MAHEƁRANIYA 4:11 - Ha`bari Ndjema ya I Maore

¹¹ Ɓasi narifanye djitihadi ya ungia hari mwa uv̄umuzi uwo, ile v̄wasuke mutru apuliha ha namuna ɗe wiyo ile ha uhara utuĩ.

MAHEƁRANIYA 4:11 ပူးပေါင်းရင်းမြစ်များ

MATIYO 11:12

Rangu wakati wa Yahaya ata upara av̄asav̄anu, Utawalizi wa Monyewe ziMbingu usungiliwa ha nguvu, na watru wahali ɗe wadjereɓuo uurav̄a.

MATIYO 7:13

«Namungiye ha uv̄ira hari mwa umulongo mutsala; mana muv̄ana ɗe umulongo, tsena nafasi ɗe indzia iv̄ingao hari mwa uangamifu, na wengi ɗe wav̄irao hari mwawo.

LUKASI 13:24

«Namufanye djitihadi ya ungia ha uv̄ira hari mwa umulongo mutsala, mana nisumuambiani, wengi watsodjereɓu ungia, ne kawatsoshindra.

LUKASI 16:16

«Wakati wa iSharia na yimiangishio ya yimitrume uka ata upara Yahaya. Rangu v̄av̄o Utawalizi wa Mungu ujudziwa, na kula mutru asurumia nguvu ile aungiye.

YUHANI 6:27

Musudzishahilise na shahula muola, ɓadi namudzishahilise na shahula iv̄ao uhayati mukamilifu wa daima, shahula ilio amba uMwana wa Mwanadamu|Mwana wa Mwanadamu atsomuv̄aniyo, mana ɗe waye Ɓaɓa, yaãni Mungu, amukadza umuhuri wahe.»

MAV̄INGIZI-RISALA 26:19

Ha izo, Mufalume Agripaso, tsaharalia inida yalawa mbinguni.

MAEFESO 2:2

yalio amba mwakoyafanya ha uɗunga maendreleo ya ulemengu unu, mwakotuĩ umutawalizi wa iyezi ya hawani, lidjini lirendrao av̄asa ha wao kawatuĩ.

MAEFESO 5:6

V̄usuke ata mutru amudanganyani ha marongozi kayana mana, mana ɗe ha siɓaɓu ya izo, ɗe hadhaɓu ya Mungu ijiliao watru kawasumutuĩ.

MAFILIPI 2:12

Ha izo wav̄endzewa wangu, mauri ɗe inamuna dahari mwatuĩ, ɓila tsi tu amba namoka v̄umoja na wanyu, ɓadi zaidi av̄asa ilio amba tsisi na wanyu, namuendreleye utria ndziani ha hofu na staha uhuyifu wanyu.

MAKOLOSIYA 3:6

Ɗe ha siɓaɓu ya izo ɗe ihadhaɓu ya Mungu ijiliao wao kawasumutuĩ.

TITUSA 1:16

Wasurongoa amba wasumujua Mungu, ɓadi wasumuhara ha zitrendro zawo. Wafanyiha walaãnifu, kawatuĩ itsokao yotsi, ɓila kawashindri ufanya ata shitrendro ndjema.

TITUSA 3:3

Mana wasi wajau, mara ya handra rika wajinga, wakaidi, wapotevu, warumwa wa piya zinamuna za ngushauku na za masterehi. Rakoẽshi hari mwa upeu na uwivu, rika wafudhuli, tsena rakoengana.

MAHEƁRANIYA 3:12

V̄av̄o namufahamu wananyangu, v̄wasuke ata mutru hari mwanyu akana roho mbovu kaina uaminifu, ata yamuɓausa na Mungu alio hayi.

MAHEƁRANIYA 3:18

Na wav̄i ɗe waka walav̄iwa yamini amba ata idahari kawatsongia hari mwa uv̄umuzi wahe? Hali tsi ɗe wao kawaka watuĩ?

MAHEƁRANIYA 4:6

Ɓasi ɓaanda yahetsiwa amba ɓaãdhwi ɗe watsoungiao, na wa handra wao wakia iHaɓari Ndjema kawaungia ha siɓaɓu ya umuharalio wa utuĩ wawo,

MAHEƁRANIYA 6:11

Ɓadi risutsaha amba kula moja hari mwanyu av̄enuwe djitihadi ɗe wiyo-wiyo ata mupaka mwisoni, ile itama mulionayo iyakinishihe.

2 MONYE 2:6

neka ahukumu yaangamidziwe yafanyihe vu malago ya Suduma na Gomora, uyafanya mufano ha waovu hari mwa izo ziwalindrao,