MAHEƁRANIYA 13:21 - Ha`bari Ndjema ya I Maore

²¹ namudjaãliyeni ushindzi wa kula ndjema itsomuruhusunio mufanye mav̄endzeleo yahe; nafanye moni hatru izo zimujiv̄iao, ha indzia ya Insa-Kristi, alio amba haheju utukufu naumuendreleye ha daima. Amina.

MAHEƁRANIYA 13:21 ပူးပေါင်းရင်းမြစ်များ

MATIYO 12:50

Mana mutru yotsi afanyao yamav̄endzeleo ya Ɓaɓangu alio mbinguni, uwo ɗe mwananyangu mutruɓaɓa, mwananyangu mutrumama, tsena mayangu.»

MATIYO 21:31

V̄av̄o uv̄i hari mwa wao waili, afanya mav̄endzeleo ya ɓaɓahe?» Ɓas wadjiɓu: «Ɗe wa handra.» Sa ile Insa awaambia: «Nisumuambiani ha kweli, yamaliv̄isa-latete na masusu wasumutranguliani hari mwa Utawalizi wa Mungu.

MATIYO 28:20

muwasomedze watuĩ piya izo namuãmurishanizo. Na tsami, nisuka v̄umoja na wanyu kula suku, ata mupaka umwiso wa lidunia.»

MATIYO 6:13

Usurilishe radjereɓilwa uzainiwa, ɓadi ripukamanise na uMovu|Movu.› [Mana utawalizi, ushindzi, na utukufu, wawe ɗe Monyewe wizo daimani aɓada. Amina.]

MATIYO 7:21

«Tsi ɗe piya wanihirao: ‹*Raɓi, Raɓi› ɗe watsongiao hari mwa Utawalizi wa Monyewe ziMbingu, ɓadi ɗe uwo tu afanyao yamav̄endzeleo ya Ɓaɓangu alio pev̄oni.

YUHANI 17:23

wami moni hawo, na wawe moni hangu, ile wakamilishihe hari mwa uv̄umoja, na ulemengu ujuwe amba univ̄eleha, tsena amba uwav̄endze, mauri ɗe inamuna waniv̄endza.

YUHANI 7:17

Mutru atsahao afanye mav̄endzeleo yahe waye Mungu, atsojua neka musomo wangu ulawa ha Mungu, au neka nisulagua ha iwami yangu.

MAROMU 11:36

Mana zitru piya zilawa hahe, zija ha indzia yahe, na tsena za ha tanafu yahe. Natukuzihe ha daima! Amina.

MAROMU 16:27

waye Mungu weke mwendza hikima natukuzihe ha Insa-Kristi daimani aɓada. Amina.

2 MAKORINTIYO 9:8

Na Mungu ushindra amuv̄eni ha uwengi neema za kula namuna, pare mukane kula wakati piya zamulazimuni ha kula namuna, tsena mukane ha uwengi ya kula shitrendro ndjema.

MAGALATWIYA 1:5

Natukuzihe daimani aɓada. Amina.

MAEFESO 2:10

Mana wasi ra ɓuumbio lahe, riumbwa hari mwa uv̄umoja na Kristi, pare rifanye zitrendro ndjema Mungu azitayarisha rangu kaɓula amba rizifanye.

MAEFESO 2:18

Kweli amba ha ndzia yahe wasi waili risujua rimukuruɓia Ɓaɓa, ha Roho moja wiyo-wiyo.

MAFILIPI 1:11

amwesa ike amba mujadziwa mavuna ya uhaki yajao ha indzia ya Insa-Kristi, ha utukufu na sifa ya Mungu.

MAFILIPI 2:11

tsena kula hanyo ikuɓali ha hadhwira amba Insa-Kristi ɗe Raɓi, ha utukufu wa Mungu amma Ɓaɓa.

MAFILIPI 2:13

Mana Mungu ɗe Monyewe utria moni hanyu iutsaha na iurendra ha ulingana na mav̄endzeleo yahe.

MAFILIPI 4:13

Kula trongo wami uishindra ha uv̄umoja wangu na uwo aniv̄ao nguvu.

MAFILIPI 4:18

Tsipara piya, ata ha uzidishiha. Tsitoshea iv̄o napara ha Eɓafroditi izo zalawa hanyu, mauri marashi yendza harufu ndzuzuri, sadaka likuɓaliwao na Mungu, tsena limujiv̄iao.

MAKOLOSIYA 3:17

Yotsi mufanyao, neka ha marongozi au shitrendro, namuifanye ha lidzina la Raɓi Insa, na ha ndzia yahe, mumushukuriye Mungu amma Ɓaɓa.

MAKOLOSIYA 3:20

Wanyu wana, namutuĩ wadzaɗe wanyu hari mwa piya, mana iyo umujiv̄ia Raɓi.

MAKOLOSIYA 4:12

Eɓafrasu alio wa shi hanyu, asumusalimuni; murumishi wa Kristi-Insa uwo asudzisonga dahari ha umufanyiani mamilio, ile musike hodari ɓaanda mwakamilishiha, na ukana yakini yaswafishiha na mav̄endzeleo ya Mungu.

