MAHEƁRANIYA 12:25 - Ha`bari Ndjema ya I Maore

²⁵ Namufahamu, musuharaliye uwo alaguao. Neka wao waharalia uwo akowafahamisha shiv̄andreju mwa tsi kawashindra watrala, ha mara ngav̄i zaidi wasi karitsoshindra ratrala, neka risudziɓausa na Uwo arifahamishao rangu pev̄oni!

MAHEƁRANIYA 12:25 ပူးပေါင်းရင်းမြစ်များ

MATIYO 17:5

V̄ale raha akorongoa trongo zile, ne v̄uwashukia vingu lakovaga, liwav̄ishidza. Na sa ile v̄ukilihana ji lalawa vinguni v̄ale, larongoa: «Unu ɗe uMwana muv̄endzewa wangu, tsena wami ujiv̄iwa halisi na waye; namumuvulishiye!»

MATIYO 8:4

Insa amuambia: «Fahamu, usuambiye ata mutru trongo izo. Ɓadi endra wadzionese ha Mutolezi-Masadaka, utowe lisadaka laãmurishiwa na Musa, ile ike ushahidifu mbeli zawo.»

MAV̄INGIZI-RISALA 7:35

Musa uwo wamuhara ha umuambia: ‹Mbani ɗe ahuhetsi shitswa na hakimu?›, uwo ɗe Mungu amuv̄eleha hawo ake shitswa amma mukombozi; amuv̄eleha ha ndzia ya malayika ile yaka yamuv̄enushia hari mwa mwana muri.

1 MATESALONIKA 5:15

Namutahadhari amba v̄usuke mutru aɗiv̄a mbovu ha mbovu, ɓadi ha daima namuendreleye hari mwa zindjema, rangu wanyu na wanyu, ata ha piya wanadamu.

2 TIMUTAUSU 4:4

Watsoɓuzudza makio yawo yasukiye ikweli, wadzizingise hari mwa mahadisi maruv̄u.

MAHEƁRANIYA 1:1

Mida ya hale, Mungu alagua na wadzaɗe watru ha mara nyengi na namuna nyengi ha ndzia ya yimitrume,

MAHEƁRANIYA 11:7

Ha uaminifu ɗe Nuhu ufahamishiwa yahe na Mungu na trongo zilio amba raha kazakoonehana, ha utuĩvu wahe, afanya djahazi ile ahuyi udjama wahe. Ɗe ha uwo ɗe ahukumu ulemengu, amwesa afanyiha muarithi wa umuhakisho uparihanao ha uaminifu.

MAHEƁRANIYA 12:19

ɓila tsi ngono ya ɓaragumu, wala tsi ji la marongozi ha namuna amba wao walikia, wakomia wasuengedzewe tsena kauli yangina.

MAHEƁRANIYA 3:12

V̄av̄o namufahamu wananyangu, v̄wasuke ata mutru hari mwanyu akana roho mbovu kaina uaminifu, ata yamuɓausa na Mungu alio hayi.

MAHEƁRANIYA 3:17

Na kinyume na wav̄i Mungu aka ahadhaɓiha pandza la maha aruɓaini? Hali tsi kinyume na wao waka waãswi, wafa, maiti zawo zapuliha padzaju?

MAHEƁRANIYA 8:5

Wao ufanya ĩɓada ha namuna ilio mufano na shivuli ya izo zilio pev̄oni. Mauri ɗe Musa udzitayarisha yahe afanye iNyumba ya Haima, aambilwa na Mungu: «Fahamu amba kula shitru iɗunge umufano waonesewawo mulimaju.»

1 MONYE 1:22

Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

MUV̄ENULIO 19:10

V̄ale tsidzivutsu mindruni hayo ha uiãɓudu. Ɓadi iniambia: «Usufanye trongo iyo. Wami murumishi munyaho, na wa wananya waho wav̄ingao ushahidifu wa Insa. Muãɓudu Mungu! Mana ushahidifu wa Insa ɗe ulio iroho ya yamarongozi ya shi mutrume yashukidziwa.»

MUV̄ENULIO 22:9

Ɓadi iniambia: «Usufanye trongo iyo! Wami murumishi munyaho, na wa wanyaho wao washukidziwa marongozi ya shi mutrume, na wao wasikao marongozi ya ishio ini. Muãɓudu ɗe Mungu!»