MAHEƁRANIYA 5:7 - Ha`bari Ndjema ya I Maore

⁷ Uka yahe ha shimwili, av̄eleha mamilio na mirayilio ha shililo ɓole na matsozi ha Uwo akoshindra amuhuyi na ufa; na waye atakaɓaliwa ha siɓaɓu ya utuĩvu wahe.

MAHEƁRANIYA 5:7 ပူးပေါင်းရင်းမြစ်များ

MATIYO 27:46

Mukaɓala wa sa ya shendra, Insa ashelemedza ha ji lendza nguvu: «Eli, Eli, lama saɓaktani?» Mana ya v̄av̄o: «Mwalangu, Mwalangu, manatrini waniɓauha?»

MATIYO 27:50

Ɓas, Insa ashelemedza raha ha ji lendza nguvu, amwesa ajeledza iroho.

MARKUSI 15:34

Sa ya shendra ile upara yayo, Insa ashelemedza ha ji lendza nguvu: «Eloyi, Eloyi, lama saɓaktani?» Mana ya v̄av̄o: «Mwalangu, Mwalangu, manatrini waniɓauha?»

MARKUSI 15:37

Ɓadi Insa ɓaanda alatsa keme ɓole, akatra roho.

LUKASI 23:46

Sa ile Insa ashelemedza ha ji lendza nguvu: «Ɓaɓa, nisuv̄eleha iroho yangu mihononi haho!» Amohisa marongozi yale, av̄eha pumu ya mwiso.

YUHANI 1:14

Na Urongozi ufanyiha mwanadamu, tsena aẽshi v̄umoja na wasi, amwesa riono utukufu wahe, utukufu wa uMwana moja-moja alawa ha Ɓaɓa, ajaya neema na ukweli.

YUHANI 11:35

Insa alili.

YUHANI 11:42

Hanguju nakojua amba ha dahari wawe univulishia. Ɓadi tsilagua ha siɓaɓu ya idunia yanizingidzia, pare waamini amba wawe ɗe waniv̄eleha.»

YUHANI 17:1

Ɓaanda alagua trongo zile, Insa adzua yamatso mbinguni, arongoa: «Ɓaɓa, wakati uwaswili. V̄enua utukufu wa uMwana waho, pare uMwana ahutukuze,

MAROMU 8:3

Mana trongo iSharia kakoishindra iv̄o hali ya shiuɓinadamu yakotoa ushindzi wayo, Mungu aifanya ha uv̄eleha uMwana wahe monyewe hari mwa mwili amba mutru amomuona, akoona mwili sawa na wa mwanadamu mwendza dhambi. Na uhusu dhambi, Mungu ahukumu lidhambi mwilini ha mwanadamu,

MAGALATWIYA 4:4

Ɓadi wakati wamokamiliha, Mungu av̄eleha Mwana wahe, adzalwa na mutrumama, tsena hari mwa yamasharutwi ya iSharia,

1 TIMUTAUSU 3:16

Ilazimu rikuɓali amba iãdjaɓu ya ĩɓada, iyo ɓole: Waye av̄enuha ha mwili wa mwanadamu, adhiɓitishiwa na iRoho, aonehwa na zimalayika, ajudziwa hari mwa zinishani, aaminiwa ulemenguni, ahedzewa hari mwa utukufu.

MAHEƁRANIYA 10:10

Ɗe ha mav̄endzeleo yao ɗe ratwaharishiwa ha lisadaka la umwili wa Insa-Kristi, mara moja ɓas.

MAHEƁRANIYA 10:5

Iyo ɗe imana ata uja yahe ulemenguni, Kristi arongoa: «Kwatsaha sadaka wala kafara, ɓadi unitayarishia mwili.

MAHEƁRANIYA 11:7

Ha uaminifu ɗe Nuhu ufahamishiwa yahe na Mungu na trongo zilio amba raha kazakoonehana, ha utuĩvu wahe, afanya djahazi ile ahuyi udjama wahe. Ɗe ha uwo ɗe ahukumu ulemengu, amwesa afanyiha muarithi wa umuhakisho uparihanao ha uaminifu.

MAHEƁRANIYA 12:28

Ha izo, iv̄o riparao utawalizi kaugudzusiha, narihimidiye ha umutolea Mungu ĩɓada imujiv̄iao yendza utuĩvu na staha.

MAHEƁRANIYA 13:20

Ɓasi Mungu wa iamani alio amba ha idamu ya mukataɓa wa daima aregeza hayi ha uwafu uMutsunga-maɓariɓari muɓole, ne ɗe Raɓi watru Insa,

MAHEƁRANIYA 2:14

Ɓasi ha iv̄o wana wanu walio mwili na damu, waye wajau afanyiha mauri wao, arenge fuvu hari mwa ihali yawo ya shiuɓinadamu, ile ha ufa wahe, aangamidze uwo aliona ushindzi wa ufa, ne ɗe Iɓilisa,

1 YUHANI 4:3

Na kula roho kaisumukuɓali Insa, iyo tsi ya shi Mungu; iyo ya shi Mukanyusha-Kristi mwakia amba asuja, tsena madza alio ulemenguni.

2 YUHANI 1:7

Kweli amba wengi wa madangamanyifu watsambadziha ulemenguni, watru kawasukuɓali amba Insa-Kristi aja ha mwili. Uwo ɗe uMudangamanyifu amma uMukanyusha-Kristi.