1 MATESALONIKA 3:13

Nahodarishe roho zanyu ile zike ɓila tuhuma hari mwa utwaharifu mbeli za Mungu watru amma Ɓaɓa, wakati wa umujilio wa Raɓi watru Insa v̄umoja na piya watwaharifu wahe.

1 MATESALONIKA 4:3

Mav̄endzeleo ya Mungu ɗe wanyu uka watwaharifu, mudzipukamanise na maendreleo maovu ya shahawa.

1 MATESALONIKA 5:23

Ɓasi Mungu Monyewe utrulivu waye-waye namutwaharisheni ha ukamilifu piya nafusi yanyu, iroho, umo, na umwili, zilishwe ɓila tuhuma ha umuregeo wa Raɓi watru Insa-Kristi.

2 MATESALONIKA 2:17

nawatriye ɓari ziroho zanyu, na umuhodarishani hari mwa kula shitrendro ndjema na urongozi mwema.

1 TIMUTAUSU 1:17

Ɓasi ha uMufalume wa daima, tsi mufa, tsi muonehana, Mungu weke wahe, nav̄uke hishima na utukufu daimani aɓada. Amina.

1 TIMUTAUSU 5:10

narongoleshehe ha zitrendro ndjema zahe, amba alele wana wahe ha uzuri, akokariɓisa, akohosa yimindru ya uwatwaharifu, akosaidi wendza taãɓu, na uendrelea na kula shitrendro ndjema.

1 TIMUTAUSU 6:16

Waye weke alio amba kafu, Monyewe uketsi hari mwa nuru kaikuruɓishiha, alio amba kav̄u mutru aparomuona wala ashindrao amuone. Hishima na ushindzi kauna mwiso nazimuendreleye. Amina.

2 TIMUTAUSU 3:17

ile mutru wa Mungu akamilishihe, ake tayari ya ufanya kula shitrendro ndjema.

2 TIMUTAUSU 4:18

Raɓi atsonikomboa na kula shitrendrwa mbovu, tsena atsonihuyi ile ningiye ha usalama salimina hari mwa Utawalizi wahe pev̄oni. Utukufu naumuendreleye ha daima. Amina.

MAHEƁRANIYA 10:36

Ilazimu mukane ustahamilivu, ile ɓaanda mwafanya mav̄endzeleo ya Mungu, mupare iyo yatolwa wahadi.

MAHEƁRANIYA 12:23

ha idjama wa yamadzazi ya handra yaangihwa pev̄oni. Mujilia ha Mungu alio hakimu wa piya, ha ziroho za wendza haki wakamilishiha,

MAHEƁRANIYA 12:28

Ha izo, iv̄o riparao utawalizi kaugudzusiha, narihimidiye ha umutolea Mungu ĩɓada imujiv̄iao yendza utuĩvu na staha.

MAHEƁRANIYA 13:16

Ɓila mwasuɗele urendra zema na uv̄a musada, mana ɗe ha masadaka mauri ɗe yao ɗe Mungu ajiv̄iwao.

1 MONYE 2:5

Na wanyu-wanyu mauri mawe yalio hayi, namurumishihe hari mwa liɓundro la nyumba ya shiroho, mukane urumishi mutwaharifu wa Utolezi-Masadaka, ile mutowe masadaka ya shiroho, yakuɓalishiha na Mungu, ha ndzia ya Insa-Kristi.

1 MONYE 4:2

ile aẽshi tsi ha zingushauku za wanadamu, ɓadi ha uɗunga yamav̄endzeleo ya Mungu hari mwa uwakati wamuɓakia aẽshi hari mwa umwili.

2 MONYE 3:18

Ɓadi namuhuwe hari mwa urehema na ujuzi wa Raɓi watru amma Muhuyifu Insa-Kristi. Utukufu naumuendreleye rangu av̄asa ata idahari. Amina.

1 YUHANI 2:17

liDunia lisuv̄ira, na ngushauku zalo wajau. Ɓadi monyewe ufanya mav̄endzeleo ya Mungu, waye uɓaki dahari.

1 YUHANI 3:22

Yotsi rimiao, wasi uipara na waye, mana risusika ãmuri zahe, amwesa risufanya zimujiv̄iao.

YUDA 1:25

ha Mungu moja-moja, Muhuyifu watru ha ndzia ya Insa-Kristi, Raɓi watru, nav̄uke utukufu, ufalume, ushindzi na yezi, rangu kaɓula ya kula wakati, av̄asa, amma hari mwa piya uwakati! Amina.

MUV̄ENULIO 4:6

Na mbeli mwa ishiri ya ufalume v̄uka mufano wa ɓahari ya shiɗo yakofana na ɓwe lendza thamani lihiriwao kristali. Hari-hari na ishiri ya ufalume na ha uzingidzia ishiri ya ufalume, v̄uka ziumbe nne zendza roho zaka zajaya matso mbeli na unyuma.

MUV̄ENULIO 5:13

Amwesa kula shiumbe ilio mbinguni, uju na ishiv̄andre ya tsi, utsini na ishiv̄andre ya tsi na uju na iɓahari, piya zilio, tsizikia zakorongoa: «Ha Monyewe uketsi hari mwa ishiri ya ufalume na ha uMwana Ɓariɓari, sifa, hishima, utukufu na ushindzi daimani aɓada!»

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.