MAHEƁRANIYA 7:11 - Ha`bari Ndjema ya I Maore

¹¹ Na djeli utolezi-masadaka wakofanyiwa na udjama wa Lawi wakotosha utsimidza ukamilifu, mana uwo ɗe waka ɗe umusingi wa iSharia yaka yav̄olwa umati wa Israila, ɓasi manatrini ata v̄waka v̄walazimu v̄uje Mutolezi-Masadaka wangina ha inamuna ya Melkisedeki, ɓadi amba tsi ɗe ha inamuna ya Haruna?

MAHEƁRANIYA 7:11 ပူးပေါင်းရင်းမြစ်များ

MAGALATWIYA 2:21

Tsisuhara irehema ya Mungu; mana na djeli umuhakisho mbeli za Mungu uka ha iSharia, itsoka amba Kristi afu ɓila mana itsokao yotsi.

MAGALATWIYA 4:3

Wasi wajau, wakati raka wanatsa, rika warumwa wa zinguvu ziv̄ingao ulemengu.

MAGALATWIYA 4:9

Ɓadi av̄asa, iv̄o mumujuao Mungu, au amba mujulihanao na Mungu, namuna jeje mushindrao murudi raha hari mwa trongo zile kazina ushindzi tsena ndziv̄ungufu, ha utsaha muzirumishiye raha mauri warumwa wazo?

MAHEƁRANIYA 5:10

ɓaanda Mungu amufanya Muɓole wa Matolezi-Masadaka, mauri ɗe inamuna ya Melkisedeki.

MAHEƁRANIYA 5:6

Mauri ɗe inamuna arongoao raha v̄ahanu v̄wangina: «Wawe wa Mutolezi-Masadaka wa daima, mauri ɗe inamuna ya Melkisedeki.»

MAHEƁRANIYA 6:20

v̄ahanu Insa angia amba mutrangulia ha tanafu yatru. Afanyiha Muɓole wa Matolezi-Masadaka wa daima, mauri ɗe inamuna ya Melkisedeki.

MAHEƁRANIYA 7:10

Mana Lawi raha aka mwilini ha mudzaɗe wahe Iɓrahima wakati Melkisedeki andra amupara.

MAHEƁRANIYA 7:12

Mana neka utolezi-masadaka ugaudziwa, farudhwi v̄ufanyiwe mugaudzio wa Sharia wajau.

MAHEƁRANIYA 7:13

Mana mutru arongolwao hari mwa trongo zini, alawa hari mwa udjama wangina, ulio amba kav̄u ata mutru aka hari mwa urumishi wa italatala ya masadaka|talatala ya masadaka.

MAHEƁRANIYA 7:15

Tsini trongo iv̄enuao zaidi piya zini: v̄uja Mutolezi-Masadaka wangina, ha umufano wa Melkisedeki,

MAHEƁRANIYA 7:21

ɓadi waye afanyiha Mutolezi ha mulav̄io wa Uwo amuambia: «Mola alav̄a, wala katsorudi nyuma: ‹Wawe Mutolezi-Masadaka wa daima.› »

MAHEƁRANIYA 8:7

Mana na djeli umukataɓa wa handra ule kawakana tuhuma, kav̄watsoka ɓandza la mukataɓa wa v̄ili.

MAHEƁRANIYA 9:6

Zitru zini piya ɓaanda zarengeledzewa namuna ini, yaMatolezi-Masadaka|Matolezi-Masadaka ungia kula wakati moni na lifuko la handra, ile wafanye zihazi za urumishi wawo.