MAHEƁRANIYA 9:24 - Ha`bari Ndjema ya I Maore

²⁴ Kweli amba Kristi waye kangia moni na Pa Dzitwaharifu lafanyiwa ha mihono ya wanadamu, lilio mufano wa lile lilio la kweli, ɓadi angia pev̄oni swafi-swafi, ile adziv̄enuwe av̄asa mbeli za Mungu ha faida yatru.

MAHEƁRANIYA 9:24 ပူးပေါင်းရင်းမြစ်များ

MATIYO 18:10

«Namudzitahadharishe na uv̄ungua moja hari mwa watiti wanu; mana nisumuambiani amba malayika zawo pev̄oni, ha dahari za maswa na Ɓaɓangu alio pev̄oni. [

MARKUSI 14:58

«Rimukia iv̄o arongoa: ‹Nitsokomoa iNyumba Ndzitwaharifu ini yafanyiwa ha muhono wa mwanadamu, na hari mwa suku traru nitsoundra yangina ilio amba kaitsofanyiwa ha muhono wa mwanadamu.› »

MARKUSI 16:19

Ɓas, Raɓi Insa|Raɓi ɓaanda ahisa ulagua na wao, ahedzewa pev̄oni, aketsi humeni ha Mungu.

LUKASI 24:51

Ɓas wakati akowaɓariki v̄ale, awaɓaushia, ahedzewa andre pev̄oni.

YUHANI 16:28

Tsilawa ha Ɓaɓa, tsija ulemenguni; na av̄asa nisulawa ulemenguni, nirudi ha Ɓaɓa.»

YUHANI 6:62

Ɓasi mutsoka jeje mwamoona uMwana wa Mwanadamu asuhea v̄ahanu aka mwandroni?

MAV̄INGIZI-RISALA 3:21

Waye Uwo ɗe alazimu aɓaki pev̄oni ata mupaka ɗe wakati wa umurengeledzeo mukamilifu wa zitrongo, ule Mungu aujudza ha yamarongozi ya yimitrume mitwaharifu yahe.

MAROMU 8:33

Mbani ɗe atsosingidziao wao watsahuliwa na Mungu? Mungu waye ɗe ahakishao!

2 MAKORINTIYO 5:1

Mana wasi risujua amba neka liɓanga la haima lini riliketsiao ulemenguni v̄anu liangamidziwa, rina pev̄oni v̄ahanu v̄wa uketsi v̄wafanyiwa na Mungu, makazi ya daima kayafanyiwa ha yimihono ya wanadamu.

MAKOLOSIYA 3:2

Namufikiri izo zilio uju, ɓadi tsi zilio shiv̄andreju mwa tsi.

MAHEƁRANIYA 1:3

uMwana uwo alio umuvagio wa utukufu wa Mungu, na umufano mukamilifu wa utru wahe, asuv̄inga piya zitru ha urongozi wendza ushindzi wahe. Ɓaanda atsimidza umurahatsio wa yamadhambi, aketsi humeni mwa Monyewe Ufalume hari mwa yimikaɓala ya uju.

MAHEƁRANIYA 12:2

Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.

MAHEƁRANIYA 4:14

Ɓasi ha iv̄o riliona Mutolezi-Masadaka azidi uɓole av̄ira zimbingu, Insa, uMwana wa Mungu, narisike hodari uaminifu riukuɓalio ha hadhwira.

MAHEƁRANIYA 6:20

v̄ahanu Insa angia amba mutrangulia ha tanafu yatru. Afanyiha Muɓole wa Matolezi-Masadaka wa daima, mauri ɗe inamuna ya Melkisedeki.

MAHEƁRANIYA 8:2

Waye a murumishi hari mwa liPa Dzitwaharifu rahana Dzitwaharifu|Pa Dzitwaharifu rahana Dzitwaharifu, amma ɗe iNyumba ya Haima|Nyumba Ndzitwaharifu ya Haima ya kweli yamidzwa na Mola, ɓadi tsi na mwanadamu.

MAHEƁRANIYA 8:5

Wao ufanya ĩɓada ha namuna ilio mufano na shivuli ya izo zilio pev̄oni. Mauri ɗe Musa udzitayarisha yahe afanye iNyumba ya Haima, aambilwa na Mungu: «Fahamu amba kula shitru iɗunge umufano waonesewawo mulimaju.»

MAHEƁRANIYA 9:1

uMukataɓa|Mukataɓa wa handra ukana uwo wajau masharutwi yawo yahusu ĩɓada, v̄umoja na liPa Dzitwaharifu lawo la shiulemenguni.

MAHEƁRANIYA 9:23

Ɓasi neka ika ilazimu amba yimifano ya izo zilio pev̄oni yitwaharishiwe ha inamuna iyo, v̄av̄o za pev̄oni wizo-wizo zilazimu ike amba zitwaharishiwa ha masadaka yalio ɓorwa zaidi.

MAHEƁRANIYA 9:9

Iyo mufano wa wakati wa leo: v̄av̄o isuonesa amba masadaka na makafara yao yakotolewa, kayashindri urahatsa ha ukamilifu koho la unamuzi la uwo afanyao ĩɓada iyo.

1 MONYE 3:22

alio amba andre pev̄oni, a humeni ha Mungu, tsena zimalayika, ziyezi na zingushindzi zilazimishiwa umutuĩ.

MUV̄ENULIO 8:3

V̄uja malayika yangina, ihimi talatalaju mwa sadaka, na wiyo isiki shieredzo ya dhahaɓu. Iv̄olwa uɓani ha uwengi pare autamaniye v̄umoja na yamamilio ya piya uwatwaharifu hari mwa italatala ya dhahaɓu ile mbeli na ishiri ya ufalume.