MAHEƁRANIYA 5:1 - Ha`bari Ndjema ya I Maore

¹ Kweli amba kula Muɓole wa Matolezi-Masadaka arengwa hari mwa uwanadamu, uv̄olwa djukuma la urumishia Mungu ha tanafu ya uwanadamu, ile awatoleye makafara na masadaka ha siɓaɓu ya madhambi.

MAHEƁRANIYA 5:1 ပူးပေါင်းရင်းမြစ်များ

MAROMU 15:17

V̄av̄o ɓasi, ha uv̄umoja nilionawo na Kristi-Insa, nisudziparia sifa na ihazi yangu ya umurumishia Mungu.

1 MAKORINTIYO 15:3

Mana kaɓula ya trongo piya, tsimuv̄ani izo nazipara wami-wami, ne ɗe amba: Kristi afu ha siɓaɓu ya madhambi yatru, mauri ɗe iheli yiMiangishio Mitwaharifu yarongoa.

MAHEƁRANIYA 10:11

Kula mutolezi-masadaka uhima kula suku ile afanye urumishi wahe, na utolea mara na mara masadaka ɗe yao-yao yalio amba ata dahari kaishindri utoa yamadhambi.

MAHEƁRANIYA 10:12

Ɓadi waye, ɓaanda atolea sadaka moja tu ha yamadhambi, aketsi ha daima humeni ha Mungu.

MAHEƁRANIYA 11:4

Ha uaminifu, ɗe Haɓilu amutolea Mungu sadaka ɓorwa rahana la Kayinu. Na ha wilo apara ushahidifu wa mukuɓalisho wahe, iv̄o Mungu waye-waye akuɓali izo amutamaniazo. Na ha uaminifu wahe uwo, ata iv̄o afa, ne raha asulagua.

MAHEƁRANIYA 2:17

Iyo ɗe imana aka alazimu afanyishihe namuna moja na wananyahe hari mwa piya zitrongo, ile afanyihe Muɓole wa Matolezi-Masadaka mwendza poreho tsena muaminifu hari mwa urumishi wa Mungu, amwesa azime hatwi madhambi ya umati.

MAHEƁRANIYA 7:27

Waye tsi paka atowe masadaka kula suku mauri ɗe Matolezi Maɓole ya Masadaka, raɓuzi ha yamadhambi yahe monyewe, iv̄o ha ya umati. Iyo aifanya mara moja ha piya iv̄o adzitoa fidia monyewe.

MAHEƁRANIYA 8:3

Kula Mutolezi-Masadaka Muɓole uhetsiwa atoleye masadaka na makafara. Iyo ɗe imana ata yalazimu amba waye wajau akane ya utoa.

MAHEƁRANIYA 8:4

Ne ɗe na djeli Kristi aka shiv̄andreju mwa tsi, katsoka Mutolezi-Masadaka, mana v̄wa wangina watoleao masadaka ha uɗunga iSharia.

MAHEƁRANIYA 9:9

Iyo mufano wa wakati wa leo: v̄av̄o isuonesa amba masadaka na makafara yao yakotolewa, kayashindri urahatsa ha ukamilifu koho la unamuzi la uwo afanyao ĩɓada iyo.