MAHEƁRANIYA 5:8 - Ha`bari Ndjema ya I Maore

⁸ Ata ha iv̄o aka Mwana, afundriha utuĩ ha maondo ayaona.

MAHEƁRANIYA 5:8 ပူးပေါင်းရင်းမြစ်များ

MATIYO 3:15

Ɓadi Insa amudjiɓu: «Lisha tu ike namuna iyo av̄asa. Mana ɗe ha inamuna iyo ɗe yastahiki ritsimidze piya izo zilio za haki.» Ɓas, v̄ale Yahaya akuɓali.

YUHANI 10:18

Kav̄u mutru anitoleawo, ɓadi nisuuv̄a wami monyewe. Tsina ushindzi wa uuv̄a, tsena tsina ushindzi wa uurenga raha. Iyo ɗe iãmuri naipara ha Ɓaɓangu.»

YUHANI 15:10

Neka musutuĩ ãmuri zangu, mutsoɓaki hari mwa uv̄endza yangu, mauri ɗe inamuna natuĩ ziãmuri za Ɓaɓangu, tsena niɓakio hari mwa uv̄endza yahe.

YUHANI 4:34

Insa awaambia: «Shahula yangu ɗe wami ufanya yamav̄endzeleo ya Uwo aniv̄eleha, na utsimidza urumwa wahe.

YUHANI 6:38

Mana tsishuku ulawa pev̄oni nifanye, tsi mav̄endzeleo yangu, ɓadi mav̄endzeleo ya Uwo aniv̄eleha.

MAFILIPI 2:8

Adzishukidza waye ha waye ha ufanyiha mutuĩvu ata mupaka ufaju, ufa hari mwa muri wa pawa.

MAHEƁRANIYA 1:2

ɓadi hari mwa zisuku za mwiso zini, alagua na wasi ha ndzia ya Mwana wahe, alio amba amufanya muarithi wa piya, na ha waye ɗe aumba ulemengu kamili.

MAHEƁRANIYA 1:5

Mana iv̄i hari mwa zimalayika Mungu aparoiambia amba: «Wawe Mwana wangu; ileo ini tsifanyiha Ɓaɓaho?» Amwesa tsena: «Wami nitsoka Ɓaɓa haheju, na waye hanguju, atsoka Mwana.»

MAHEƁRANIYA 1:8

Ɓadi uhusu uMwana arongoa: «Shiri ya yezi yaho, wawe Mungu, iyo ya daima, na itsimbo ya utawalizi waho, iyo tsimbo ya haki.

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.