MAHEƁRANIYA 2:3 - Ha`bari Ndjema ya I Maore

³ namuna jeje ritsoshindrao ritrale, neka risudharau uhuyifu muɓole mauri ɗe uwo wajudziwa raɓuzi na Raɓi, amwesa radhiɓitishiwawo na wao wamukia?

MAHEƁRANIYA 2:3 ပူးပေါင်းရင်းမြစ်များ

MATIYO 23:33

Wanyu nyoha, kaɓila yendza sumu! Namuna jeje mutsoshindrao mutrale ishifungo ya umoro wa Djahanama?

MATIYO 4:17

Rangu v̄ale Insa aandrisa uĩdhia ha urongoa: «Namwendre toɓa, mana Utawalizi wa Monyewe ziMbingu ukuruɓia!»

MARKUSI 1:14

Ɓaanda ya Yahaya ufungwa, Insa andre Galilaya, akojudza iHaɓari Ndjema ya Mungu.

LUKASI 1:2

Waziv̄ingi ha inamuna rajudziwazo na wao wazishuhudia ha yamatso yawo rangu umwandro wazo, tsena waja wafanyishiha warumishi wa uUrongozi.

LUKASI 1:69

tsena arijisia Muhuyifu mwendza ushindzi ha ulawa hari mwa udjama wa murumishi wahe Daudu,

LUKASI 24:19

Sa ile awadzisa: «Trongo trini?» Ɓas, wamudjiɓu: «Ɗe zapatana na Insa wa Nazareti. Aka mutrume mwendza ushindzi hari mwa zitrendro na marongozi mbeli za Mungu na mbeli za piya wanadamu.

YUHANI 15:27

Na wanyu wajau mutsolawa ushahidi, mana mwa na wami rangu umwandro.»

MAV̄INGIZI-RISALA 1:22

rangu umuɓaĩshizi wa Yahaya, ata isuku atolwa hari mwasi. Moja mengoni mwawo alazimu ake shahidi wa umuregezeo hayi wahe, mauri ɗe wasi.»

MAV̄INGIZI-RISALA 2:22

«Ha izo, wanyu Maisraila|Israila, namuvulishiye marongozi yanu: Mungu amudhiɓitishani umutsahulio wa Insa wa Nazareti, ha utsimidza ha indzia yahe midjuza, ãdjaɓu, na ãlama za midjuza mbeli zanyu, mauri ɗe inamuna wanyu wenyewe mujuao.

MAV̄INGIZI-RISALA 4:12

Uhuyifu kausi ha mutru wangina atsokao yotsi, mana shiv̄andreju mwa tsi v̄anu kav̄usi dzina langina lav̄elehwa mbeli za wanadamu amba ha lilo ɗe ralazimu rihuyiwe.»

MAROMU 11:14

ile neka trongo mukinishiha, nitsotse uwivu wa wao walio kaɓila moja na wami, tsena nihuyi wasalia mengoni mwawo.

MAROMU 2:3

He wawe mwanadamu unamuao wanyaho wafanyao trongo mauri ɗe zizo, ne uzifanyao wawe-wawe, usufikiri amba utsoshindra utrale ihukuma ya Mungu?

1 MAKORINTIYO 1:21

Kweli amba ha iv̄o hari mwa ihikima ya Mungu ulemengu kawamujua ha ihikima yawo, Mungu waye aono afudhwali ha ndzia ya ujinga wa umujudzio wa umuri wa pawa ahuyi wao waaminio.

1 MATESALONIKA 5:3

Wakati watru watsorongoao amba: «Nafasi na hifadhwi za v̄av̄o!», ɓasi wakati uwo kamwe uangamifu utsowajilia ɓila udzilindrilia, mauri shikodza ha mutrumama mwendza hamili, amwesa kawatsoshindra watrala.

1 TIMUTAUSU 1:15

Urongozi unu kweli, tsena ustahiki ukuɓaliwe ha namuna ndzikamilifu amba: Kristi-Insa aja ulemenguni ile ahuyi maãswifu, walio amba wami ɗe wa handra.

TITUSA 2:11

Mana irehema ya Mungu iv̄ingao uhuyifu ha piya wanadamu, iv̄enuha.

MAHEƁRANIYA 1:1

Mida ya hale, Mungu alagua na wadzaɗe watru ha mara nyengi na namuna nyengi ha ndzia ya yimitrume,

MAHEƁRANIYA 1:14

Hali piya izo tsi roho ndzirumishi zav̄elehwa zirumishiye wao watsowarithio uhuyifu?

MAHEƁRANIYA 1:2

ɓadi hari mwa zisuku za mwiso zini, alagua na wasi ha ndzia ya Mwana wahe, alio amba amufanya muarithi wa piya, na ha waye ɗe aumba ulemengu kamili.

MAHEƁRANIYA 12:25

Namufahamu, musuharaliye uwo alaguao. Neka wao waharalia uwo akowafahamisha shiv̄andreju mwa tsi kawashindra watrala, ha mara ngav̄i zaidi wasi karitsoshindra ratrala, neka risudziɓausa na Uwo arifahamishao rangu pev̄oni!

MAHEƁRANIYA 4:1

Ɓasi iv̄o raha uwahadi wa ungia hari mwa uv̄umuzi wahe ulio v̄av̄o, narifahamu v̄usuke ata moja mengoni mwanyu amba kaupara,

MAHEƁRANIYA 4:11

Ɓasi narifanye djitihadi ya ungia hari mwa uv̄umuzi uwo, ile v̄wasuke mutru apuliha ha namuna ɗe wiyo ile ha uhara utuĩ.

MAHEƁRANIYA 5:9

Na ɓaanda akamilishiha, afanyiha ha piya wao wamutuĩo koho la uhuyifu wa daima,

MAHEƁRANIYA 9:28

ɗe namuna iyo wajau Kristi atolwa sadaka mara moja, ile atowe madhambi ya indadi ɓole ya wanadamu, iv̄o av̄enuhe mara ya v̄ili, ɓila tsi ha trongo yahusu dhambi, ha wao wamulindriliao na uhuyifu.

1 YUHANI 1:1

Trongo ilio amba ika rangu mwandro, trongo raikia, trongo raiona ha yamatso yatru, trongo raistamia na uisika ha yimihono yatru, trongo yahusu Uwo alio Urongozi wa uhayati, ɗe rimujudzaoniyo.

YUDA 1:17

Ɓadi wanyu wav̄endzewa, namunahane marongozi yatolwa rangu kaɓula na yaMav̄ingizi-Risala|Mav̄ingizi-Risala ya Raɓi watru Insa-Kristi.

MUV̄ENULIO 7:10

Wakoshelemedza ha ji lendza nguvu amba: «Ukombofu, uwo wa Mungu watru aketsi hari mwa ishiri ya ufalume, tsena wa uMwana Ɓariɓari.»