MAHEƁRANIYA 3:6 - Ha`bari Ndjema ya I Maore

⁶ Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

MAHEƁRANIYA 3:6 ပူးပေါင်းရင်းမြစ်များ

MATIYO 10:22

Mutsoengwa na watru piya ha siɓaɓu ya lidzina langu. Ɓadi uwo atsostahamilio ata mwisoni, atsohuyiwa.

MATIYO 16:18

Na wami nisuhuambia: wawe Monye, na hari mwa ɓwe-monye lilo nitsoundra iDjama Ndziwaminifu yangu, ilio amba ata uushindzi wa Uzimu wa uwafu, ne kautsoshindra waishindra.

MATIYO 24:13

Ɓadi uwo atsostahamilio ata mwiso, atsohuyiwa.

MAROMU 11:22

Ɓasi angalia uwema na uhali wa Mungu: waye muhali uv̄andre wa wale wawa, na mwema uv̄andre waho, neka uɓaki hari mwa uwema uwo. Neka tsi ɗe namuna iyo, utsokatrwa wajau.

MAROMU 12:12

Hari mwa itama mulionayo, namufurahi, moni na taãɓu, namuke na suɓira, mudzifungamanise na mamilio.

MAROMU 15:13

Ɓasi Mungu Monyewe av̄ao tama, namujadziyeni kula furaha na amani hari mwa uaminifu, ile pare itama yanyu yendre na uzidishiha ha ushindzi wa iRoho Ndzitwaharifu.

MAROMU 5:2

Waye ɗe ariɓulia indzia ya upara, ha uaminifu watru, ineema ini ilio amba ra hari mwayo, tsena risufurahi ha itama ya urenga fuvu hari mwa utukufu wa Mungu.

1 MAKORINTIYO 3:16

Hali kamusujua amba wanyu nyumba ndzitwaharifu ya Mungu, na iRoho ya Mungu isuẽshi moni hanyu?

1 MAKORINTIYO 6:19

Afa kamusujua amba umwili wanyu, uwo ɗe inyumba ndzitwaharifu ya iRoho Ndzitwaharifu ilio moni hanyu, tsena mwaipara ulawa ha Mungu? Wanyu tsi wanyu wenyewe.

2 MAKORINTIYO 6:16

Mukataɓa trini ulio ɓaina ya iNyumba Ndzitwaharifu ya Mungu na masanamwe? Kweli amba wasi ɗe makazi matwaharifu ya Mungu alio hayi. Mauri ɗe iheli Mungu arongoa: «Nitsoketsi hari mwawo, na uendra hari mwawo. Tsena nitsoka Mungu wawo, na wao watsoka umati wangu.»

MAGALATWIYA 6:10

Ha izo, ramokana inafasi, narirendreye ndjema wanadamu piya, hususwani ɗe uwatru wa udjama hari mwa uaminifu.

MAGALATWIYA 6:9

Ɓasi rasulemewe ufanya ndjema, mana ritsovuna wakati wamopara, neka karisupuha ɓari.

MAEFESO 3:12

Hari mwa uv̄umoja watru na waye na ha ndzia ya uaminifu na waye, rina unafasi wa umukuruɓia Mungu v̄umoja na utumainivu.

MAKOLOSIYA 1:23

Iyo neka musuɓaki hari mwa uaminifu, muketsi, tsena musiki hodari, ɓila udzilisha muv̄ingwe mbali na itama ya iIndjili mwaikia, ilio amba ijudziwa kula shiumbe utsini na uwingu, na wami Ɓaulusu nafanyiha murumishi wayo.

1 MATESALONIKA 5:16

Ha daima namufurahi,

2 MATESALONIKA 2:16

Ɓasi Raɓi watru Insa-Kristi waye-waye na Mungu amma Ɓaɓatru alio amba ariv̄endze, tsena aridjaãlia ha ineema yahe mutrilio-ɓari wa daima na tama ndjema,

1 TIMUTAUSU 3:15

Ɓadi neka nisuhoma, itsoka amba ha zini usujua inamuna ya udziv̄inga moni na idjama ya Mungu, ilio iDjama Ndziwaminifu ya Mungu alio hayi, ilio raha amba ɗe ingidzo na umusingi wa ukweli.

MAHEƁRANIYA 1:2

ɓadi hari mwa zisuku za mwiso zini, alagua na wasi ha ndzia ya Mwana wahe, alio amba amufanya muarithi wa piya, na ha waye ɗe aumba ulemengu kamili.

