MAHEƁRANIYA 3:19 - Ha`bari Ndjema ya I Maore

¹⁹ Risuona ha uzuri amba kawashindra wangia iv̄o kawakana uaminifu.

MAHEƁRANIYA 3:19 ပူးပေါင်းရင်းမြစ်များ

MARKUSI 16:16

Uwo atsoaminio amwesa atsoɓaĩshiwao|uɓaĩsha, atsohuyiwa, ɓadi uwo katsoamini, atsohukumulwa.

YUHANI 3:18

Mutru amuaminio, waye kahukumilwa uãdhiɓilwa, ɓadi uwo kaamini, madza ahukumulwa aãdhiɓiwe ha iv̄o kaamini uMwana moja-moja wa Mungu.

YUHANI 3:36

Monyewe uamini uMwana ana uhayati mukamilifu wa daima, ɓadi uwo ahara uamini uMwana katsoona uhayati, ɓadi hadhaɓu ya Mungu uketsi ju lahe.»

MAROMU 11:23

Wao tsena, neka kawasuendrelea hari mwa ukosefu wa uaminifu wawo, watsopatsanisiwa ha mara yangina; mana Mungu ana ushindzi wa uwapatsanisa raha.

2 MATESALONIKA 2:12

ile piya wao kawaamini ukweli, ɓadi wajiv̄iwa na uovu, wahukumulwe.

MAHEƁRANIYA 3:12

V̄av̄o namufahamu wananyangu, v̄wasuke ata mutru hari mwanyu akana roho mbovu kaina uaminifu, ata yamuɓausa na Mungu alio hayi.

1 YUHANI 5:10

Mutru aaminio uMwana wa Mungu, waye ukana ushahidi uwo moni hahe. Uwo kasuamini Mungu, asumufanya munafiki, iv̄o kasuamini ushahidi Mungu autoa ju la uMwana wahe.

YUDA 1:5

Nisutsaha nimunahanidzeni, wala ukana musujua piya zizo, amba Mola ɓaanda ahuyi umati wahe ulawa Miswiri, aja aangamidza wao wakohara uamini.