MAHEƁRANIYA 7:27 - Ha`bari Ndjema ya I Maore

²⁷ Waye tsi paka atowe masadaka kula suku mauri ɗe Matolezi Maɓole ya Masadaka, raɓuzi ha yamadhambi yahe monyewe, iv̄o ha ya umati. Iyo aifanya mara moja ha piya iv̄o adzitoa fidia monyewe.

MAHEƁRANIYA 7:27 ပူးပေါင်းရင်းမြစ်များ

MAROMU 6:10

Mana ufa yahe, ushindzi wa yamadhambi ɗe aufilia mara moja, amma ha daima; na uẽshi yahe, ha Mungu ɗe aẽshio.

MAEFESO 2:22

Ɗe hari mwa uv̄umoja na waye, ɗe wanyu wajau mwaundrwa v̄umoja, pare muke makazi ya Mungu ayaketsiao ha iRoho.

MAEFESO 5:2

Namuẽshi ha maendreleo ya uv̄endza, mauri ɗe inamuna Kristi wajau ariv̄endza, adzitoa fidia monyewe ha Mungu ha tanafu yatru, ake kafara amma sadaka linukao tro.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

MAHEƁRANIYA 5:1

Kweli amba kula Muɓole wa Matolezi-Masadaka arengwa hari mwa uwanadamu, uv̄olwa djukuma la urumishia Mungu ha tanafu ya uwanadamu, ile awatoleye makafara na masadaka ha siɓaɓu ya madhambi.

MAHEƁRANIYA 5:3

Ɗe ha siɓaɓu ya ulemevu uwo ɗe alazimu adzitoleye waye-waye masadaka ha siɓaɓu ya madhambi, atoleye na wanadamu masadaka ha siɓaɓu ya madhambi yawo.

MAHEƁRANIYA 8:4

Ne ɗe na djeli Kristi aka shiv̄andreju mwa tsi, katsoka Mutolezi-Masadaka, mana v̄wa wangina watoleao masadaka ha uɗunga iSharia.

MAHEƁRANIYA 9:12

wala tsi ha uv̄inga damu ya mbuzi au ya mwana nyombe ɗe angia mara moja ha piya moni na liPa Dzitwaharifu rahana Dzitwaharifu, ɓadi idamu yahe waye monyewe. Ɗe ha izo ɗe aparia ukombofu wa daima.

MAHEƁRANIYA 9:14

ha mara ngav̄i zaidi idamu ya Kristi, alio amba ha iRoho ya daima atamania iwaye yahe ɓila pandra litsokao lotsi ha Mungu. iDamu yahe iyo ɗe itsoritwaharishao likoho la unamuzi latru na zitrendro ziv̄ingao hari mwa ufa, ile rimurumishiye Mungu alio hayi.

MAHEƁRANIYA 9:25

Wala kangia amba adzitowe fidia mara na mara, mauri ɗe uMutolezi-Masadaka Muɓole angiao kula mwaha moni na liPa Dzitwaharifu rahana Dzitwaharifu v̄umoja na damu tsi yahe.

MAHEƁRANIYA 9:26

Mana v̄av̄o yatsoka amba akolazimu aondeshehe mara nyengi rangu lidunia uumbwa yalo. Ɓadi v̄anu hari mwa yimida ya mwiso, av̄enuha mara moja ha piya, ile azime hatwi lidhambi ha udzitoa sadaka.

MAHEƁRANIYA 9:28

ɗe namuna iyo wajau Kristi atolwa sadaka mara moja, ile atowe madhambi ya indadi ɓole ya wanadamu, iv̄o av̄enuhe mara ya v̄ili, ɓila tsi ha trongo yahusu dhambi, ha wao wamulindriliao na uhuyifu.

MAHEƁRANIYA 9:7

Ɓadi moni na lifuko la v̄ili, uMuɓole wa yaMatolezi-Masadaka tu ɗe angiao, mara moja hari mwa mwaha, wala tsi ha uka amba kasudzitolea damu iwaye yahe, na mahosa ya umati.