MAHEƁRANIYA 4:14 - Ha`bari Ndjema ya I Maore

¹⁴ Ɓasi ha iv̄o riliona Mutolezi-Masadaka azidi uɓole av̄ira zimbingu, Insa, uMwana wa Mungu, narisike hodari uaminifu riukuɓalio ha hadhwira.

MAHEƁRANIYA 4:14 ပူးပေါင်းရင်းမြစ်များ

MATIYO 4:3

V̄ale uMuzainifu aja amuambia: «Neka wawe ɗe uMwana wa Mungu, ãmurisha mawe yao yagauhe madipe.»

MARKUSI 1:1

Tsunu umwandro wa iIndjili yapatana na Insa-Kristi|Kristi, Mwana wa Mungu.

MARKUSI 16:19

Ɓas, Raɓi Insa|Raɓi ɓaanda ahisa ulagua na wao, ahedzewa pev̄oni, aketsi humeni ha Mungu.

LUKASI 24:51

Ɓas wakati akowaɓariki v̄ale, awaɓaushia, ahedzewa andre pev̄oni.

MAV̄INGIZI-RISALA 1:11

Wawaambia: «He wanyu Magalilaya, manatrini mwahima muangaliao mbinguni? Insa uwo mwarengewawo, ahedzewa pev̄oni, atsoregea ha inamuna ile kamwe mwamuona andra pev̄oni.»

MAV̄INGIZI-RISALA 3:21

Waye Uwo ɗe alazimu aɓaki pev̄oni ata mupaka ɗe wakati wa umurengeledzeo mukamilifu wa zitrongo, ule Mungu aujudza ha yamarongozi ya yimitrume mitwaharifu yahe.

MAROMU 8:34

Mbani ɗe atsowanamuao na kosa? Kristi-Insa ɗe afa, na zaidi ya iyo, aregezewa hayi, a humeni ha Mungu, na waye asurimilia.

2 MAKORINTIYO 12:2

Wami ujua mutru aliona uv̄umoja na Kristi, ina maha kumi na minne, hali aka hari mwa umwili wahe, au hali kaka, wami tsisujua, Mungu tu ɗe ajuao, namuna yotsi saɓu mutru uwo ahedzewa ata mupaka uwingu wa raru.

2 MAKORINTIYO 9:13

Ha udhiɓitifu wa urumishi wanyu uwo, wao wasumutukuza Mungu ha siɓaɓu ya utuĩvu wanyu wamuv̄ingani mukuɓali ha dhwahiri iIndjili ya Kristi na ha siɓaɓu ya utolezi musada wanyu ha uwengi hawoju, na ha piya.

MAEFESO 4:10

Ɓasi uwo ashuka, ɗe waye-waye ɗe ahea uju na piya zimbingu, ile akamilishe piya.

MAHEƁRANIYA 1:8

Ɓadi uhusu uMwana arongoa: «Shiri ya yezi yaho, wawe Mungu, iyo ya daima, na itsimbo ya utawalizi waho, iyo tsimbo ya haki.

MAHEƁRANIYA 10:12

Ɓadi waye, ɓaanda atolea sadaka moja tu ha yamadhambi, aketsi ha daima humeni ha Mungu.

MAHEƁRANIYA 10:23

Narisike hodari itama yatru riikuɓalio ha hadhwira ɓila rasujeledze, mana Uwo atoa uwahadi, waye muaminifu.

MAHEƁRANIYA 10:29

Ɓasi mara ngav̄i, musufikiri, utsokao udziro wastahiki ishiv̄ondro ya uwo itsokao amba agaɗa uMwana wa Mungu, atefua idamu ya umukataɓa ilio amba ha wiyo atwaharishiwa, aruhana iRoho ya irehema?

MAHEƁRANIYA 12:2

Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.

MAHEƁRANIYA 2:1

Iyo ɗe imana ralazimu risike ha kusudi izo rakia, ile rasupoteye.

MAHEƁRANIYA 2:17

Iyo ɗe imana aka alazimu afanyishihe namuna moja na wananyahe hari mwa piya zitrongo, ile afanyihe Muɓole wa Matolezi-Masadaka mwendza poreho tsena muaminifu hari mwa urumishi wa Mungu, amwesa azime hatwi madhambi ya umati.

MAHEƁRANIYA 3:1

Ha izo, wananyangu watwaharifu murengao fuvu hari mwa umuhirio wa shipev̄oni, namumufikiri Insa, uMuv̄elehwa amma uMuɓole wa yaMatolezi-Masadaka|Muɓole wa Matolezi-Masadaka wa uaminifu riukuɓalio.

MAHEƁRANIYA 3:14

Mana ra hari mwa ushirika wa Kristi neka tu amba risusika hodari ata mwisoni umuhakikisho rilionawo rangu mwandro.

MAHEƁRANIYA 6:20

v̄ahanu Insa angia amba mutrangulia ha tanafu yatru. Afanyiha Muɓole wa Matolezi-Masadaka wa daima, mauri ɗe inamuna ya Melkisedeki.

MAHEƁRANIYA 6:6

amwesa amba walatsa uaminifu, tsi mukinishiha amba wav̄ingwe wandre toɓa mara yangina. Mana v̄av̄o wao ha wao ɗe waremao raha mizumari uMwana wa Mungu hari mwa muri wa pawa, tsena wamupuao sheo ha hadhwira.

MAHEƁRANIYA 7:3

Kakojulihana ɓaɓa wala mama, wala naswaɓa, ɓila mwandro wa uhayati, wala mwiso. Waye ufana na uMwana wa Mungu, asuɓaki Mutolezi-Masadaka daimani aɓada.

MAHEƁRANIYA 8:1

iMahususu ya izo rarongoa ɗe ini: Rina Mutolezi-Masadaka Muɓole|Muɓole wa Matolezi-Masadaka namuna iyo, aketsi humeni mwa ishiri ya yezi ya Monyewe Ufalume pev̄oni.

MAHEƁRANIYA 9:12

wala tsi ha uv̄inga damu ya mbuzi au ya mwana nyombe ɗe angia mara moja ha piya moni na liPa Dzitwaharifu rahana Dzitwaharifu, ɓadi idamu yahe waye monyewe. Ɗe ha izo ɗe aparia ukombofu wa daima.

MAHEƁRANIYA 9:24

Kweli amba Kristi waye kangia moni na Pa Dzitwaharifu lafanyiwa ha mihono ya wanadamu, lilio mufano wa lile lilio la kweli, ɓadi angia pev̄oni swafi-swafi, ile adziv̄enuwe av̄asa mbeli za Mungu ha faida yatru.

1 MONYE 3:22

alio amba andre pev̄oni, a humeni ha Mungu, tsena zimalayika, ziyezi na zingushindzi zilazimishiwa umutuĩ.