MAHEƁRANIYA 5:9 - Ha`bari Ndjema ya I Maore

⁹ Na ɓaanda akamilishiha, afanyiha ha piya wao wamutuĩo koho la uhuyifu wa daima,

MAHEƁRANIYA 5:9 ပူးပေါင်းရင်းမြစ်များ

MATIYO 17:5

V̄ale raha akorongoa trongo zile, ne v̄uwashukia vingu lakovaga, liwav̄ishidza. Na sa ile v̄ukilihana ji lalawa vinguni v̄ale, larongoa: «Unu ɗe uMwana muv̄endzewa wangu, tsena wami ujiv̄iwa halisi na waye; namumuvulishiye!»

LUKASI 13:32

Ɓadi awadjiɓu: «Namwendre mwamuambiye mudjandja uwo: ‹Tsami nisutoa mazetwani na utsimidza mazihiro leo na meso, na isuku ya raru, nitsomalidza.›

YUHANI 19:30

Ɓaanda Insa anwa siki ile, arongoa: «Zitsimidziha piya.» Amwesa anyamisa ishitswa, roho yahe imulawia.

MAV̄INGIZI-RISALA 3:15

Muulu likoho la uhayati, Monyewe uka amba Mungu amuregeza hayi ha ulawia ufa, na wasi ra mazahidi.

MAV̄INGIZI-RISALA 4:12

Uhuyifu kausi ha mutru wangina atsokao yotsi, mana shiv̄andreju mwa tsi v̄anu kav̄usi dzina langina lav̄elehwa mbeli za wanadamu amba ha lilo ɗe ralazimu rihuyiwe.»

MAV̄INGIZI-RISALA 5:32

Wasi ra mazahidi wa zitrongo izo, v̄umoja na iRoho Ndzitwaharifu Mungu aiv̄a wao wamutuĩo.»

MAROMU 1:5

alio amba ha ndzia yahe ridjaãliwa ineema ya uv̄inga iRisala ha piya zinishani, ile zituĩ uaminifu, ha utukufu wa lidzina lahe.

MAROMU 10:16

Ɓadi tsi piya ɗe watuĩ iHaɓari Ndjema. Mana Izaya arongoa: «Mwalangu, mbani ɗe aamini ihaɓari arikia nayo?»

MAROMU 15:18

Mana tsisuɓutu narongoa ata trongo neka tsi ɗe iyo Kristi aifanya ha indzia yangu, ne ɗe uv̄inga watru wa zinishani zangina hari mwa utuĩvu, trongo yafanyiwa ha marongozi na zitrendro,

MAROMU 2:8

Ɓadi hadhaɓu na hasera ha wao wadzinafasishao, waharao ukweli na uɗunga udhuluma.

MAROMU 6:17

Ɓadi himida Mungu, iv̄o ilio amba ɓaanda mwaka warumwa wa dhambi muja mutuĩ, ha piya iroho yanyu, hali ya musomo ilio amba mungia dhwamanani hayo.

2 MAKORINTIYO 10:5

Risuv̄indrusa ziãkili za trambo na kula ufahari udzihedzao kinyume na ujuzi wamuhusu Mungu, tsena risuv̄inga kula fikira ifanyihe mufungwa hari mwa itrongo ya umutuĩ Kristi.

MAFILIPI 2:12

Ha izo wav̄endzewa wangu, mauri ɗe inamuna dahari mwatuĩ, ɓila tsi tu amba namoka v̄umoja na wanyu, ɓadi zaidi av̄asa ilio amba tsisi na wanyu, namuendreleye utria ndziani ha hofu na staha uhuyifu wanyu.

2 MATESALONIKA 1:8

Atsov̄enuha moni na jenge la moro, ile aãdhiɓu wao kawasumujua Mungu na wao kawasutuĩ iIndjili ya Raɓi watru Insa.

2 MATESALONIKA 2:16

Ɓasi Raɓi watru Insa-Kristi waye-waye na Mungu amma Ɓaɓatru alio amba ariv̄endze, tsena aridjaãlia ha ineema yahe mutrilio-ɓari wa daima na tama ndjema,

2 TIMUTAUSU 2:10

Iyo ɗe imana ata nistahamilio piya zitrongo, ha faida ya wao watsahulwa, ile wao wajau wapare uhuyifu ulio ha Kristi-Insa, v̄umoja na utukufu wa daima.

MAHEƁRANIYA 1:14

Hali piya izo tsi roho ndzirumishi zav̄elehwa zirumishiye wao watsowarithio uhuyifu?

MAHEƁRANIYA 11:40

iv̄o Mungu aka ariãzimia trongo ndjema zaidi, ile wasupare ukamilifu ɓila wasi.

MAHEƁRANIYA 11:8

Ha uaminifu ɗe Iɓrahima atuĩ uhiriwa yahe andre v̄ahanu v̄ulio amba akoja av̄upare mwaratha. Alawa ɓila ujua v̄ahanu akwendra.

MAHEƁRANIYA 12:2

Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.

MAHEƁRANIYA 2:10

Ha iv̄o Uwo alio amba piya za v̄av̄o ha siɓaɓu ya waye na ha ndzia yahe akotsaha av̄inge hari mwa utukufu wengi wa wana wa mwanadamu, ika imustahiki amukamilishe Insa ha uv̄ira hari mwa maondo, Insa alio likoho la uhuyifu wawo.

MAHEƁRANIYA 2:3

namuna jeje ritsoshindrao ritrale, neka risudharau uhuyifu muɓole mauri ɗe uwo wajudziwa raɓuzi na Raɓi, amwesa radhiɓitishiwawo na wao wamukia?

MAHEƁRANIYA 9:12

wala tsi ha uv̄inga damu ya mbuzi au ya mwana nyombe ɗe angia mara moja ha piya moni na liPa Dzitwaharifu rahana Dzitwaharifu, ɓadi idamu yahe waye monyewe. Ɗe ha izo ɗe aparia ukombofu wa daima.

MAHEƁRANIYA 9:15

Iyo ɗe imana ata waye alio muparanisa wa mukataɓa muv̄ia, iv̄o v̄wahidjiri ufa ha ukombofu wa mahosa yafanyiwa hari mwa umukataɓa wa handra, pare wao wahiriwa na Mungu, wapare umwaratha wa daima waka watolewawo wahadi.

MAHEƁRANIYA 9:28

ɗe namuna iyo wajau Kristi atolwa sadaka mara moja, ile atowe madhambi ya indadi ɓole ya wanadamu, iv̄o av̄enuhe mara ya v̄ili, ɓila tsi ha trongo yahusu dhambi, ha wao wamulindriliao na uhuyifu.

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

1 YUHANI 5:20

Risujua raha amba uMwana wa Mungu aja, tsena ariv̄a iãkili ya ujua Uwo alio wa kweli. Na wasi rina uv̄umoja na Uwo alio wa kweli, ha wasi ukana uv̄umoja na uMwana wahe Insa-Kristi. Waye ɗe uMungu wa kweli, amma uhayati mukamilifu wa daima.

YUDA 1:21

namudzihetsi hari mwa uv̄endza wa Mungu, ha ulindra urehema wa Raɓi watru Insa-Kristi utsoriv̄ingiao uhayati mukamilifu wa daima.