MAHEƁRANIYA 7:19 - Ha`bari Ndjema ya I Maore

¹⁹ Mana iSharia kayakamilisha itsokao yotsi. Ɓadi av̄asa riv̄olwa tama ɓorwa zaidi, ilio amba ha wiyo risumukuruɓia Mungu.

MAHEƁRANIYA 7:19 ပူးပေါင်းရင်းမြစ်များ

YUHANI 1:17

Mana iSharia ika iv̄olwa ha ndzia ya Musa, ɓadi ineema na ukweli zija ha ndzia ya Insa-Kristi.

YUHANI 14:6

Insa amuambia: «Wami ɗe indzia, ukweli, na uhayati. Kav̄usi mutru ajao ha Ɓaɓa, neka tsi ha ndzia yangu.

MAV̄INGIZI-RISALA 13:39

Na ha waye tsena ɗe kula mutru aaminio uhakishiwa na piya zilio amba ha ndzia ya iSharia ya Musa, kamwashindra mwahakishiwazo.

MAROMU 5:2

Waye ɗe ariɓulia indzia ya upara, ha uaminifu watru, ineema ini ilio amba ra hari mwayo, tsena risufurahi ha itama ya urenga fuvu hari mwa utukufu wa Mungu.

MAROMU 7:7

Ɓasi v̄anu rirongowe jeje? Amba Sharia, lilo dhambi? Ata hata! Ɓadi tsatsojua amba dhambi ɗe liv̄i, neka tsi ha iSharia. Mana tsatsojua amba udzihafukanisa iyo mbovu, na djeli iSharia kayaka yarongoa: «Usudzihafukanise.»

MAROMU 8:3

Mana trongo iSharia kakoishindra iv̄o hali ya shiuɓinadamu yakotoa ushindzi wayo, Mungu aifanya ha uv̄eleha uMwana wahe monyewe hari mwa mwili amba mutru amomuona, akoona mwili sawa na wa mwanadamu mwendza dhambi. Na uhusu dhambi, Mungu ahukumu lidhambi mwilini ha mwanadamu,

MAGALATWIYA 2:16

Iv̄o rijuao amba shiumbe mwanadamu kaihakishiwa na Mungu ha utuĩ iSharia, ɓadi ha uaminifu wahe na Insa-Kristi, wasi wajau rimuamini Insa-Kristi, pare rihakishiwe na Mungu ha uaminifu watru na Kristi, ɓadi tsi ha utuĩ iSharia; mana ha utuĩ iSharia, kav̄u mutru yotsi atsohakishiwao na Mungu.

MAGALATWIYA 3:21

Hali v̄anu iSharia isendra kinyume na zinguwahadi za Mungu? Ata hata! Na djeli v̄uka v̄utolwa Sharia ishindrao iv̄inge uhayati, v̄av̄o umuhakisho ha Mungu watsoja na iSharia.

MAGALATWIYA 3:24

Ha izo, iSharia ika mulezi watru ata umujilio wa Kristi, ile rikuɓalishihe ha uaminifu.

MAEFESO 3:12

Hari mwa uv̄umoja watru na waye na ha ndzia ya uaminifu na waye, rina unafasi wa umukuruɓia Mungu v̄umoja na utumainivu.

MAKOLOSIYA 1:27

Mungu atsaha awajudze utadjirifu mutukufu wa iãdjaɓu ini hari mwa zinishani kazimuji, amba: Kristi moni hanyu, ɗe itama ya utukufu.

1 TIMUTAUSU 1:1

Wami Ɓaulusu, Muv̄ingizi-Risala wa Kristi-Insa ha ãmuri ya Mungu Muhuyifu watru, na ya Kristi-Insa itama yatru,

MAHEƁRANIYA 10:1

Kweli amba iSharia isuv̄inga muvuli wa zindjema zijao, ɓadi tsi sura swafi-swafi ya trongo zizo. Iyo ɗe imana amba ata dahari kaisushindra ha masadaka yao-yao yatolewao v̄av̄o na v̄av̄o, mwaha ata mwaha, yarahatsisa ha ukamilifu wao wamukuruɓiao Mungu ha umuãɓudu.

MAHEƁRANIYA 11:40

iv̄o Mungu aka ariãzimia trongo ndjema zaidi, ile wasupare ukamilifu ɓila wasi.

MAHEƁRANIYA 11:6

Mana neka tsi ha uaminifu, tsi trongo mukinishiha amba mutru amujiv̄idze Mungu, mana uwo amukuruɓiao, alazimu aamini amba a v̄av̄o, tsena amba waye uv̄a thawaɓu wao wamuzunguhao.

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

MAHEƁRANIYA 4:16

Ɓasi narijiliye v̄umoja na yakini ishiri ya yezi ya urehema, ile ripare poreho na urehema, risaidiwe hari mwa uwakati walazimu.

MAHEƁRANIYA 6:18

Ha izo, trongo mbili kazigauha, zilio amba hari mwazo tsi mukinishiha Mungu urongoa trambo, zisuriv̄ingia mutrilio-ɓari muhodari, wasi rilio amba umuɓamio watru uka ɗe udzifungamanisa na itama rahetsiwayo.

MAHEƁRANIYA 7:11

Na djeli utolezi-masadaka wakofanyiwa na udjama wa Lawi wakotosha utsimidza ukamilifu, mana uwo ɗe waka ɗe umusingi wa iSharia yaka yav̄olwa umati wa Israila, ɓasi manatrini ata v̄waka v̄walazimu v̄uje Mutolezi-Masadaka wangina ha inamuna ya Melkisedeki, ɓadi amba tsi ɗe ha inamuna ya Haruna?

MAHEƁRANIYA 7:20

Na iyo kayafanyishiha ɓila mulav̄io. Walawi wafanyiha Matolezi-Masadaka ɓila mulav̄io,

MAHEƁRANIYA 7:25

Iyo ɗe imana ata ashindrao ahuyi ha daima wao wamujiliao Mungu ha ndzia yahe, mana asuẽshi dahari ile awadailiye.

MAHEƁRANIYA 8:6

Ɓadi leo v̄anu Kristi waye apara urumishi wazidi uhu, iv̄o alio muparanisa wamukataɓa mwema zaidi, wahetsiwa hari mwa nguwahadi ndjema zaidi.

MAHEƁRANIYA 9:9

Iyo mufano wa wakati wa leo: v̄av̄o isuonesa amba masadaka na makafara yao yakotolewa, kayashindri urahatsa ha ukamilifu koho la unamuzi la uwo afanyao ĩɓada iyo.

YAKOƁU 4:8

Namumukuruɓiye Mungu, na waye atsomukuruɓiani. Namutwaharishe mihono yanyu, wanyu maãswifu, namurahatse ngumo zanyu, wanyu wendza roho zaãnisiha.