MAHEƁRANIYA 9:26 - Ha`bari Ndjema ya I Maore

²⁶ Mana v̄av̄o yatsoka amba akolazimu aondeshehe mara nyengi rangu lidunia uumbwa yalo. Ɓadi v̄anu hari mwa yimida ya mwiso, av̄enuha mara moja ha piya, ile azime hatwi lidhambi ha udzitoa sadaka.

MAHEƁRANIYA 9:26 ပူးပေါင်းရင်းမြစ်များ

MATIYO 13:39

na iãduwi ayitsanya, ɗe Iɓilisa; yamavuna yasurongoa umwiso wa lidunia, na yamavunizi, ɗe zimalayika.

MATIYO 13:40

Ha izo, mauri ɗe inamuna malavu maovu yarurumulwao yavutswao moroju, ɗe inamuna itsokao mwisoni mwa lidunia;

MATIYO 25:34

Amwesa umufalume atsoambia wao watsokao humeni hahe: ‹Namuje wanyu mulio uwaɓarikishiwa wa Ɓaɓangu, muwarithi Utawalizi mwatayarishiwawo rangu lidunia uumbwa yalo.

YUHANI 1:29

iSuku yaɗunga Yahaya amuono Insa iv̄o akomujilia. Sa ile arongoa: «Tsunu uMwana Ɓariɓari wa sadaka atoao yamadhambi ya lidunia.

YUHANI 17:24

Ɓaɓa, natsov̄endza v̄ahanu nilio wao waniv̄awo wake wajau na wami, pare waone utukufu wangu, utukufu waniv̄awo iv̄o waniv̄endza kaɓula ya lidunia uumbwa.

1 MAKORINTIYO 10:11

Na trongo zizo ziwav̄iria ile zike mufano, tsena ziangihwa pare zirifahamishe, wasi rawaswiliwa na uwakati wa mwiso.

MAGALATWIYA 4:1

Trongo niirongoao ɗe ini: piya umuda muarithi alio mwanamutsa, waye katafautisha na murumwa hari mwa itsokao yotsi, wala ukana waye ɗe monyewe wa piya.

MAEFESO 1:10

ile auhidjirise wakati wamopara: ɗe utsanganisa piya, rangu zilio mbinguni ata za shiv̄andreju mwa tsi, zike utsini na Kristi, Shitswa wazo.

MAEFESO 5:2

Namuẽshi ha maendreleo ya uv̄endza, mauri ɗe inamuna Kristi wajau ariv̄endza, adzitoa fidia monyewe ha Mungu ha tanafu yatru, ake kafara amma sadaka linukao tro.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

MAHEƁRANIYA 1:2

ɓadi hari mwa zisuku za mwiso zini, alagua na wasi ha ndzia ya Mwana wahe, alio amba amufanya muarithi wa piya, na ha waye ɗe aumba ulemengu kamili.

MAHEƁRANIYA 10:10

Ɗe ha mav̄endzeleo yao ɗe ratwaharishiwa ha lisadaka la umwili wa Insa-Kristi, mara moja ɓas.

MAHEƁRANIYA 10:12

Ɓadi waye, ɓaanda atolea sadaka moja tu ha yamadhambi, aketsi ha daima humeni ha Mungu.

MAHEƁRANIYA 10:26

Mana neka risuãswi ha kusudi ɓaanda rapara ujuzi wa ukweli, ɓasi v̄av̄o kav̄usuɓaki tsena sadaka la utoa madhambi,

MAHEƁRANIYA 10:4

Mana tsi mukinishiha amba damu ya mahondzo na maɓeɓeru itowe yamadhambi.

MAHEƁRANIYA 4:3

Kweli amba wasi riaminio, risungia hari mwa uv̄umuzi Mungu aurongoa amba: «Ɓasi tsilav̄a yamini ha hasera yangu: Kawatsongia ata hata hari mwa uv̄umuzi wangu.» Na v̄av̄o hazi zahe zika zimalidziha rangu lidunia laumbwa.

MAHEƁRANIYA 7:27

Waye tsi paka atowe masadaka kula suku mauri ɗe Matolezi Maɓole ya Masadaka, raɓuzi ha yamadhambi yahe monyewe, iv̄o ha ya umati. Iyo aifanya mara moja ha piya iv̄o adzitoa fidia monyewe.

MAHEƁRANIYA 9:12

wala tsi ha uv̄inga damu ya mbuzi au ya mwana nyombe ɗe angia mara moja ha piya moni na liPa Dzitwaharifu rahana Dzitwaharifu, ɓadi idamu yahe waye monyewe. Ɗe ha izo ɗe aparia ukombofu wa daima.

MAHEƁRANIYA 9:14

ha mara ngav̄i zaidi idamu ya Kristi, alio amba ha iRoho ya daima atamania iwaye yahe ɓila pandra litsokao lotsi ha Mungu. iDamu yahe iyo ɗe itsoritwaharishao likoho la unamuzi latru na zitrendro ziv̄ingao hari mwa ufa, ile rimurumishiye Mungu alio hayi.

1 MONYE 1:20

Atsahulwa rangu kaɓula, raha lidunia kalaka laumbwa, tsena av̄enulwa hari mwa uwakati wa mwiso unu ha faida yanyu,

1 MONYE 2:24

Waye alio amba waye monyewe av̄ingi madhambi yatru mwilini hahe hari mwa umuri|muri wa pawa, pare rife uhusu madhambi, ne riẽshi uhusu ihaki; waye alio amba ha madjaraha yahe muangalisiwa.

1 MONYE 3:18

Mana Kristi waye-waye ne aondesheha mara moja ɓas ha siɓaɓu ya madhambi ya wanadamu. Waye mwendza haki afariki ha tanafu ya tsi wendza haki, ile pare amuv̄ingeni ha Mungu. Aulawa umwili wahe, ɓadi aẽshisiwa ha iRoho.

1 MONYE 4:7

uMwiso wa piya zitrongo ukuruɓia. Ɓasi namukane zifikira zanyu, tsena muke hashiri, pare mufanye mamilio.

1 YUHANI 3:5

Na wanyu musujua amba waye av̄enuha, ile atowe lidhambi. Na kav̄usi dhambi haheju.

1 YUHANI 3:8

Uwo aãswio, waye wa Iɓilisa, mana Iɓilisa uãswi rangu ãswili. Iyo ɗe imana ata uMwana wa Mungu av̄enuha, ile aangamidze zitrendrwa za Iɓilisa.

MUV̄ENULIO 13:8

Na piya wakazi wa shiv̄andreju mwa tsi watsoiãɓudu, wao walio amba madzina yawo kayaangihwa rangu uumuumbio wa lidunia hari mwa ishio ya uhayati ya uMwana Ɓariɓari aka atsindzwa.

MUV̄ENULIO 17:8

iShinyama mbovu ile waiona ika, ɓadi kaisi tsena. Isuja iheye ulawa Uzimu, amwesa yendre yaangamiye. uWakazi wa ishiv̄andre ya tsi yamadzina kayaka yaangihwa hari mwa ishio ya uhayati rangu uumuumbio wa lidunia, watsoshanga uona yawo ishinyama mbovu, mana ika, kaisi tsena, amwesa itsorudi ike.