MAHEƁRANIYA 9:14 - Ha`bari Ndjema ya I Maore

¹⁴ ha mara ngav̄i zaidi idamu ya Kristi, alio amba ha iRoho ya daima atamania iwaye yahe ɓila pandra litsokao lotsi ha Mungu. iDamu yahe iyo ɗe itsoritwaharishao likoho la unamuzi latru na zitrendro ziv̄ingao hari mwa ufa, ile rimurumishiye Mungu alio hayi.

MAHEƁRANIYA 9:14 ပူးပေါင်းရင်းမြစ်များ

MATIYO 12:28

Ɓadi neka ha ushindzi wa iRoho ya Mungu ɗe niĩdziao mazetwani, v̄av̄o Utawalizi wa Mungu umujiliani.

MATIYO 16:16

Simoni Monye adjiɓu: «Wawe ɗe Kristi, uMwana wa Mungu alio hayi.»

MATIYO 20:28

Iyo ɗe inamuna uMwana wa Mwanadamu kaja arumishiwa, ɓadi aja arumishiye, na udzitoa fidia akombowe wengi wa wanadamu.»

MATIYO 7:11

Neka wanyu mulio wa peu ujua uv̄a wana wanyu zitru ndjema, ha mara ngav̄i zaidi Ɓaɓanyu alio pev̄oni atsov̄ao ndjema ha wao wamumiaozo?

LUKASI 1:74

amba atsorikomboa mihononi ha maãduwi yatru, ile pare wala tsi ha uria, rimurumishiye

LUKASI 12:24

Namufikiri ya mahwayi; yao kayataɓu, wala kayavunu, kayana v̄ahanu v̄wa ugamisa zitru, wala kayana kanya, na Mungu uyalisa. Ɓasi ha mara ngav̄i muliona thamani raha na zinyunyi!

LUKASI 12:28

Ɓasi neka Mungu upindrisa ha namuna iyo ɗavu lilio malavuni leo ini, meso litsovutswao moroju, v̄av̄o ha mara ngav̄i zaidi atsomupindrisaoni? Uaminifu wanyu wa mushashi halisi!

LUKASI 4:18

«iRoho ya Mola ya ju langu, mana anitsahua nijudze Haɓari Ndjema ha zimasikini. Aniv̄eleha [nizihire wao waliona utungu wa roho], nijudze uwokovu ha wao walio ngweni na ha uwafa-matso amba watsoregea waone, niwokowe wao watreswao,

YUHANI 3:34

Na Uwo Mungu amuv̄eleha, urongoa yamarongozi ya Mungu, mana Mungu umudjaãlia iRoho ɓila shiv̄imo.

MAV̄INGIZI-RISALA 1:2

ata isuku ahedzewa pev̄oni, ɓaanda av̄a ãmuri ha iRoho Ndzitwaharifu yaMav̄ingizi-Risala|Mav̄ingizi-Risala aka ayatsahua.

MAV̄INGIZI-RISALA 10:38

Musujua namuna Mungu amutsahua Insa wa Nazareti na umuenedza iRoho Ndzitwaharifu na ushindzi, na namuna akwendra ha urendra ndjema na uzihira piya wao waka watawaliwa na Iɓilisa, mana Mungu aka na waye.

MAV̄INGIZI-RISALA 14:15

ha ushelemedza: «He wanyawe, manatrini ata mufanyao trongo zizo? Wasi ne wanadamu wajau mauri ɗe wanyu, amwesa risumuv̄ingiani haɓari ndjema na umusariɓiani muɓauhe zitru kazina manufa zizo, muzinge ha Mungu alio hayi, Monyewe uumba uwingu, ishiv̄andre ya tsi, iɓahari, na piya zilio moni hazo.

MAV̄INGIZI-RISALA 15:9

Kafanya tafauti itsokao yotsi ɓaina ya wasi na wao, awarahatsa ziroho zawo ha uaminifu.

MAROMU 1:20

Kweli amba izo kazionehana ha Mungu, mauri ɗe ushindzi wahe kauna mupaka, na uungu wahe, zisupara zionehana dhwahiri rangu lidunia uumbwa yalo, zamoangaliwa ha iãkili hari mwa izo aziumba. Ha izo, kawasina haki itsokao yotsi.

MAROMU 1:4

Adhiɓitishiha amba Mwana wa Mungu ha ushindzi, ha ndzia ya iRoho ya utwaharifu ha umuregeo hayi wahe ulawa ha uwafu, waye Insa-Kristi Raɓi watru,

MAROMU 11:12

Ɓasi neka kosa lawo liv̄ingia ɓaraka ulemengu, na uwa yawo iv̄ingia ɓaraka zinishani zangina, v̄av̄o ha mara ngav̄i zaidi uhuyifu wa indadi kamili yawo utsov̄ingao ɓaraka!

