MAHEƁRANIYA 5:12 - Ha`bari Ndjema ya I Maore

¹² Wala ukana ika ilazimu muke wasomedza iv̄o mida yiyo yav̄ira, ne musutsaha raha musomedzewe ziharufu za handra za marongozi ya Mungu. Mufanyiha amba musutsaha dzia raha, ɓadi tsi shahula mangavu.

MAHEƁRANIYA 5:12 ပူးပေါင်းရင်းမြစ်များ

MATIYO 17:17

Ɓas, Insa arongoa: «He wanyu mwalaɓiha, kamuna uaminifu wa lidunia la leo lini! Ata lini nitsokao na wanyu? Ata lini nitsomustahamilioni? Namuniv̄ingiyewo v̄anu.»

MARKUSI 9:19

Ɓasi Insa awaambia: «He wanyu wa lidunia la leo lini kamuna uaminifu! Ata lini nitsokao na wanyu? Ata lini tsena ɗe nitsomustahamilioni? Namuniv̄ingiyewo.»

MAV̄INGIZI-RISALA 7:38

Waye ɗe aka na idjama padzaju, na imalayika yakorongoa na waye hari mwa uMulima wa Sinayi, tsena aka v̄umoja na wadzaɗe watru; av̄olwa marongozi yendza uhayati, aje ariv̄ewo.

MAROMU 3:2

Zina faida nyengi ha kula namuna. Raɓuzi imahususu moni v̄av̄o, ɗe iv̄o amba Mayahudi ɗe wadhwaminishiwa yamarongozi ya Mungu.

1 MAKORINTIYO 14:19

Ɓadi hari mwa iDjama Ndziwaminifu, wami uona ɓorwa nirongowe kauli tsano ha ifikira, ile nisomedze wasalia, rahana kauli alifu kumi ha luha yashukidziwa.

1 MAKORINTIYO 14:20

Wananyangu, musuke wanatsa hari mwa unamuzi. Hari mwa yahusu imbovu, namuke wanazaza, ɓadi yahusu unamuzi, namuke watru waɓalihi.

MAGALATWIYA 4:3

Wasi wajau, wakati raka wanatsa, rika warumwa wa zinguvu ziv̄ingao ulemengu.

MAFILIPI 3:1

Yaɓaki, wananyangu wa shi uaminifu, namufurahi hari mwa uv̄umoja wanyu na Raɓi. Kaisunitaãɓisha umuangishiani trongo ɗe wizo-wizo, na hanyuju, iyo hifadhwi.

MAKOLOSIYA 3:16

V̄av̄o urongozi wa Kristi nauke moni hanyu ha piya utadjirifu wawo; namusomedzane na ufahamishana ha piya zihikima. Namuhedze madjimbo, ngutende za sifa, na himbo za shiRoho. Namumuhimbiye Mungu v̄umoja na himida ha piya umo wanyu.

MAHEƁRANIYA 10:32

Namunahane tu suku za handra ɓaanda mwaunishiwa, mustahamili kondro ɓole yendza maondo.

MAHEƁRANIYA 5:11

Hari mwa trongo iyo, rina nyengi za urongoa zilio ndziro za ueledza, ha iv̄o mwafanyiha wadziro wa uelewa.

MAHEƁRANIYA 5:13

Na yotsi alio amba raha a hari mwa dzia, uwo kasina maãrifa ya urongozi wa haki: a mwanamutsa.

MAHEƁRANIYA 6:1

Ha izo, narilawe hari mwa ziharufu za handra za umusomo wahusu Kristi, ritsengeleye ata hari mwa ukamilifu wa umusomo, wala tsi ha utria misingi raha: ɗe uendra toɓa ha zitrendrwa mbovu ziv̄ingao hari mwa ufa, uaminifu na Mungu,

1 MONYE 2:2

Mauri wana wadzalwa av̄asa, namutsahe dzia swafi-swafi la shiroho, ile ha wilo muhuwe, mupare uhuyifu,

1 MONYE 4:11

Neka mutru asulagua, nalaguwe shi mutru arongoao marongozi ya Mungu; neka mutru asurumishia, narumishiye ha zinguvu Mungu amudjaãliaozo, pare hari mwa piya zitrongo, Mungu atukuziwe ha ndzia ya Insa-Kristi, alio amba haheju utukufu na ushindzi zimuendrelea ha dahari. Amina.