MAHEƁRANIYA 8:3 - Ha`bari Ndjema ya I Maore

³ Kula Mutolezi-Masadaka Muɓole uhetsiwa atoleye masadaka na makafara. Iyo ɗe imana ata yalazimu amba waye wajau akane ya utoa.

MAHEƁRANIYA 8:3 ပူးပေါင်းရင်းမြစ်များ

YUHANI 6:51

Wami ɗe lidipe lilio hayi lashuka ulawa pev̄oni. Neka mutru asuɗya lidipe lini, atsoẽshi dahari. Na lidipe nitsoliv̄ao, ɗe umwili wangu nitsouv̄ao, pare lidunia likane uhayati.»

MAROMU 4:25

alio amba av̄elehwa aulawe ha siɓaɓu ya maãswi yatru, tsena aregezewa hayi ile rihakishihe mbeli za Mungu.

MAROMU 5:6

Mana wakati raha karakoshindra itsokao yotsi, hari mwa uwakati wahetsiwa, Kristi afu ha faida ya mashirikina.

MAROMU 5:8

Ɓadi ha zini ɗe Mungu av̄enua uriv̄endza yahe: iv̄o raha raka maãswifu, Kristi afu ha siɓaɓu ya wasi.

MAGALATWIYA 2:20

v̄anu tsi wami tsena ɗe niẽshio, ɓadi Kristi ɗe aẽshio moni hangu. Maẽsha nilionawo leo ha umwili, nisuyaẽshi ha uaminifu na uMwana wa Mungu alio amba aniv̄endze, tsena adzitoa fidia ha siɓaɓu ya wami.

MAEFESO 5:2

Namuẽshi ha maendreleo ya uv̄endza, mauri ɗe inamuna Kristi wajau ariv̄endza, adzitoa fidia monyewe ha Mungu ha tanafu yatru, ake kafara amma sadaka linukao tro.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

MAHEƁRANIYA 2:17

Iyo ɗe imana aka alazimu afanyishihe namuna moja na wananyahe hari mwa piya zitrongo, ile afanyihe Muɓole wa Matolezi-Masadaka mwendza poreho tsena muaminifu hari mwa urumishi wa Mungu, amwesa azime hatwi madhambi ya umati.

MAHEƁRANIYA 3:1

Ha izo, wananyangu watwaharifu murengao fuvu hari mwa umuhirio wa shipev̄oni, namumufikiri Insa, uMuv̄elehwa amma uMuɓole wa yaMatolezi-Masadaka|Muɓole wa Matolezi-Masadaka wa uaminifu riukuɓalio.

MAHEƁRANIYA 5:1

Kweli amba kula Muɓole wa Matolezi-Masadaka arengwa hari mwa uwanadamu, uv̄olwa djukuma la urumishia Mungu ha tanafu ya uwanadamu, ile awatoleye makafara na masadaka ha siɓaɓu ya madhambi.

MAHEƁRANIYA 7:27

Waye tsi paka atowe masadaka kula suku mauri ɗe Matolezi Maɓole ya Masadaka, raɓuzi ha yamadhambi yahe monyewe, iv̄o ha ya umati. Iyo aifanya mara moja ha piya iv̄o adzitoa fidia monyewe.

MAHEƁRANIYA 8:4

Ne ɗe na djeli Kristi aka shiv̄andreju mwa tsi, katsoka Mutolezi-Masadaka, mana v̄wa wangina watoleao masadaka ha uɗunga iSharia.

MAHEƁRANIYA 9:14

ha mara ngav̄i zaidi idamu ya Kristi, alio amba ha iRoho ya daima atamania iwaye yahe ɓila pandra litsokao lotsi ha Mungu. iDamu yahe iyo ɗe itsoritwaharishao likoho la unamuzi latru na zitrendro ziv̄ingao hari mwa ufa, ile rimurumishiye Mungu alio hayi.