MAHEƁRANIYA 13:17 - Ha`bari Ndjema ya I Maore

¹⁷ Namutuĩ wav̄ingizi wanyu, tsena muke watuĩvu mbeli zawo: wao utsunga roho zanyu, ha ujua amba watsoyeleha mbeli za Mungu urumishi wawo. Ɓasi namufanye namuna amba wao watsoshindra warumishiye ha furaha, wala tsi ha unguruma, trongo ilio amba kaitsomufayidishani.

MAHEƁRANIYA 13:17 ပူးပေါင်းရင်းမြစ်များ

LUKASI 16:2

Ɓas, amuhiri, amuambia: ‹Trongo trini niikiao yahuhusu? Nionese ihisaɓu ya inamuna uendresao imali yangu, mana kutsojua tsena waka musika-mali wangu.›

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

MAROMU 14:12

Ha izo, kula moja hari mwasi atsodzieledza mbeli za Mungu ha iwaye yahe.

1 MAKORINTIYO 16:16

Ɓasi namutuĩ watru mauri ɗe wao, na piya warengao fuvu hari mwa ihazi, wadzirumao ha siɓaɓu ya wiyo.

MAEFESO 5:21

Kula moja hari mwanyu nadzihetsi tayari ya utuĩ munyahe ha mastaha mulionawo na Kristi.

MAFILIPI 1:4

Kula namomumiliani piyanyu, wami umilia ha furaha,

MAFILIPI 2:12

Ha izo wav̄endzewa wangu, mauri ɗe inamuna dahari mwatuĩ, ɓila tsi tu amba namoka v̄umoja na wanyu, ɓadi zaidi av̄asa ilio amba tsisi na wanyu, namuendreleye utria ndziani ha hofu na staha uhuyifu wanyu.

MAFILIPI 2:16

ha uv̄inga urongozi wa uhayati. V̄av̄o nitsojua nidziɓuwe isuku ya Kristi, amba mbio zangu kazaka za ɓanaraju, na izo nadziruma nazo, tsi amba kazina mana.

MAFILIPI 2:29

Namumurenge hari mwa uv̄umoja na Raɓi na furaha ndzikamilifu; namuhishimu watru mauri ɗe waye,

MAFILIPI 3:18

Mana wengi tu, madza tsimuambiani wakati mwengi na nisumuambiani raha av̄asa, tsena ha matsozi, ɗe wadziv̄ingao shi ãduwi wa umuri wa pawa|muri wa pawa wa Kristi.

MAFILIPI 4:1

Ha izo, wananya wav̄endzewa wangu, wanyu mulio amba tsina hamu na wanyu, wanyu mulio furaha yangu tsena hishima yangu, namuke watru wasika hari mwa uv̄umoja na Raɓi, wandzani wa roho wangu.

2 MATESALONIKA 3:14

Neka v̄wa mutru kasutuĩ marongozi yatru hari mwa liɓarua lini, namumutriye ãlama, tsena mwasushahilihe na waye hari mwa itsokao yotsi, pare aone haya.

1 TIMUTAUSU 5:17

Ɓasi uwaɓole waendresao ha uzuri iDjama Ndziwaminifu, nawaonehane amba wazidi ustahiki sheo, hususwani ɗe wao wadzirumao hari mwa mujudzio wa Urongozi na musomo.

MAHEƁRANIYA 13:24

Namusalimu piya wav̄ingizi wanyu v̄umoja na piya watwaharifu. Wananya wa Italiya wasumusalimuni.

MAHEƁRANIYA 13:7

Namunahane wav̄ingizi wanyu wamujudzani urongozi wa Mungu. Namuangaliye yamavuna ya maẽsha yawo, tsena mutiɓe uaminifu wawo.

YAKOƁU 4:7

Ɓasi namudzituĩse Mungu, mumukanyushe Iɓilisa, na waye atsomutralani.

1 MONYE 5:5

Wanyu wajau mashaɓaɓi, namudzituĩse ha uwaɓole. Piyanyu hari mwa maendreleo yanyu wanyu na wanyu, namudziɓangise uwekevu, mana v̄uangihwa: «Mungu waye kinyume na wao wadzionao, ɓadi waye udjaãlia urehema wahe ha waekevu.»