MAHEƁRANIYA 2:9 - Ha`bari Ndjema ya I Maore

⁹ Ɓadi v̄anu risuona amba Insa ahetsiwa hari mwa muda mushashi utsini mwa zimalayika, akadzwa kemba ya utukufu na hishima ha siɓaɓu ya ufa ulio amba aondesheha nawo. Ha izo, ha irehema ya Mungu, av̄iri hari mwa ufa ha tanafu ya piya wanadamu.

MAHEƁRANIYA 2:9 ပူးပေါင်းရင်းမြစ်များ

MATIYO 16:28

Nisumuambiani ha kweli, ɓaãdhwi ya wanu walio v̄anu, kawatsofa raha kawaona uMwana wa Mwanadamu iv̄o ajao hari mwa ufalume wahe.»

MATIYO 6:28

Na v̄anu, manatrini mudzitriao hamu na trongo ya nguo? Namufikiri namuna mafu ya shitsahani yameao: kayafanya hazi, wala kayasono.

MARKUSI 9:1

Insa awaambia tsena: «Nisumuambiani ha kweli, wasalia hari mwa wao walio v̄anu kawatsopara wafa kaɓula ya wao uona Utawalizi wa Mungu wamoja ha ushindzi.»

LUKASI 9:27

Ɓadi nisumuambiani ha kweli, wasalia hari mwa wao walio v̄anu kawatsofa kaɓula ya uona Utawalizi wa Mungu.»

YUHANI 1:29

iSuku yaɗunga Yahaya amuono Insa iv̄o akomujilia. Sa ile arongoa: «Tsunu uMwana Ɓariɓari wa sadaka atoao yamadhambi ya lidunia.

YUHANI 10:17

Ɓaɓa univ̄endza, mana nisuv̄a uhayati wangu, ile niurenge tsena.

YUHANI 12:32

Na wami wakati itsokao amba tsihedzewa ulawa shiv̄andreju mwa tsi, nitsovura piya wanadamu hanguju.»

YUHANI 3:16

«Mana Mungu av̄endze uulemengu, ata av̄a uMwana moja-moja wahe, ile pare kula amuaminio asupare uangamifu wa dahari, ɓadi akane uhayati mukamilifu wa daima.

YUHANI 8:51

Nisumuambiani ha kweli, mutru asikao urongozi wangu, ata idahari katsoona ufa.»

YUHANI 8:52

Sa ile Mayahudi yamuambia: «Av̄asa risujua amba una shetwani. Iɓrahima afu, yimitrume wajau, na wawe usurongoa amba: ‹Mutru asikao urongozi wangu, kana suku atsofao.›

MAV̄INGIZI-RISALA 2:33

Ahedzewa humeni ha Mungu, amwesa apara ulawa ha Ɓaɓa iRoho Ndzitwaharifu yaka yatolwa wahadi, tsena aenedza iyo muonao na ukia.

MAV̄INGIZI-RISALA 3:13

Mungu wa Iɓrahima, Isiaka na Yaãkuɓu, Mungu wa maɓaɓatru, atukuza umurumishi wahe Insa, ule mwamuv̄eleha aulawe na umuhara mbeli za Ɓilatusa, alio amba waye aka arenge ãzima amujeledze.

MAROMU 5:18

Ha izo ɓasi, mauri ɗe iv̄o ha kosa moja hukuma ienea piya wanadamu, ɗe namuna iyo wajau ha shitrendro moja ya utuĩvu, umuhakisho uv̄ao uhayati uenea piya wanadamu.

MAROMU 5:8

Ɓadi ha zini ɗe Mungu av̄enua uriv̄endza yahe: iv̄o raha raka maãswifu, Kristi afu ha siɓaɓu ya wasi.

MAROMU 8:3

Mana trongo iSharia kakoishindra iv̄o hali ya shiuɓinadamu yakotoa ushindzi wayo, Mungu aifanya ha uv̄eleha uMwana wahe monyewe hari mwa mwili amba mutru amomuona, akoona mwili sawa na wa mwanadamu mwendza dhambi. Na uhusu dhambi, Mungu ahukumu lidhambi mwilini ha mwanadamu,

MAROMU 8:32

Waye alio amba kamuɓalia uMwana wahe monyewe, ɓadi amutoa ha faida ya wasi piyasi, ɓasi ha namuna jeje katsoridjaãlia wajau piya v̄umoja na waye?

2 MAKORINTIYO 5:15

Na neka afu ha faida ya piya, v̄av̄o pare wao walio hayi wasuẽshi tsena ha faida yawo wenyewe, ɓadi ha faida ya ule afa, tsena aregezewa hayi ha faida yawo.

2 MAKORINTIYO 5:21

Uwo alio amba kajua dhambi, Mungu amufanya dhambi ha tanafu yatru, ile ha waye rifanyihe wendza haki wa Mungu.

MAGALATWIYA 4:4

Ɓadi wakati wamokamiliha, Mungu av̄eleha Mwana wahe, adzalwa na mutrumama, tsena hari mwa yamasharutwi ya iSharia,

1 TIMUTAUSU 2:6

adziv̄a waye-waye ake shiliv̄o ya ukombofu wa piya. Uwo ɗe ushahidifu watolewa wakati wawo wahetsiwa.

MAHEƁRANIYA 1:9

Uv̄endze uhaki, amwesa uenge uovu; iyo ɗe imana Mungu, ata Mungu waho ahutsahua ha uhutsomolea shitswani matra ya furaha zaidi rahana wanyaho.»

MAHEƁRANIYA 10:5

Iyo ɗe imana ata uja yahe ulemenguni, Kristi arongoa: «Kwatsaha sadaka wala kafara, ɓadi unitayarishia mwili.

MAHEƁRANIYA 11:5

Ha uaminifu ɗe Henoki arengwa, ha namuna amba asuone ufa. Kaparihana tsena, mana Mungu amurenge. Na kaɓula ya waye urengwa, apara ushahidifu amba akomujiv̄idza Mungu.

MAHEƁRANIYA 12:2

Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.

MAHEƁRANIYA 2:7

Hari mwa muda mushashi, umufanya utsini mwa zimalayika; umukadza kemba ya utukufu na hishima,

MAHEƁRANIYA 7:25

Iyo ɗe imana ata ashindrao ahuyi ha daima wao wamujiliao Mungu ha ndzia yahe, mana asuẽshi dahari ile awadailiye.

MAHEƁRANIYA 8:3

Kula Mutolezi-Masadaka Muɓole uhetsiwa atoleye masadaka na makafara. Iyo ɗe imana ata yalazimu amba waye wajau akane ya utoa.

1 MONYE 1:21

mulio amba ha ndzia yahe, musumuamini Mungu, waye amuregeza hayi ulawa ha uwafu, amwesa amuv̄a utukufu, ha namuna amba uaminifu wanyu na itama yanyu za ha Mungu.

1 YUHANI 2:2

Waye-waye ɗe lisadaka liripariao muswamaha madhambi yatru, wala tsi ɗe yatru tu ɓasi, ɓadi wajau na ya ulemengu kamili.

MUV̄ENULIO 19:12

Matso yahe ya mauri jenge la moro, na shitswani hahe v̄wa kemba ha uwengi. Ana dzina laangihwa lilio amba kav̄u ata mutru alijuao neka tsi ɗe waye.

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.