.

MAHEƁRANIYA 9:24

Kweli amba Kristi waye kangia moni na Pa Dzitwaharifu lafanyiwa ha mihono ya wanadamu, lilio mufano wa lile lilio la kweli, ɓadi angia pev̄oni swafi-swafi, ile adziv̄enuwe av̄asa mbeli za Mungu ha faida yatru.

1 MONYE 3:21

Na iyo ika mufano wa umuɓaĩsho umuhuyioni leo ini, muɓaĩsho ulio amba kausutoa tsama za umwili, ɓadi ulio miyadi mbeli za Mungu ha roho yarahara. Na uhuyifu uwo uparihana ha umuregezeo hayi wa Insa-Kristi,