MAROMU 11:24

Mana neka wawe uka ukatrwa ha umuzaituni nyeha wa ãswili amwesa, ha kinyume na iãswili, upatsanisiwa ha muzaituni wataɓilwa, ha mara ngav̄i zaidi wao watsopatsanisiwao ulingana na iãswili yawo hari mwa umuzaituni wawo wenyewe.

MAROMU 6:13

Wala musuv̄elehe ziga za mwili zanyu zarumishia dhambi, zarendreha zombo za mbovu. Ɓadi namudziv̄e wanyu-wanyu mumurumishiye Mungu, amba watru mulio hayi mwalawa hari mwa ufa, tsena muv̄e ziga zanyu zike zombo zimurumishiao Mungu, zifanye zilio za haki.

MAROMU 6:22

Ɓadi av̄asa mukombolwa na ushindzi wa dhambi, mufanyiha warumwa wa Mungu; mavuna mulionayo ɗe utwaharifu, na umwiso ɗe uhayati mukamilifu wa daima.

1 MAKORINTIYO 15:45

Iyo ɗe imana ata v̄waangihwa moni na uMuangishio Mutwaharifu: «uMwanadamu wa handra, Adamu, afanyiha shiumbe yendza roho»; Adamu wa mwiso waye, roho iv̄ao uhayati.

2 MAKORINTIYO 5:21

Uwo alio amba kajua dhambi, Mungu amufanya dhambi ha tanafu yatru, ile ha waye rifanyihe wendza haki wa Mungu.

2 MAKORINTIYO 6:16

Mukataɓa trini ulio ɓaina ya iNyumba Ndzitwaharifu ya Mungu na masanamwe? Kweli amba wasi ɗe makazi matwaharifu ya Mungu alio hayi. Mauri ɗe iheli Mungu arongoa: «Nitsoketsi hari mwawo, na uendra hari mwawo. Tsena nitsoka Mungu wawo, na wao watsoka umati wangu.»

MAGALATWIYA 2:19

Kweli amba ha iSharia wami-wami tsifu mbeli za iSharia, ile niẽshi amba wa Mungu. Tsiremwa mizumari hari mwa muri wa pawa v̄umoja na Kristi;

MAEFESO 2:5

wasi raka rafa ha yamahosa yatru, ariẽshisa v̄umoja na Kristi. Ɓasi ha rehema ɗe mwahuyiwa.

MAEFESO 5:2

Namuẽshi ha maendreleo ya uv̄endza, mauri ɗe inamuna Kristi wajau ariv̄endza, adzitoa fidia monyewe ha Mungu ha tanafu yatru, ake kafara amma sadaka linukao tro.

1 MATESALONIKA 1:9

Mana watru wasurongoa husuana na wasi namuna jeje mwarirenga hanyu, na namuna jeje mwaɓuza ha Mungu ha udziɓausa na masanamwe, ile mumurumishiye Mungu alio hayi, tsena wa kweli,

1 TIMUTAUSU 1:17

Ɓasi ha uMufalume wa daima, tsi mufa, tsi muonehana, Mungu weke wahe, nav̄uke hishima na utukufu daimani aɓada. Amina.

1 TIMUTAUSU 3:15

Ɓadi neka nisuhoma, itsoka amba ha zini usujua inamuna ya udziv̄inga moni na idjama ya Mungu, ilio iDjama Ndziwaminifu ya Mungu alio hayi, ilio raha amba ɗe ingidzo na umusingi wa ukweli.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

MAHEƁRANIYA 1:3

uMwana uwo alio umuvagio wa utukufu wa Mungu, na umufano mukamilifu wa utru wahe, asuv̄inga piya zitru ha urongozi wendza ushindzi wahe. Ɓaanda atsimidza umurahatsio wa yamadhambi, aketsi humeni mwa Monyewe Ufalume hari mwa yimikaɓala ya uju.

MAHEƁRANIYA 10:10

Ɗe ha mav̄endzeleo yao ɗe ratwaharishiwa ha lisadaka la umwili wa Insa-Kristi, mara moja ɓas.

MAHEƁRANIYA 10:12

Ɓadi waye, ɓaanda atolea sadaka moja tu ha yamadhambi, aketsi ha daima humeni ha Mungu.

MAHEƁRANIYA 10:2

Na djeli amba tsi ɗe namuna iyo, ɓasi hali kaitsoka amba watru wazia uyatoa? Mana wao wafanyao ĩɓada iyo, itsoka amba watwaharishiha mara moja ɓas, amwesa kawatsodzituhumia tsena na dhambi.

MAHEƁRANIYA 10:22

V̄av̄o narikuruɓiye ha umo warahara na uaminifu mukamilifu, tsena na roho yarahatsiwa na tuhuma mbovu, v̄umoja na mwili ulio amba uhoswa ha maji maraharifu.

