MAHEƁRANIYA 13:12 - Ha`bari Ndjema ya I Maore

¹² Iyo ɗe imana ata Insa wajau, ile atwaharishe umati ha idamu yahe monyewe, aondesheha v̄ondze na umulongo wa liɗago.

MAHEƁRANIYA 13:12 ပူးပေါင်းရင်းမြစ်များ

LUKASI 4:29

Sa ile wahimi, wamutowo v̄ondze na liɗago, wamuv̄ingi tsaju mwa umulima liɗago lawo laka lawahwa, wakotsaha wamupulise.

YUHANI 17:19

Nisudziv̄a wawe ha siɓaɓu ya wao, pare wao wajau wadziv̄e wawe ha kweli.

YUHANI 19:34

Ɓadi moja mengoni mwa madjeshi yale amuforoa imbavu ha fumo, na sa ile v̄ulawa damu na maji.

MAV̄INGIZI-RISALA 7:58

Wamugogora v̄ondze mwa liɗago, amwesa wamuvutsia mawe ha umuangamidza. yaMazahidi yaka yahetsi madjuɓa yawo mindruni ha shaɓaɓi akohiriwa Saulusu.

1 MAKORINTIYO 6:11

Na v̄av̄o ɗe v̄ahanu wasalia mengoni mwanyu waka. Ɓadi muja muhoswa, muja mutwaharishiwa, muja mukuɓalishiha mbeli za Mungu ha lidzina la Raɓi Insa-Kristi, na ha iRoho ya Mungu watru.

MAEFESO 5:26

ile aitwaharishe ɓaanda airahatsa na maji ha Urongozi,

MAHEƁRANIYA 10:10

Ɗe ha mav̄endzeleo yao ɗe ratwaharishiwa ha lisadaka la umwili wa Insa-Kristi, mara moja ɓas.

MAHEƁRANIYA 10:29

Ɓasi mara ngav̄i, musufikiri, utsokao udziro wastahiki ishiv̄ondro ya uwo itsokao amba agaɗa uMwana wa Mungu, atefua idamu ya umukataɓa ilio amba ha wiyo atwaharishiwa, aruhana iRoho ya irehema?

MAHEƁRANIYA 2:11

Mana Monyewe atwaharishao na wao watwaharishiwao, wana koho moja. Iyo ɗe imana ata kasuona haya ya uwahira amba wananyahe

MUV̄ENULIO 14:20

ziZaɓiɓu zitseresewa ɓirikani v̄ale v̄ondze na liɗago. V̄ulawa damu ɓirikani v̄ale, na wiyo ihea ata ipara hanyo za farasi, tsena itsambadziha hari mwa uv̄ana wa ziv̄imo alifu wa sitamiya.