MAHEƁRANIYA 5:2 - Ha`bari Ndjema ya I Maore

² Waye ushindra aelewe wao walio amba kawaji, tsena walatsiha, iv̄o ilio amba waye-waye ne mulemevu.

MAHEƁRANIYA 5:2 ပူးပေါင်းရင်းမြစ်များ

LUKASI 22:32

Ɓadi tsihumilia Mungu, ile uaminifu waho usupuhe ɓari. Na wawe, wakati itsokao amba uniregea, hodarisha wanyaho.»

2 MAKORINTIYO 11:30

Neka v̄wa ya udziɓua, ɗe ha ulemevu wangu ɗe nitsodziɓuao.

2 MAKORINTIYO 12:5

Nitsodziɓua na mutru mauri ɗe uwo, ɓadi tsitsodziɓua na iwami yangu, neka tsi ɗe na zingulemevu zangu.

MAGALATWIYA 4:13

Musujua amba ɓaanda ya uwaɗe ɗe namujudzani ha mara ya handra iIndjili.

MAEFESO 4:18

Ãkili zawo zingia shidza. Wa mbali na uhayati wa Mungu, ha siɓaɓu ya ujinga ulio moni hawo ujao ha udziro wa ziroho zawo.

1 TIMUTAUSU 1:13

wami nilio amba hale oho nakokufuru, nakotresa na uruhana. Ɓadi tsidjaãliwa urehema, mana nakorendra ɓila ujuzi, iv̄o tsakana uaminifu.

MAHEƁRANIYA 12:13

«Namutayarishiye ndzia zaondzoha yimindru yanyu», ile uwo ulio goɓo wasuv̄erehe, ɓadi uangale.

MAHEƁRANIYA 2:17

Iyo ɗe imana aka alazimu afanyishihe namuna moja na wananyahe hari mwa piya zitrongo, ile afanyihe Muɓole wa Matolezi-Masadaka mwendza poreho tsena muaminifu hari mwa urumishi wa Mungu, amwesa azime hatwi madhambi ya umati.

MAHEƁRANIYA 2:18

Mana iv̄o aondesheha waye monyewe uka yahe hari mwa madjereɓio, waye ushindra asaidi wao walio hari mwa madjereɓio.

MAHEƁRANIYA 4:15

Mana karisina Mutolezi-Masadaka Muɓole kaelewa ulemevu watru; aka adjereɓiwa hari mwa piya zitrongo mauri ɗe wasi, ɓadi kaãswi.

MAHEƁRANIYA 7:28

Wakati ulio amba iSharia isuhetsi wanadamu walemevu amba Matolezi Maɓole ya Masadaka, umulav̄io-yamini waja ɓaanda ya iSharia, usuhetsi uMwana alio amba ha daima afanyiha mukamilifu.

MAHEƁRANIYA 9:7

Ɓadi moni na lifuko la v̄ili, uMuɓole wa yaMatolezi-Masadaka tu ɗe angiao, mara moja hari mwa mwaha, wala tsi ha uka amba kasudzitolea damu iwaye yahe, na mahosa ya umati.

YAKOƁU 5:19

Wananyangu, neka mutru mengoni mwanyu adziɓausa na ikweli, ɓasi amba wangina amuregeza,

1 MONYE 2:25

Mana muka mauri maɓariɓari yandrao mboya, ɓadi av̄asa murudi ha Uwo alio Mutsunga wanyu, tsena Mugogezi wa ziroho zanyu.