MAHEƁRANIYA 6:17 - Ha`bari Ndjema ya I Maore

¹⁷ Na Mungu iv̄o akotsaha aonese mawarithi wa uwahadi amba inia yahe kaigauha, aishadidisha ha mulav̄io.

MAHEƁRANIYA 6:17 ပူးပေါင်းရင်းမြစ်များ

YUHANI 10:10

Mwidzi, waye kaja neka tsi ahiɓe, aule, aangamidze. Wami tsija ile maɓariɓari yakane uhayati, tsena yakanewo ha uwengi.

MAROMU 11:29

Mana Mungu amodjaãlia zineema zahe na umuhirio wahe, waye karudi nyuma.

MAROMU 8:17

Na ha iv̄o rilio wana, ra wajau hari mwa umwaratha: warithishiwa wa Mungu, tsena hari mwa ushirika wa mwaratha v̄umoja na Kristi, neka kweli risuondesheha v̄umoja na waye, ile ritukuzihe wajau v̄umoja na waye.

MAGALATWIYA 3:29

Na neka wanyu wa Kristi, v̄av̄o mwa zilembwe za Iɓrahima, tsena mwa mawarithi ha uɗunga uwahadi.

MAEFESO 1:11

Hari mwa uv̄umoja watru na waye, ripara wajau fungu latru la umwaratha, wasi ratsahulwa rangu kaɓula, ha uɗunga mupango wa Uwo arendrao piya ha ulingana na inia ya mav̄endzeleo yahe,

MAHEƁRANIYA 11:7

Ha uaminifu ɗe Nuhu ufahamishiwa yahe na Mungu na trongo zilio amba raha kazakoonehana, ha utuĩvu wahe, afanya djahazi ile ahuyi udjama wahe. Ɗe ha uwo ɗe ahukumu ulemengu, amwesa afanyiha muarithi wa umuhakisho uparihanao ha uaminifu.

MAHEƁRANIYA 11:9

Ha uaminifu ɗe aja aẽshi shi mudjeni hari mwa tsi aka atolewayo wahadi. Akoẽshi hari mwa maɓanga ya haima, amma na Isiaka na Yaãkuɓu, walio amba waka warithi v̄umoja na waye wahadi uwo-uwo.

MAHEƁRANIYA 6:12

Musufanyihe wendza shiɗa, ɓadi mutiɓe wao walio amba, ha uaminifu na suɓira, wasupara umwaratha watolwa wahadi.

MAHEƁRANIYA 6:16

Wanadamu ulav̄a na uwo alio muɓole rahana wao, na umulav̄io uwo ha uhakikisha marongozi yawo, utria kifu piya mashindrano.

MAHEƁRANIYA 6:18

Ha izo, trongo mbili kazigauha, zilio amba hari mwazo tsi mukinishiha Mungu urongoa trambo, zisuriv̄ingia mutrilio-ɓari muhodari, wasi rilio amba umuɓamio watru uka ɗe udzifungamanisa na itama rahetsiwayo.

YAKOƁU 1:17

Kula neema ndzuzuri, kula zawadi ndzikamilifu, izo uja ulawa uju oho ha Ɓaɓa Monyewe uumba zinuru ya shimbinguni, alio amba haheju kav̄u mugaudzio, wala mungio shidza.

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?

1 MONYE 1:3

Naɓarikishihe Mungu amma Ɓaɓa wa Raɓi watru Insa-Kristi, alio amba ha urehema muɓole wahe, ariv̄a uhayati muv̄ia ha umuregezeo hayi wa Insa-Kristi ulawa ha uwafu, ile rikane tama ilio hayi,

1 MONYE 3:7

Ɗe namuna iyo wanyu watruwaume, namuẽshi na watruwashe wanyu ha ujua inamuna ndzambamba yawo. Namuwahishimu, iv̄o wao walazimu wawarithi v̄umoja na wanyu irehema ya uhayati, ile v̄wasuke trongo itsokao yotsi yaja yazia mamilio yanyu.