MAHEƁRANIYA 9:12 - Ha`bari Ndjema ya I Maore

¹² wala tsi ha uv̄inga damu ya mbuzi au ya mwana nyombe ɗe angia mara moja ha piya moni na liPa Dzitwaharifu rahana Dzitwaharifu, ɓadi idamu yahe waye monyewe. Ɗe ha izo ɗe aparia ukombofu wa daima.

MAHEƁRANIYA 9:12 ပူးပေါင်းရင်းမြစ်များ

MARKUSI 3:29

Ɓadi mutru yotsi atsokufuruo iRoho Ndzitwaharifu, katsopara swamaha ata idahari; atriki djukuma la dhambi la daima.»

LUKASI 1:68

«Natukuziwe Mola Mungu wa Israila, mana aja aono na ukomboa umati wahe,

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

MAEFESO 1:7

Haheju, rina ukombofu ha idamu yahe, muswamaha wa madhambi walingana na utadjirifu wa urehema wahe,

MAKOLOSIYA 1:14

alio amba haheju rina ukombofu, ne ɗe umuswamaha wa yamadhambi.

1 MATESALONIKA 1:10

na ulindra ulawa mbinguni uMwana wahe amuregeza hayi ulawa ha uwafu, ne ɗe Insa alio amba asurikomboa na zihadhaɓu zijao.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

MAHEƁRANIYA 1:3

uMwana uwo alio umuvagio wa utukufu wa Mungu, na umufano mukamilifu wa utru wahe, asuv̄inga piya zitru ha urongozi wendza ushindzi wahe. Ɓaanda atsimidza umurahatsio wa yamadhambi, aketsi humeni mwa Monyewe Ufalume hari mwa yimikaɓala ya uju.

MAHEƁRANIYA 10:19

Ha izo wananyangu, rina yakini ya mungilio ha unafasi moni na liPa Dzitwaharifu rahana Dzitwaharifu ha idamu ya Insa.

MAHEƁRANIYA 10:4

Mana tsi mukinishiha amba damu ya mahondzo na maɓeɓeru itowe yamadhambi.

MAHEƁRANIYA 13:12

Iyo ɗe imana ata Insa wajau, ile atwaharishe umati ha idamu yahe monyewe, aondesheha v̄ondze na umulongo wa liɗago.

MAHEƁRANIYA 5:9

Na ɓaanda akamilishiha, afanyiha ha piya wao wamutuĩo koho la uhuyifu wa daima,

MAHEƁRANIYA 7:27

Waye tsi paka atowe masadaka kula suku mauri ɗe Matolezi Maɓole ya Masadaka, raɓuzi ha yamadhambi yahe monyewe, iv̄o ha ya umati. Iyo aifanya mara moja ha piya iv̄o adzitoa fidia monyewe.

MAHEƁRANIYA 9:13

Kweli amba neka idamu ya ɓeɓeru na mahondzo, au vu la mutsamba wa nyombe zitsambadziwa ha wao waliona tsama utwaharisha umwili,

MAHEƁRANIYA 9:14

ha mara ngav̄i zaidi idamu ya Kristi, alio amba ha iRoho ya daima atamania iwaye yahe ɓila pandra litsokao lotsi ha Mungu. iDamu yahe iyo ɗe itsoritwaharishao likoho la unamuzi latru na zitrendro ziv̄ingao hari mwa ufa, ile rimurumishiye Mungu alio hayi.

MAHEƁRANIYA 9:15

Iyo ɗe imana ata waye alio muparanisa wa mukataɓa muv̄ia, iv̄o v̄wahidjiri ufa ha ukombofu wa mahosa yafanyiwa hari mwa umukataɓa wa handra, pare wao wahiriwa na Mungu, wapare umwaratha wa daima waka watolewawo wahadi.

MAHEƁRANIYA 9:19

Mana Musa ɓaanda ajudza ha piya umati kula ãmuri ya iSharia, arenge damu ya wana mahondzo na maɓeɓeru v̄umoja na maji, na uzi mukundru, amwesa na wana marahi wa muri uhiriwao hisop, aazindzia ishio ya iSharia na piya umati

MAHEƁRANIYA 9:28

ɗe namuna iyo wajau Kristi atolwa sadaka mara moja, ile atowe madhambi ya indadi ɓole ya wanadamu, iv̄o av̄enuhe mara ya v̄ili, ɓila tsi ha trongo yahusu dhambi, ha wao wamulindriliao na uhuyifu.

MAHEƁRANIYA 9:7

Ɓadi moni na lifuko la v̄ili, uMuɓole wa yaMatolezi-Masadaka tu ɗe angiao, mara moja hari mwa mwaha, wala tsi ha uka amba kasudzitolea damu iwaye yahe, na mahosa ya umati.

MUV̄ENULIO 1:5

na ulawa ha Insa-Kristi, ushahidi muaminifu, udzazi wa handra wa uwafu, amma shitswa wa wafalume shiv̄andreju mwa tsi. Ha Uwo ariv̄endzao, arikomboa hari mwa madhambi yatru ha idamu yahe,

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.