MAHEƁRANIYA 12:4 - Ha`bari Ndjema ya I Maore

⁴ Hari mwa ushindrana yanyu kinyume na dhambi, raha kamwakingia ata mwatra damu.

MAHEƁRANIYA 12:4 ပူးပေါင်းရင်းမြစ်များ

MATIYO 24:9

Ɓas, mutsotrilwa hari mwa matreso, na uulawa. Mutsoengwa na piya zinishani ha siɓaɓu ya lidzina langu.

1 MAKORINTIYO 10:13

Kav̄usi djariɓu lamuparani lashilidzia uɓinadamu. Na Mungu, waye muaminifu. Katsoruhusu mwadjereɓiwa ha uzidisha izo mushindrao. Ɓadi v̄umoja na lidjariɓu, atsohetsi wajau ndzia ile mushindre mulistahamili.

MAFILIPI 2:8

Adzishukidza waye ha waye ha ufanyiha mutuĩvu ata mupaka ufaju, ufa hari mwa muri wa pawa.

MAHEƁRANIYA 12:2

Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.

MAHEƁRANIYA 13:13

Ɓasi v̄av̄o wasi wajau narilawe ramupare v̄ondze na itobe, ha utrika ulaãnifu wahe.

MUV̄ENULIO 12:11

Na wao wamushindri ha idamu ya uMwana Ɓariɓari, na ha urongozi wa ushahidifu wawo; mana kawav̄endza uhayati wawo ata waka tayari ya ufa.

MUV̄ENULIO 17:6

Tsiono mutrumushe ule amba alewe ha idamu ya watwaharifu na idamu ya mazahidi wa Insa. Umuona yangu, tsiremwa na ushangavu muɓole.

MUV̄ENULIO 18:24

Amwesa hahe v̄uparihana idamu ya watru washukidziwa marongozi ya shi mutrume, na ya watwaharifu, na piya wao waulawa shiv̄andreju mwa tsi.»

MUV̄ENULIO 2:13

Nisujua v̄ahanu uẽshio: v̄av̄o ɗe v̄ulio ishiri ya yezi ya Shetwani. Ususika hodari lidzina langu, tsena kwalatsa uaminifu na wami, ata hari mwa zisuku Antipasi, shahidi muaminifu wangu akoulawa hanyu, v̄ahanu Shetwani aẽshio.