MAHEƁRANIYA 4:12 - Ha`bari Ndjema ya I Maore

¹² Mana urongozi wa Mungu uwo wa hayi, wa hazini, tsena usutsindza rahana sembea lendza nguso mbili; uwo ungia ata utsapua umo na iroho, na zizifungo na yamatra ya miɓa; uwo unamua zifikira na zinia za iroho.

MAHEƁRANIYA 4:12 ပူးပေါင်းရင်းမြစ်များ

LUKASI 8:11

«Ɓasi tsini imana ya mufano ule: yaMaela, uwo ɗe urongozi wa Mungu.

YUHANI 12:48

Monyewe unihara amwesa kasukuɓali marongozi yangu, ana hakimu wahe. Urongozi naujudza, ɗe utsomuhukumuo isuku ya mwiso.

YUHANI 6:51

Wami ɗe lidipe lilio hayi lashuka ulawa pev̄oni. Neka mutru asuɗya lidipe lini, atsoẽshi dahari. Na lidipe nitsoliv̄ao, ɗe umwili wangu nitsouv̄ao, pare lidunia likane uhayati.»

MAV̄INGIZI-RISALA 2:37

Ukia yawo zitrongo zile, watru wale waremwa na utungu ziroho, ata wamudzisa Monye na yaMav̄ingizi-Risala wanyahe wale: «Wananyatru, v̄av̄o rifanye trini?»

MAV̄INGIZI-RISALA 4:31

Wamomalidza mamilio yawo, mukaɓala ule waka wangulidzana ugudzuha; piyawo wajadziwa iRoho Ndzitwaharifu, amwesa wakojudza urongozi wa Mungu ha uhodari.

MAV̄INGIZI-RISALA 5:33

Ukia yawo marongozi yale, watru wale watukiwa ha kusudi, ata wakotsaha wawaule.

MAV̄INGIZI-RISALA 7:38

Waye ɗe aka na idjama padzaju, na imalayika yakorongoa na waye hari mwa uMulima wa Sinayi, tsena aka v̄umoja na wadzaɗe watru; av̄olwa marongozi yendza uhayati, aje ariv̄ewo.

MAROMU 1:16

Kweli amba tsisuonea haya iIndjili, mana uwo ushindzi wa Mungu ha uhuyifu wa yotsi aaminio, rangu Muyahudi ata uwo kasi.

1 MAKORINTIYO 1:24

ɓadi ha wao wahiriwa, rangu Mayahudi ata Magiriki, Kristi waye ɗe ushindzi wa Mungu, tsena hikima ya Mungu.

2 MAKORINTIYO 2:17

Mana wasi karisi mauri watru wengi wafanyao ɓiashara urongozi wa Mungu; tsi jau, ɓadi ha umo warahara mbeli za Mungu, hari mwa uv̄umoja watru na Kristi, ɗe rilaguao amba watru wav̄elehwa na Mungu.

2 MAKORINTIYO 4:2

Risuhara trongo za siri zipatsao aĩɓu; karisudziv̄inga ha udjandja, wala karisuɓuzudza urongozi wa Mungu. Ɗe ikinyume amba, ha uvumbua ikweli, risudzieleha hari mwa likoho la unamuzi wa kula mwanadamu mbeli za Mungu.

MAEFESO 5:13

Ɓadi piya izo zamov̄enulwa, uonehana hari mwa iheu,

MAEFESO 5:26

ile aitwaharishe ɓaanda airahatsa na maji ha Urongozi,

MAEFESO 6:17

Namurenge tsena ikofia ya shuma ya uhuyifu, na upanga wa iRoho ulio ɗe Urongozi wa Mungu.

1 MATESALONIKA 2:13

iMana tsena ata wasi karisuzia uhimidia Mungu, ɗe iv̄o upara yanyu urongozi wa Mungu ulio amba rimujudzaniwo, muukuɓali tsi amba mauri urongozi wa shiuɓinadamu, ɓadi mauri ɗe inamuna ulio ha kweli, amba urongozi wa Mungu ufanyao hazi moni hanyu wanyu muaminio.

1 MATESALONIKA 5:23

Ɓasi Mungu Monyewe utrulivu waye-waye namutwaharisheni ha ukamilifu piya nafusi yanyu, iroho, umo, na umwili, zilishwe ɓila tuhuma ha umuregeo wa Raɓi watru Insa-Kristi.

MAHEƁRANIYA 13:7

Namunahane wav̄ingizi wanyu wamujudzani urongozi wa Mungu. Namuangaliye yamavuna ya maẽsha yawo, tsena mutiɓe uaminifu wawo.

MAHEƁRANIYA 6:5

wapara ladha ya urongozi mwema wa Mungu na zingushindzi za ulemengu ujao,

YAKOƁU 1:18

Ha inia yahe monyewe, aridza ha urongozi wa kweli, ile rike ha shi urongozi, madzazi ya handra ya ziumbe zahe.

1 MONYE 1:23

Kweli amba muv̄olwa uhayati muv̄ia, tsi ha mbeu muangamia, ɓadi ha mbeu tsi muangamia, ha urongozi ulio hayi tsena ulio v̄av̄o wa Mungu.

MUV̄ENULIO 1:16

Hari mwa umuhono wa hume wahe, aka asiki nyora saɓa, na hanyoni hahe v̄wakolawa upanga wakotsindza wakana nguso mbili. Sura yahe ika mauri lijua lamowala ha piya nguvu zalo.

MUV̄ENULIO 19:15

Hanyoni hahe v̄ulawa upanga utsindzao, ile ha uwo areme zinishani. Atsoziv̄inga zirundriye ha tsimbo ya shuma na utseresa zizaɓiɓu za iɓirika yav̄inga ihadhaɓu ɓole ya Mungu Monyewe Ushindzi.

MUV̄ENULIO 19:21

uWasalia waulawa ha upanga ule wakolawa hanyoni ha ule aka apandra ifarasi. Na piya zinyunyi zakokura ha nyama za mili zawo.

MUV̄ENULIO 2:16

Ɓasi endra toɓa! Neka tsi namuna iyo nitsohujilia tsi hale, niwane na wao ha upanga wa ihanyo yangu.

MUV̄ENULIO 2:23

Nitsoangamidza wana wahe ha uwaula. Na piya ziDjama Ndziwaminifu zitsojua amba wami ɗe nitsungiyao zifikira na ziroho, tsena nitsov̄a kula moja hari mwanyu ulawana na zitrendro zahe.

MUV̄ENULIO 20:4

Amwesa tsiono ziri za shiufalume. Wao waziketsia, wav̄olwa wahukumu. Tsiono tsena ziroho za wao wapulwa zizitswa ha siɓaɓu ya ushahidifu wa Insa na Urongozi wa Mungu, wao kawasudjudia ishinyama mbovu wala lisanamwe layo, tsena kawaka wapara iãlama hari mwa uuso wala hari mwa umuhono. Waregea hayi, amwesa watawala v̄umoja na Kristi muda wa maha alifu.