MAHEƁRANIYA 13:18 - Ha`bari Ndjema ya I Maore

¹⁸ Namurimiliye Mungu. Kweli wasi rina yakini amba roho zatru zirahara, iv̄o riliona nia ya udziv̄inga ha uzuri hari mwa piya zitrongo.

MAHEƁRANIYA 13:18 ပူးပေါင်းရင်းမြစ်များ

MAV̄INGIZI-RISALA 23:1

Wakati ule Ɓaulusu areme matso uMungulidzano wa Waɓole|Mungulidzano wa Waɓole, amwesa arongoa: «Wananyangu, ɗe ha roho yarahara mbeli za Mungu ɗe nadziv̄inga ata upara ileo ini.»

MAV̄INGIZI-RISALA 24:16

Iyo ɗe imana nidzifarudhishao amba ha dahari roho yangu irahare mbeli za Mungu na mbeli za wanadamu.

MAROMU 12:17

Mwasuliv̄e mbovu ha mutru yotsi amufanyiani mbovu. Namudzihetsi ufanya ndjema mbeli za piya uwatru.

MAROMU 13:13

Naridziv̄inge ha namuna yalazimu yastahiki umutsana, ɓila uv̄endzoɗya, wala ulevi, ɓila uzani, wala taɓia kayalazimu, ɓila umani, wala uwivu.

MAROMU 15:30

V̄av̄o ɓasi wananyangu, nisumumiani ha uv̄umoja wa Raɓi watru Insa-Kristi na ha uv̄endza iv̄olwao na iRoho, muwane v̄umoja na wami ha unimilia Mungu,

2 MAKORINTIYO 1:12

Mana ingazi ya udziɓua yatru ɗe ushahidifu wa inafusi yatru amba ridziv̄ingi ulemenguni v̄anu, na hususwani mbeli zanyu, hari mwa uraharifu na ukweli zilawao ha Mungu; ɓila tsi amba ha hikima ya shiuɓinadamu, ɓadi ha urehema wa Mungu.

MAFILIPI 4:8

Yaɓaki iv̄o wananyangu, piya zilio kweli, piya zendza hishima, piya zilio haki, piya zendza uraharifu, piya zav̄endzesheha, piya zastahiki utukuziwa, piya zilio ndjema tsena zastahiki sifa, ɓasi trongo zizo nazike hari mwa fikira zanyu.

MAKOLOSIYA 4:3

Namurimiliye wasi wajau, ile Mungu ariɓuliye mulongo wa ujudza Urongozi wa iãdjaɓu yahusu Kristi, ilio amba ha siɓaɓu ya wiyo ɗe nafungwa.

1 MATESALONIKA 4:12

ile mudziv̄inge ha namuna yastahiki mbeli za watru wa shi v̄ondze, wala udzidjukumisa na mutru atsokao yotsi.

1 MATESALONIKA 5:25

Wananyatru, namurimiliye wajau wasi.

2 MATESALONIKA 3:1

Yaɓaki v̄anu wananya wa shi uaminifu, namurifanyiye mamilio, ile urongozi wamuhusu Raɓi wendre mbeli amwesa utukuzihe, mauri ɗe inamuna ulio hanyu,

1 TIMUTAUSU 1:5

iKusudi ya lisariɓu lini, ɗe uv̄endza ulawao ha umo warahara, na nafusi ndziraharifu ɓila tuhuma, v̄umoja na uaminifu wa kweli.

1 MONYE 2:12

Namukane maendreleo mazuri mbeli na watru kawamuji Mungu, ile pare v̄ahanu kamwe wamurongoaoni amba wanyu warendrezi-mbovu, waone zitrendro ndjema zanyu, amwesa wamutukuze Mungu isuku ya umujilio wahe.

1 MONYE 3:16

ɓadi namuifanye ha namuna ya shiuwekevu v̄umoja na hishima, na ukana roho yarahara, ile v̄ahanu kamwe musingidziwao, wao watefuao maendreleo mema yanyu hari mwa uv̄umoja wanyu na Kristi, waone haya.

1 MONYE 3:21

Na iyo ika mufano wa umuɓaĩsho umuhuyioni leo ini, muɓaĩsho ulio amba kausutoa tsama za umwili, ɓadi ulio miyadi mbeli za Mungu ha roho yarahara. Na uhuyifu uwo uparihana ha umuregezeo hayi wa Insa-Kristi,