MAHEƁRANIYA 6:4 - Ha`bari Ndjema ya I Maore

⁴ Tsi mukinishiha amba wao waunishiwa suku, wapara ladha ya ineema ya shipev̄oni, warenga fuvu na iRoho Ndzitwaharifu,

MAHEƁRANIYA 6:4 ပူးပေါင်းရင်းမြစ်များ

MATIYO 12:45

Ɓas, lilo ulawa, lendre lirenge madjini saɓa yangina, maovu rahana wilo. Yao ungia hahe v̄ale, yafanya makazi, ha namuna amba hali ya mutru ule, mwisoni uzidi mbovu rahana mara ya handra. Ɓasi itsoka ɗe inamuna iyo wajau ha lidunia ɓovu la leo lini.»

MATIYO 5:13

«Wanyu ɗe ishingo ya lidunia. Ɓadi neka ishingo ilawa ladha yayo, ha trini ɗe itsoregezewao? Kaikana mana tsena, iɓaki tu ɗe wiyo ulatswa v̄ondze, igaɗwe na wanadamu.

YUHANI 15:6

Neka mutru kasuɓaki hari mwa uv̄umoja na wami, waye ulatswa v̄ondze mauri ɗe litrahi, na lilo uhuma; amwesa yamarahi yao ungulidziwa, uvutswa moroju yavudzwa.

YUHANI 3:27

Yahaya adjiɓu: «Mutru kashindri upara shitru neka kav̄olwayo na Mungu, Monyewe pev̄oni.

YUHANI 4:10

Insa amudjiɓu: «Na djeli wakojua ineema yadjaãliwa na Mungu, na uwo mbani ɗe ahuambiao amba: ‹Nimbe maji ninwe›, v̄av̄o wawe ɗe watsomumia maji ya unwa, na waye atsohuv̄a maji ya uhayati.»

YUHANI 6:32

Sa ile Insa awaambia: «Nisumuambiani ha kweli, Musa tsi ɗe amuv̄ani lidipe lalawa pev̄oni, ɓadi Ɓaɓangu ɗe amuv̄aoni lidipe la kweli lilawao pev̄oni.

MAV̄INGIZI-RISALA 10:45

Piya maaminifu watahiriwa waka waɗungana na Monye washanga amba ineema ya iRoho Ndzitwaharifu ienedzewa ata ha wale wa nishani zangina.

MAV̄INGIZI-RISALA 11:17

Ɓaanda Mungu awav̄a neema sawa na wasi ramuamini Raɓi Insa-Kristi, wami ɗe mbani ata nimukanyushe Mungu?»

MAV̄INGIZI-RISALA 15:8

Na Mungu ajuao ziroho, adhiɓitisha amba awakuɓali ha uwav̄a iRoho Ndzitwaharifu, mauri ɗe wasi.

MAV̄INGIZI-RISALA 8:20

Ɓadi Monye amuambia: «Fedha zaho zizo nazipoteye v̄umoja na wawe, ha iv̄o wafikiri amba ineema ya Mungu upariha ha kima ya fedha!

MAROMU 1:11

Mana tsina ushauku wa umuonani ile nimuv̄ingiyeni zawadi ya shiroho, pare muhodarishihe.

2 MAKORINTIYO 4:4

wao walio amba kawasuamini. Ãkili zawo ziɓalwa matso na umutawalizi wa lidunia lini, ha namuna amba wasuone umuwalio wa iIndjili ya utukufu wa Kristi, alio umufano wa Mungu.

2 MAKORINTIYO 4:6

Mana Mungu Monyewe arongoa: «iHeu naiwaliye ishidza», awala moni na iroho yatru, ile awalise ujuzi wa utukufu wahe Mungu hari mwa isura ya Kristi.

MAGALATWIYA 3:2

Trongo nitsahao nijuwe hanyuju ɗe ini tu: Hali ɗe ha uɗunga iSharia ɗe mwadjaãliwa iRoho Ndzitwaharifu, au ɗe iv̄o mwakia ihaɓari ya uaminifu?

MAGALATWIYA 3:5

Monyewe umudjaãliani iRoho, tsena ahidjirisao midjuza hari mwanyu, hali asuzifanya iv̄o muɗungao iSharia, au ɗe iv̄o mwakia ihaɓari ya uaminifu?

MAEFESO 1:18

Naonesheye matso ya roho zanyu, pare mujuwe tama trini ifunganao na umuhirio wahe, na namuna jeje ulio utadjirifu mutukufu wa umwaratha wahe ulio ha uwatwaharifu,

MAEFESO 2:8

Mana ha rehema ɗe mwahuyiwa, ha ndzia ya uaminifu. Na iyo kaisuja ulawa hanyuju, ɓadi iyo ɗe ineema ya Mungu.

MAEFESO 3:7

Tsifanyiha murumishi ha ineema ya irehema ya Mungu anidjaãliayo ha ndzia ya umurendreo wa ushindzi wahe.

MAEFESO 4:7

Ɓadi kula moja hatruju adjaãliwa rehema, ha kadiri ya ishiv̄imo ya ineema ya Kristi.

1 TIMUTAUSU 4:14

Usurumiye ha ushiɗa ineema ya urehema ilio moni haho, wadjaãliwayo ha marongozi ya shi mutrume yashukidziwa wakati wakadzwa yimihono na uwaɓole wa iDjama Ndziwaminifu.

2 TIMUTAUSU 2:25

Narudiye ha utrulivu wao wamukanyushao, ukiri uka amba Mungu atsowagaudza wandre toɓa, pare wajuwe ikweli.

2 TIMUTAUSU 4:14

Mufua-zuma Alisandrusa anirendre mbovu ha uwengi; Mola ɗe atsomuliv̄ao na izo azirendra.

MAHEƁRANIYA 10:32

Namunahane tu suku za handra ɓaanda mwaunishiwa, mustahamili kondro ɓole yendza maondo.

MAHEƁRANIYA 2:4

Mungu waye adhiɓitisha ushahidi wawo ha ãlama za midjuza na ãdjaɓu, v̄umoja na midjuza za namuna na namuna, tsena raha ha neema za iRoho Ndzitwaharifu zaɗungana na mav̄endzeleo yahe.

1 YUHANI 5:16

Neka mutru asuona munyahe wa shi uaminifu afanyao dhambi kaliv̄ingi hari mwa ufa, nafanye mamilio, na v̄av̄o Mungu atsov̄a uhayati mwananya uwo. Iyo isurongoa ɗe wao wafanyao madhambi yalio amba kayav̄ingi hari mwa ufa. V̄wa dhambi liv̄ingao hari mwa ufa. Tsi ɗe lilo ɗe nirongoao amba mutru amiliye.