MAHEƁRANIYA 11:21

Ɗe ha uaminifu ɗe Yaãkuɓu wakati akofariki, asopelea kula mwana wa Yusufu, amwesa amutukuza Mungu ha uɗemea hari mwa itsa ya mupweke wahe.

MAHEƁRANIYA 13:12

Iyo ɗe imana ata Insa wajau, ile atwaharishe umati ha idamu yahe monyewe, aondesheha v̄ondze na umulongo wa liɗago.

MAHEƁRANIYA 3:12

V̄av̄o namufahamu wananyangu, v̄wasuke ata mutru hari mwanyu akana roho mbovu kaina uaminifu, ata yamuɓausa na Mungu alio hayi.

MAHEƁRANIYA 6:1

Ha izo, narilawe hari mwa ziharufu za handra za umusomo wahusu Kristi, ritsengeleye ata hari mwa ukamilifu wa umusomo, wala tsi ha utria misingi raha: ɗe uendra toɓa ha zitrendrwa mbovu ziv̄ingao hari mwa ufa, uaminifu na Mungu,

MAHEƁRANIYA 7:16

alio amba afanyiha Mutolezi tsi ha ãmuri ilawao hari mwa masharuti ya naswaɓa ya mwanadamu, ɓadi ha ushindzi wa uhayati ulio amba kauangamidzishiha.

MAHEƁRANIYA 7:27

Waye tsi paka atowe masadaka kula suku mauri ɗe Matolezi Maɓole ya Masadaka, raɓuzi ha yamadhambi yahe monyewe, iv̄o ha ya umati. Iyo aifanya mara moja ha piya iv̄o adzitoa fidia monyewe.

MAHEƁRANIYA 9:12

wala tsi ha uv̄inga damu ya mbuzi au ya mwana nyombe ɗe angia mara moja ha piya moni na liPa Dzitwaharifu rahana Dzitwaharifu, ɓadi idamu yahe waye monyewe. Ɗe ha izo ɗe aparia ukombofu wa daima.

MAHEƁRANIYA 9:26

Mana v̄av̄o yatsoka amba akolazimu aondeshehe mara nyengi rangu lidunia uumbwa yalo. Ɓadi v̄anu hari mwa yimida ya mwiso, av̄enuha mara moja ha piya, ile azime hatwi lidhambi ha udzitoa sadaka.

MAHEƁRANIYA 9:7

Ɓadi moni na lifuko la v̄ili, uMuɓole wa yaMatolezi-Masadaka tu ɗe angiao, mara moja hari mwa mwaha, wala tsi ha uka amba kasudzitolea damu iwaye yahe, na mahosa ya umati.

MAHEƁRANIYA 9:9

Iyo mufano wa wakati wa leo: v̄av̄o isuonesa amba masadaka na makafara yao yakotolewa, kayashindri urahatsa ha ukamilifu koho la unamuzi la uwo afanyao ĩɓada iyo.

1 MONYE 1:19

ɓadi ha idamu yendza kima ɓole ya Kristi, mauri ya mwana ɓariɓari kana shifeli wala pandra.

1 MONYE 2:22

«Waye kafanya dhambi, na hanyoni hahe kav̄waparihana udangamanyifu.»

1 MONYE 2:24

Waye alio amba waye monyewe av̄ingi madhambi yatru mwilini hahe hari mwa umuri|muri wa pawa, pare rife uhusu madhambi, ne riẽshi uhusu ihaki; waye alio amba ha madjaraha yahe muangalisiwa.

1 MONYE 3:18

Mana Kristi waye-waye ne aondesheha mara moja ɓas ha siɓaɓu ya madhambi ya wanadamu. Waye mwendza haki afariki ha tanafu ya tsi wendza haki, ile pare amuv̄ingeni ha Mungu. Aulawa umwili wahe, ɓadi aẽshisiwa ha iRoho.

1 MONYE 4:2

ile aẽshi tsi ha zingushauku za wanadamu, ɓadi ha uɗunga yamav̄endzeleo ya Mungu hari mwa uwakati wamuɓakia aẽshi hari mwa umwili.

1 YUHANI 1:7

Ɓadi neka risendra heuni, mauri waye-waye alio heuni, v̄av̄o ra hari mwa uv̄umoja wasi na wasi, amwesa idamu ya Insa, Mwana wahe, isurirahatsa na kula dhambi.

1 YUHANI 3:5

Na wanyu musujua amba waye av̄enuha, ile atowe lidhambi. Na kav̄usi dhambi haheju.

MUV̄ENULIO 1:5

na ulawa ha Insa-Kristi, ushahidi muaminifu, udzazi wa handra wa uwafu, amma shitswa wa wafalume shiv̄andreju mwa tsi. Ha Uwo ariv̄endzao, arikomboa hari mwa madhambi yatru ha idamu yahe,