MAHEƁRANIYA 13:7 - Ha`bari Ndjema ya I Maore

⁷ Namunahane wav̄ingizi wanyu wamujudzani urongozi wa Mungu. Namuangaliye yamavuna ya maẽsha yawo, tsena mutiɓe uaminifu wawo.

MAHEƁRANIYA 13:7 ပူးပေါင်းရင်းမြစ်များ

MATIYO 24:45

«Uv̄i ɗe murumizi muaminifu mwendza hikima murumisa wahe amudhwaminisha muraɓa wahe, av̄e zahula watru wahe wakati walazimu?

LUKASI 12:42

Raɓi arongoa: «Uv̄i ɗe murumizi mwaminifu mwendza hikima murumisa wahe atsomudjukumisao muraɓa wahe, ile av̄e warumizi wanyahe zahula wakati wahetsiwa?

LUKASI 5:1

V̄uka suku Insa aka wangoni mwa lidzia la maji la Genesareti. Dunia ya watru ika imuzingidzia ivulikiye urongozi wa Mungu.

LUKASI 8:11

«Ɓasi tsini imana ya mufano ule: yaMaela, uwo ɗe urongozi wa Mungu.

MAV̄INGIZI-RISALA 13:46

Ɓas, ha dhwahiri Ɓaulusu na Ɓarnaɓasi wawaambia: «Ɗe hanyu kadimu ɗe yaka yalazimu Urongozi wa Mungu ujudziwe. Ɓadi rangu muuharao, amwesa mudzionao wanyu wenyewe amba kamwastahiki uhayati wa daima, ɓasi risulekedza ha zinishani zangina.

MAV̄INGIZI-RISALA 14:23

Wawahetsia madhwamana hari mwa kula Djama Ndziwaminifu, amwesa ɓaanda wafanya mamilio na ufunga, wawadhwaminisha Raɓi alio amba wamuamini.

MAV̄INGIZI-RISALA 4:31

Wamomalidza mamilio yawo, mukaɓala ule waka wangulidzana ugudzuha; piyawo wajadziwa iRoho Ndzitwaharifu, amwesa wakojudza urongozi wa Mungu ha uhodari.

MAROMU 10:17

V̄av̄o uaminifu uja ha iyo mutru akiao, na iyo mutru aikiao, uja ha umutekelezeyo wa urongozi wa Kristi.

1 MAKORINTIYO 10:13

Kav̄usi djariɓu lamuparani lashilidzia uɓinadamu. Na Mungu, waye muaminifu. Katsoruhusu mwadjereɓiwa ha uzidisha izo mushindrao. Ɓadi v̄umoja na lidjariɓu, atsohetsi wajau ndzia ile mushindre mulistahamili.

1 MAKORINTIYO 11:1

Namuɗunge mufano wangu, mauri ɗe inamuna niɗungao mufano wa Kristi.

1 MAKORINTIYO 4:16

Ɓasi nisumutafadalini murenge mufano wangu.

MAFILIPI 3:17

Wananyangu, namurenge mufano wangu. Namuv̄elehe yamatso hari mwa wao waɗungao umufano muonao hatru.

1 MATESALONIKA 1:6

Na wanyu mufanyiha watiɓizi watru, tsena wa Raɓi, ha ukuɓali Urongozi wa Mungu hari-hari na matreso ha uwengi, tsena v̄umoja na ifuraha ya iRoho Ndzitwaharifu.

1 MATESALONIKA 2:13

iMana tsena ata wasi karisuzia uhimidia Mungu, ɗe iv̄o upara yanyu urongozi wa Mungu ulio amba rimujudzaniwo, muukuɓali tsi amba mauri urongozi wa shiuɓinadamu, ɓadi mauri ɗe inamuna ulio ha kweli, amba urongozi wa Mungu ufanyao hazi moni hanyu wanyu muaminio.

2 MATESALONIKA 3:7

Wanyu-wanyu musujua inamuna yalazimu mudziv̄inge ha urenga mufano watru, mana karaẽshi v̄umoja na wanyu shi watru wendza musadjadja;

2 MATESALONIKA 3:9

Tsi amba karakana ifurswa, ɓadi ritsaha rimuv̄eni hatruju mufano wa utiɓa.

1 TIMUTAUSU 3:5

Mana neka mutru kasushindra aendresa muraɓa wahe, ha namuna jeje atsoshindrao ahudumu iDjama Ndziwaminifu ya Mungu?

MAHEƁRANIYA 13:17

Namutuĩ wav̄ingizi wanyu, tsena muke watuĩvu mbeli zawo: wao utsunga roho zanyu, ha ujua amba watsoyeleha mbeli za Mungu urumishi wawo. Ɓasi namufanye namuna amba wao watsoshindra warumishiye ha furaha, wala tsi ha unguruma, trongo ilio amba kaitsomufayidishani.

MAHEƁRANIYA 13:24

Namusalimu piya wav̄ingizi wanyu v̄umoja na piya watwaharifu. Wananya wa Italiya wasumusalimuni.

MAHEƁRANIYA 6:12

Musufanyihe wendza shiɗa, ɓadi mutiɓe wao walio amba, ha uaminifu na suɓira, wasupara umwaratha watolwa wahadi.

1 MONYE 4:11

Neka mutru asulagua, nalaguwe shi mutru arongoao marongozi ya Mungu; neka mutru asurumishia, narumishiye ha zinguvu Mungu amudjaãliaozo, pare hari mwa piya zitrongo, Mungu atukuziwe ha ndzia ya Insa-Kristi, alio amba haheju utukufu na ushindzi zimuendrelea ha dahari. Amina.

MUV̄ENULIO 1:9

Wami Yuhani, mwananyanyu nirengao fuvu hari mwa yamatreso, hari mwa ufalume na suɓira ha uv̄umoja watru na Insa, tsika hari mwa ishisiwa ya Patimosa ha siɓaɓu ya Urongozi wa Mungu, na ushahidifu wa Insa

MUV̄ENULIO 20:4

Amwesa tsiono ziri za shiufalume. Wao waziketsia, wav̄olwa wahukumu. Tsiono tsena ziroho za wao wapulwa zizitswa ha siɓaɓu ya ushahidifu wa Insa na Urongozi wa Mungu, wao kawasudjudia ishinyama mbovu wala lisanamwe layo, tsena kawaka wapara iãlama hari mwa uuso wala hari mwa umuhono. Waregea hayi, amwesa watawala v̄umoja na Kristi muda wa maha alifu.

MUV̄ENULIO 6:9

Upua yahe iliti ya tsano, tsiono utsini na italatala ya masadaka ziroho za wao waulawa ha siɓaɓu ya Urongozi wa Mungu|Urongozi na ushahidifu wakouv̄inga.