MAHEƁRANIYA 10:19

Ha izo wananyangu, rina yakini ya mungilio ha unafasi moni na liPa Dzitwaharifu rahana Dzitwaharifu ha idamu ya Insa.

MAHEƁRANIYA 10:21

Ɓasi rina Mutolezi-Masadaka Muɓole ahetsiwa shitswa hari mwa umuraɓa wa Mungu.

MAHEƁRANIYA 10:23

Narisike hodari itama yatru riikuɓalio ha hadhwira ɓila rasujeledze, mana Uwo atoa uwahadi, waye muaminifu.

MAHEƁRANIYA 10:35

Mwasulatse ɓasi uaminifu wanyu ulio amba usuv̄inga thawaɓu ɓole.

MAHEƁRANIYA 11:1

Na uaminifu, uwo ɗe iyakini ya iyo mutru atumainiao, muhakikisho wa izo mutru kasuziona.

MAHEƁRANIYA 3:14

Mana ra hari mwa ushirika wa Kristi neka tu amba risusika hodari ata mwisoni umuhakikisho rilionawo rangu mwandro.

MAHEƁRANIYA 4:11

Ɓasi narifanye djitihadi ya ungia hari mwa uv̄umuzi uwo, ile v̄wasuke mutru apuliha ha namuna ɗe wiyo ile ha uhara utuĩ.

MAHEƁRANIYA 4:14

Ɓasi ha iv̄o riliona Mutolezi-Masadaka azidi uɓole av̄ira zimbingu, Insa, uMwana wa Mungu, narisike hodari uaminifu riukuɓalio ha hadhwira.

MAHEƁRANIYA 4:16

Ɓasi narijiliye v̄umoja na yakini ishiri ya yezi ya urehema, ile ripare poreho na urehema, risaidiwe hari mwa uwakati walazimu.

MAHEƁRANIYA 6:11

Ɓadi risutsaha amba kula moja hari mwanyu av̄enuwe djitihadi ɗe wiyo-wiyo ata mupaka mwisoni, ile itama mulionayo iyakinishihe.

MAHEƁRANIYA 6:18

Ha izo, trongo mbili kazigauha, zilio amba hari mwazo tsi mukinishiha Mungu urongoa trambo, zisuriv̄ingia mutrilio-ɓari muhodari, wasi rilio amba umuɓamio watru uka ɗe udzifungamanisa na itama rahetsiwayo.

MAHEƁRANIYA 7:19

Mana iSharia kayakamilisha itsokao yotsi. Ɓadi av̄asa riv̄olwa tama ɓorwa zaidi, ilio amba ha wiyo risumukuruɓia Mungu.

1 MONYE 1:8

alio amba kamwamuona, ɓadi wanyu umuv̄endza. Na ata av̄asa wala ukana kamusumuona, ne musumuamini, ata musungiliwa na furaha ndzitukufu kaieledzesheha,

1 MONYE 2:5

Na wanyu-wanyu mauri mawe yalio hayi, namurumishihe hari mwa liɓundro la nyumba ya shiroho, mukane urumishi mutwaharifu wa Utolezi-Masadaka, ile mutowe masadaka ya shiroho, yakuɓalishiha na Mungu, ha ndzia ya Insa-Kristi.

1 MONYE 4:17

Mana uwo ɗe uwakati ihukuma ya Mungu iandrisao hari mwa umuraɓa wahe. Na neka hari mwa wasi ɗe iandrisao, v̄av̄o utsoka jeje umwiso wa wao waharao utuĩ iIndjili ya Mungu?

MUV̄ENULIO 2:18

«Angishia imalayika ya iDjama Ndziwaminifu ya Tiyatira zini: Tsizini izo zirongolwao na uMwana wa Mungu, Uwo aliona matso mauri jenge la moro, na yimindru yifanao na shaɓa iv̄ev̄enao hari mwa moro.

MUV̄ENULIO 2:25

Ɓadi iyo mulionayo, namuisike hodari ata mupaka nije.

MUV̄ENULIO 2:26

Ha uwo ashindra na usika ata mwiso zitrendro zangu, nitsomuv̄a yezi hari mwa zinishani.

MUV̄ENULIO 3:11

Nisuja tsi hale. Sika iyo ulionayo, ile v̄usuke ata mutru arenga ikemba yaho.