MAHEƁRANIYA 13:9 - Ha`bari Ndjema ya I Maore

⁹ Mwasudzilishe mwav̄ingwa na tafauti namuna na namuna za misomo midjeni. Mana iyo ndjema amba roho ihodarishihe ha irehema, tsi ha zahula zilio amba kazafayidisha na itsokao yotsi wao waɗungao masharutwi yahusuana nazo.

MAHEƁRANIYA 13:9 ပူးပေါင်းရင်းမြစ်များ

MATIYO 24:24

Mana v̄utsohima makristi wa trambo, na wanafiki watsodzifanyao amba washukidziwa marongozi; watsofanya ãlama za midjuza ɓole na trongo za ãdjaɓu ile wadanganye, neka mukinishiha, ata wao watsahulwa.

MATIYO 24:4

Ɓas, Insa awadjiɓu: «Namufahamu, v̄wasuke mutru amudanganyani.

LUKASI 5:38

Ɓadi ilazimu trembo lajemwa av̄asa litrilwe moni na ziya za ngwezi pia.

MAV̄INGIZI-RISALA 20:30

Na ata hari mwanyu v̄anu, ne v̄utsohima watru watsov̄ao misomo kayaɗunga ndzia, ile wagogore yamaswihaɓa wawaɗunge.

MAV̄INGIZI-RISALA 20:32

Ɓas av̄asav̄anu nisumudhwaminishani ha Mungu, na ha urongozi wa neema wahe uliona ushindzi wa umuhodarishani, na umuv̄ani mwaratha v̄umoja na piya watwaharishiwa.

MAROMU 14:17

Mana Utawalizi wa Mungu tsi ɗe uɗya na unwa, ɓadi ɗe uhaki, amani, na furaha, ha iRoho Ndzitwaharifu.

MAROMU 14:2

Mauri v̄wa aaminio amba atsojua aɗye kula shitru, v̄wa wangina amba uaminifu wahe kausi muhodari, kaɗyi neka tsi mafeliki.

MAROMU 14:6

Mutru atafautishao zisuku, v̄ale asuzitafautisha ha siɓaɓu ya Mola. Na ule aɗyao, asuɗya ha siɓaɓu ya Mola, mana waye uhimidia Mungu. Na uwo kaɗyi, ha siɓaɓu ya Mola ɗe waye kaɗyi, na asumuhimidia Mungu wajau.

1 MAKORINTIYO 6:13

Na tsena: «Zahula, izo za mimba, na imimba, ya zahula.» Izo kweli; ɓadi Mungu atsoziangamidza izo mbili. Na umwili tsi wa ufanya taɓia za shahawa kazalazimu; uwo wa Raɓi, na Raɓi waye, wa umwili.

1 MAKORINTIYO 8:8

Ɓadi tsi shahula ɗe itsorikuruɓishao na Mungu. Neka karisuɗya, karitsolatsishiwa na itsokao yotsi; neka risuɗya, karitsozidishiwa na itsokao yotsi.

2 MAKORINTIYO 1:21

Na Monyewe urihodarisha wasi na wanyu hari mwa uv̄umoja na Kristi, tsena aritsahua na uridhwaminisha, ɗe Mungu.

MAGALATWIYA 6:1

Wananyangu, neka v̄wa mutru aja asikwa na aina ya kosa, wanyu muv̄ingwao na iRoho, namumurudi ha roho ndzitrulivu. Ɓadi dzitahadharishe, usendre wawe wajau wadjereɓiwa.

MAEFESO 4:14

Ha izo, karitsoka tsena wanatsa wav̄ingwao na maji, watangisiwao na kula pev̄o ya musomo, wapotezewao ha udjandja na yimipango ya unafiki ya wanadamu.

MAEFESO 5:6

V̄usuke ata mutru amudanganyani ha marongozi kayana mana, mana ɗe ha siɓaɓu ya izo, ɗe hadhaɓu ya Mungu ijiliao watru kawasumutuĩ.

MAKOLOSIYA 2:4

Nisurongoa zizo pare v̄usuke mutru amudanganyani ha marongozi yendza ladha.

2 MATESALONIKA 2:17

nawatriye ɓari ziroho zanyu, na umuhodarishani hari mwa kula shitrendro ndjema na urongozi mwema.

2 MATESALONIKA 2:2

musudzilishe mwaɓaɓanyisiwa ha upesi zifikira, wala mwahafilishiwa, neka ha marongozi ya shi mutrume yashukidziwa, au ha kalima, au ha ɓarua lirengwao mauri lilawa hatru, amba isuku ya umuregeo wa Raɓi iwaswili.

1 TIMUTAUSU 6:20

He Timutausu, sika trongo wadhwaminishiwayo. Dziɓause na malaguzi kayana mana yashirikisao, na mashindrano yajao ha ujuzi wa trambo.

1 YUHANI 4:1

Wav̄endzewa wangu, mwasuamini kula roho, ɓadi namutunde ziroho, ile mujuwe neka za shi Mungu, mana v̄uenea ulemenguni wengi wadzifanyao amba wasujudza marongozi ya shi mutrume washukidziwa.

YUDA 1:12

Watru wao uka hari mwa miɗyio ya shiunanya yanyu mauri magambe yakwalisao. Wasusterehi v̄umoja na wanyu na udzilisa ɓila trisidzo; wao mauri mavingu kayana vua yav̄ingwao na pev̄o, mauri miri ya mwiso wa kashikazi kayadza mavuna, yafa mara mbili, tsena yarurumulwa.

YUDA 1:3

Wanyu wav̄endzewa, ha iv̄o nakana ushauku muɓole wa umuangishiani yahusu uhuyifu wa shirika watru, tsidziono farudhwi ya umuangishiani pare nimutriyeni ɓari amba muwaniliye uaminifu wajudzwa ha watwaharifu mara moja ha piya.