MAHEƁRANIYA 4:15 - Ha`bari Ndjema ya I Maore

¹⁵ Mana karisina Mutolezi-Masadaka Muɓole kaelewa ulemevu watru; aka adjereɓiwa hari mwa piya zitrongo mauri ɗe wasi, ɓadi kaãswi.

MAHEƁRANIYA 4:15 ပူးပေါင်းရင်းမြစ်များ

MATIYO 12:20

Katsovundza sandze langia ndrwa, wala katsozima pwendzi lilawao mwesi, ata mupaka av̄e ushindzi ihaki.

MATIYO 4:1

Ɓas Insa av̄ingwa na iRoho Ndzitwaharifu padzaju, ile adjereɓiwe na Iɓilisa.

LUKASI 22:28

Wanyu muɓaki na wami hari mwa piya madjereɓio nav̄itsiwa.

LUKASI 4:2

v̄ahali Iɓilisa akodjereɓu umuzaini muda wa suku aruɓaini. Kaɗya shitru itsokao yotsi hari mwa zisuku zile. Utsimu yazo, aremwa na ndza.

YUHANI 8:46

Mbani hari mwanyu atsoshindrao aonese amba tsiãswi? Neka nisurongoa kweli, manatrini kamusuniamini?

MAROMU 8:3

Mana trongo iSharia kakoishindra iv̄o hali ya shiuɓinadamu yakotoa ushindzi wayo, Mungu aifanya ha uv̄eleha uMwana wahe monyewe hari mwa mwili amba mutru amomuona, akoona mwili sawa na wa mwanadamu mwendza dhambi. Na uhusu dhambi, Mungu ahukumu lidhambi mwilini ha mwanadamu,

2 MAKORINTIYO 5:21

Uwo alio amba kajua dhambi, Mungu amufanya dhambi ha tanafu yatru, ile ha waye rifanyihe wendza haki wa Mungu.

MAHEƁRANIYA 4:14

Ɓasi ha iv̄o riliona Mutolezi-Masadaka azidi uɓole av̄ira zimbingu, Insa, uMwana wa Mungu, narisike hodari uaminifu riukuɓalio ha hadhwira.

MAHEƁRANIYA 5:2

Waye ushindra aelewe wao walio amba kawaji, tsena walatsiha, iv̄o ilio amba waye-waye ne mulemevu.

MAHEƁRANIYA 7:26

Muɓole wa Matolezi-Masadaka mauri waye ɗe akorilazimu: mutwaharifu, kana kosa wala pandra, aɓauhana na maãswifu, tsena ahedzewa uju rahana zimbingu.

MAHEƁRANIYA 9:28

ɗe namuna iyo wajau Kristi atolwa sadaka mara moja, ile atowe madhambi ya indadi ɓole ya wanadamu, iv̄o av̄enuhe mara ya v̄ili, ɓila tsi ha trongo yahusu dhambi, ha wao wamulindriliao na uhuyifu.

1 MONYE 2:22

«Waye kafanya dhambi, na hanyoni hahe kav̄waparihana udangamanyifu.»

1 YUHANI 3:5

Na wanyu musujua amba waye av̄enuha, ile atowe lidhambi. Na kav̄usi dhambi haheju.