MAHEƁRANIYA 12:28 - Ha`bari Ndjema ya I Maore

²⁸ Ha izo, iv̄o riparao utawalizi kaugudzusiha, narihimidiye ha umutolea Mungu ĩɓada imujiv̄iao yendza utuĩvu na staha.

MAHEƁRANIYA 12:28 ပူးပေါင်းရင်းမြစ်များ

MATIYO 25:34

Amwesa umufalume atsoambia wao watsokao humeni hahe: ‹Namuje wanyu mulio uwaɓarikishiwa wa Ɓaɓangu, muwarithi Utawalizi mwatayarishiwawo rangu lidunia uumbwa yalo.

LUKASI 1:33

Atsotawalia umuraɓa wa Yaãkuɓu ha daima, na utawalizi wahe kautsokana mwiso.»

MAROMU 11:20

Iyo kweli. Yakatrwa ha siɓaɓu ya ukosefu wa uaminifu wakati ulio amba wawe, ɗe ha uaminifu ɗe wasika. Ɓasi usudzione, ɓadi ilazimu uriye.

MAEFESO 1:6

ha umusifio mutukufu wa irehema ilio amba aridjaãliayo hari mwa umuv̄endzewa wahe.

MAEFESO 5:10

Namutsahe mujuwe zimujiv̄iao Raɓi;

MAFILIPI 4:18

Tsipara piya, ata ha uzidishiha. Tsitoshea iv̄o napara ha Eɓafroditi izo zalawa hanyu, mauri marashi yendza harufu ndzuzuri, sadaka likuɓaliwao na Mungu, tsena limujiv̄iao.

MAHEƁRANIYA 10:19

Ha izo wananyangu, rina yakini ya mungilio ha unafasi moni na liPa Dzitwaharifu rahana Dzitwaharifu ha idamu ya Insa.

MAHEƁRANIYA 13:15

Ɓasi ha indzia yahe Insa, narimutamaniye Mungu dahari sadaka la sifa, ne ɗe mavuna ya hanyo zatru zikuɓalio ha hadhwira dzina lahe.

MAHEƁRANIYA 13:21

namudjaãliyeni ushindzi wa kula ndjema itsomuruhusunio mufanye mav̄endzeleo yahe; nafanye moni hatru izo zimujiv̄iao, ha indzia ya Insa-Kristi, alio amba haheju utukufu naumuendreleye ha daima. Amina.

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

MAHEƁRANIYA 4:16

Ɓasi narijiliye v̄umoja na yakini ishiri ya yezi ya urehema, ile ripare poreho na urehema, risaidiwe hari mwa uwakati walazimu.

MAHEƁRANIYA 5:7

Uka yahe ha shimwili, av̄eleha mamilio na mirayilio ha shililo ɓole na matsozi ha Uwo akoshindra amuhuyi na ufa; na waye atakaɓaliwa ha siɓaɓu ya utuĩvu wahe.

1 MONYE 1:17

Na neka musumumia Mungu ha umuhira Ɓaɓa, Monyewe uhukumu kula mutru na zitrendro zahe ɓila uv̄endzelea, ɓasi namudziv̄inge v̄umoja na trisidzo wakati raha mulio shiv̄andreju mwa tsi.

1 MONYE 2:20

Kweli amba sifa trini ikao mutru amostahamili ziv̄ondro ɓaanda akosa? Ɓadi neka amba musustahamili maondo ɓaanda murendrao ndjema, iyo rehema mbeli za Mungu.

1 MONYE 2:5

Na wanyu-wanyu mauri mawe yalio hayi, namurumishihe hari mwa liɓundro la nyumba ya shiroho, mukane urumishi mutwaharifu wa Utolezi-Masadaka, ile mutowe masadaka ya shiroho, yakuɓalishiha na Mungu, ha ndzia ya Insa-Kristi.

MUV̄ENULIO 1:6

tsena afanya amba wasi ufalume wa Matolezi-Masadaka ha Mungu wahe amma Ɓaɓa, hahe nav̄uke utukufu na ushindzi mida ha mida. Amina.

MUV̄ENULIO 15:4

Mbani katsoria, wala katsotukuza dzina laho Mola? Mana wawe weke ɗe Mutwaharifu. Na piya zinishani zitsoja, amwesa zitsosudjudia mbeli zaho, mana uhaki waho uv̄enuha.»

MUV̄ENULIO 5:10

Uwafanya wake ufalume wa Matolezi-Masadaka wa Mungu watru, tsena watsotawala hari mwa ishiv̄andre ya tsi.»