ile piya idamu ya watru watuĩvu yatsanyiha shiv̄andreju mwa tsi imutrishiyeni, rangu idamu ya Haɓilu aka mutuĩvu, ata upara idamu ya Zakariya mwana wa Ɓarakiya mwamuula ɓaina ya iNyumba Ndzitwaharifu na italatala ya masadaka.
rangu idamu ya Haɓilu, ata uwaswili hari mwa idamu ya Zakariya aulawa ɓaina ya italatala ya masadaka na iNyumba Ndzitwaharifu. Ɓasi nisumuambiani amba watru wa lidunia la leo lini, djukuma lawo.
Amwesa ɓaanda wamalidza uɗya, arenge ishikombe ya maji ya zaɓiɓu ile, afanya ɗe wiyo-wiyo na uwaambia: «iShikombe ini ɗe iãlama ya umukataɓa muv̄ia udhiɓitishihao ha idamu yangu ijao itrihe ha tanafu yanyu.
V̄av̄o narikuruɓiye ha umo warahara na uaminifu mukamilifu, tsena na roho yarahatsiwa na tuhuma mbovu, v̄umoja na mwili ulio amba uhoswa ha maji maraharifu.
Ha uaminifu, ɗe Haɓilu amutolea Mungu sadaka ɓorwa rahana la Kayinu. Na ha wilo apara ushahidifu wa mukuɓalisho wahe, iv̄o Mungu waye-waye akuɓali izo amutamaniazo. Na ha uaminifu wahe uwo, ata iv̄o afa, ne raha asulagua.
Ɓadi ɗe ha lawama ɗe Mungu arongoa: «V̄usuja suku, Mola ɗe arongoao, zilio amba nitsofunga mukataɓa muv̄ia v̄umoja na umuraɓa waIsraila, na umuraɓa wa Yuda.
Iyo ɗe imana ata waye alio muparanisa wa mukataɓa muv̄ia, iv̄o v̄wahidjiri ufa ha ukombofu wa mahosa yafanyiwa hari mwa umukataɓa wa handra, pare wao wahiriwa na Mungu, wapare umwaratha wa daima waka watolewawo wahadi.
Mana Musa ɓaanda ajudza ha piya umati kula ãmuri ya iSharia, arenge damu ya wana mahondzo na maɓeɓeru v̄umoja na maji, na uzi mukundru, amwesa na wana marahi wa muri uhiriwao hisop, aazindzia ishio ya iSharia na piya umati
Mutsahulwa na Mungu amma Ɓaɓa, ha ulingana na inia akanayo rangu kaɓula, tsena mutwaharishiwa na iRoho, mukane utuĩvu ha Insa-Kristi na urenga fuvu hari mwa umutsambadzio wa idamu yahe: Urehema na amani nazimuendreleyeni ha uwengi.