MAHEƁRANIYA 5:5 - Ha`bari Ndjema ya I Maore

⁵ Ɗe inamuna iyo wajau, Kristi kadziv̄a waye monyewe utukufu wa ufanyiha Muɓole wa Matolezi-Masadaka; aupara ha Uwo amuambia amba: «Wawe Mwana wangu; ileo ini tsifanyiha Ɓaɓaho.»

MAHEƁRANIYA 5:5 ပူးပေါင်းရင်းမြစ်များ

YUHANI 3:16

«Mana Mungu av̄endze uulemengu, ata av̄a uMwana moja-moja wahe, ile pare kula amuaminio asupare uangamifu wa dahari, ɓadi akane uhayati mukamilifu wa daima.

YUHANI 7:18

Mutru alaguao ha iwaye yahe, uwo asutsaha sifa zahe monyewe. Ɓadi uwo atsahao sifa za Ule amuv̄eleha, uwo wa kweli, kav̄u unafiki utsokao yotsi haheju.

YUHANI 8:54

Insa adjiɓu: «Neka nisudzitukuza wami yangu, utukufu wangu kauna mana. Ɓaɓangu ɗe anitukuzao, uwo murongoao amba waye ɗe Mungu wanyu,

MAV̄INGIZI-RISALA 13:33

aritsimidziawo wasi wana wawo ha umuregeza hayi Insa, mauri ɗe inamuna yaangihwa moni na utende wa v̄ili: ‹Wawe Mwana wangu, ileo ini wami tsifanyiha Ɓaɓaho.›

MAROMU 8:3

Mana trongo iSharia kakoishindra iv̄o hali ya shiuɓinadamu yakotoa ushindzi wayo, Mungu aifanya ha uv̄eleha uMwana wahe monyewe hari mwa mwili amba mutru amomuona, akoona mwili sawa na wa mwanadamu mwendza dhambi. Na uhusu dhambi, Mungu ahukumu lidhambi mwilini ha mwanadamu,

MAHEƁRANIYA 1:1

Mida ya hale, Mungu alagua na wadzaɗe watru ha mara nyengi na namuna nyengi ha ndzia ya yimitrume,

MAHEƁRANIYA 1:5

Mana iv̄i hari mwa zimalayika Mungu aparoiambia amba: «Wawe Mwana wangu; ileo ini tsifanyiha Ɓaɓaho?» Amwesa tsena: «Wami nitsoka Ɓaɓa haheju, na waye hanguju, atsoka Mwana.»

MAHEƁRANIYA 2:17

Iyo ɗe imana aka alazimu afanyishihe namuna moja na wananyahe hari mwa piya zitrongo, ile afanyihe Muɓole wa Matolezi-Masadaka mwendza poreho tsena muaminifu hari mwa urumishi wa Mungu, amwesa azime hatwi madhambi ya umati.

MAHEƁRANIYA 3:1

Ha izo, wananyangu watwaharifu murengao fuvu hari mwa umuhirio wa shipev̄oni, namumufikiri Insa, uMuv̄elehwa amma uMuɓole wa yaMatolezi-Masadaka|Muɓole wa Matolezi-Masadaka wa uaminifu riukuɓalio.

MAHEƁRANIYA 5:10

ɓaanda Mungu amufanya Muɓole wa Matolezi-Masadaka, mauri ɗe inamuna ya Melkisedeki.