MAHEƁRANIYA 3:14 - Ha`bari Ndjema ya I Maore

¹⁴ Mana ra hari mwa ushirika wa Kristi neka tu amba risusika hodari ata mwisoni umuhakikisho rilionawo rangu mwandro.

MAHEƁRANIYA 3:14 ပူးပေါင်းရင်းမြစ်များ

MAROMU 11:17

Ɓadi neka ɓaãdhwi ya marahi yakatrwa wakati ulio amba wawe, muzaituni nyeha uja upatsanisiwa ɓandzaju ha marahi yale, urenge fuvu na umuzi na lidzia la umuzaituni,

MAROMU 11:22

Ɓasi angalia uwema na uhali wa Mungu: waye muhali uv̄andre wa wale wawa, na mwema uv̄andre waho, neka uɓaki hari mwa uwema uwo. Neka tsi ɗe namuna iyo, utsokatrwa wajau.

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

1 MAKORINTIYO 10:17

Ɓasi iv̄o v̄ulio dipe moja, wasi ha uwengi watru, ra mwili moja, mana piyasi risurenga fuvu hari mwa dipe moja lilo.

1 MAKORINTIYO 9:23

Nisufanya piya zini ha siɓaɓu ya iIndjili, ile nipare fungu hari mwayo.

MAEFESO 3:6

na iyo ɗe amba: zinishani zangina zina mwaratha ɗe uwo-uwo, wa ziga za mwili moja uwo-uwo, tsena wana fungu hari mwa uwahadi uwo-uwo hari mwa uv̄umoja wawo na Kristi-Insa, ha ndzia ya iIndjili.

1 TIMUTAUSU 6:2

Na wao waliona warumisa waaminio, wasuwav̄ungushiye mastaha ha siɓaɓu amba wao wananya wa shi uaminifu. Ɓadi ɗe ikinyume amba nawazidi uwarumishia ha uzuri, mana wao uwafayidisha na zihazi zawo wao watru waaminio, tsena wav̄endzewa. Izo ɗe zalazimu usomedze na usariɓia.

MAHEƁRANIYA 11:1

Na uaminifu, uwo ɗe iyakini ya iyo mutru atumainiao, muhakikisho wa izo mutru kasuziona.

MAHEƁRANIYA 12:10

Maɓaɓatru yakorirudi mwana muda ha uɗunga izo wakoona amba ndjema. Ɓadi Unu asurirudi ha faida yatru, ile rirenge fungu hari mwa utwaharifu wahe.

MAHEƁRANIYA 3:1

Ha izo, wananyangu watwaharifu murengao fuvu hari mwa umuhirio wa shipev̄oni, namumufikiri Insa, uMuv̄elehwa amma uMuɓole wa yaMatolezi-Masadaka|Muɓole wa Matolezi-Masadaka wa uaminifu riukuɓalio.

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

MAHEƁRANIYA 6:11

Ɓadi risutsaha amba kula moja hari mwanyu av̄enuwe djitihadi ɗe wiyo-wiyo ata mupaka mwisoni, ile itama mulionayo iyakinishihe.

MAHEƁRANIYA 6:4

Tsi mukinishiha amba wao waunishiwa suku, wapara ladha ya ineema ya shipev̄oni, warenga fuvu na iRoho Ndzitwaharifu,

1 MONYE 4:13

Ɓadi iv̄o murengao fuvu hari mwa yamatungu ya *Kristi, namufurahi ile pare hari mwa umuv̄enulio wa utukufu wahe, wanyu wajau mufurahi na ujiv̄iwa.

1 MONYE 5:1

Nisutria ɓari uwaɓole wa iDjama walio hari mwanyu, wami nilio muɓole mauri wao, shahidi wa yamatungu ya Kristi, tsena nitsorengao fuvu hari mwa utukufu ujov̄enulwao:

1 YUHANI 1:3

Trongo raiona na uikia, risumujudzaniyo wanyu wajau, ile wanyu wajau mukane uv̄umoja na wasi. Na v̄av̄o uv̄umoja watru wa na waye Ɓaɓa, na Mwana wahe Insa-Kristi.