MAHEƁRANIYA 11:6 - Ha`bari Ndjema ya I Maore

⁶ Mana neka tsi ha uaminifu, tsi trongo mukinishiha amba mutru amujiv̄idze Mungu, mana uwo amukuruɓiao, alazimu aamini amba a v̄av̄o, tsena amba waye uv̄a thawaɓu wao wamuzunguhao.

MAHEƁRANIYA 11:6 ပူးပေါင်းရင်းမြစ်များ

MATIYO 11:26

Naam Ɓaɓa, mana iyo ɗe inamuna waka wav̄endza.

MATIYO 5:12

Namujiv̄iwe, tsena muke hari mwa furaha, mana thawaɓu zanyu zitsoka ɓole pev̄oni. Mana ɗe ha inamuna iyo ɗe yakotreswa yimitrume yav̄ira kaɓula ya wanyu.»

MATIYO 6:16

«Mwamofunga, musudzirembedze mauri ɗe wanafiki; wao ugaudza sura zawo, ile waonese watru amba wafungu. Nisumuambiani ha kweli, v̄av̄o kamwe wapara thawaɓu zawo.

MATIYO 6:33

Namutsahe raɓuzi Utawalizi wa Mungu na izo azitsahao, na piya zile mutsoengedzewazo.

MATIYO 6:5

«Mwamofanya mamilio, musufanye mauri ɗe uwanafiki wav̄endzao umia ha ulimbala moni na ziNyumba za Uswali na hari mwa zinia-traru pare wanadamu wawaone. Nisumuambiani ha kweli, v̄ale kamwe wapara thawaɓu zawo.

MARKUSI 16:17

Tsizini ziãlama za midjuza zitsoonehanao ha wao watsoaminio: Ha lidzina langu, watsotoa mazetwani, watsolagua luha pia watsoshukidziwaozo;

LUKASI 12:31

Namudzishahilise raɓuzi na Utawalizi wa Mungu, amwesa trongo izo mutsov̄olwazo wajau.»

LUKASI 6:35

Ɓadi namuv̄endze maãduwi yanyu, namurendre zema, mwazime, ɓila utumainia ata shitru. Na thawaɓu yanyu itsoka ɓole, tsena mutsoka wana wa Monyewe Uju rahana Uju; mana waye mwema ha wao kawamuhimidia, na ha waovu.

YUHANI 14:6

Insa amuambia: «Wami ɗe indzia, ukweli, na uhayati. Kav̄usi mutru ajao ha Ɓaɓa, neka tsi ha ndzia yangu.

YUHANI 8:24

Iyo ɗe imana namuambiani amba mutsofa hari mwa madhambi yanyu. Mana neka kamusuamini amba wami ɗe ule nilio, mutsofa hari mwa madhambi yanyu.»

MAROMU 10:14

Ha namuna jeje ɓasi watsoombao mutru alio amba kawamuamini? Au, ha namuna jeje watsoaminio mutru neka kawaparokia av̄umbulwa? Na ha namuna jeje watsokiao av̄umbulwe neka kav̄u mutru ajudzao?

MAGALATWIYA 5:6

Mana hari mwa uv̄umoja na Kristi-Insa, tsi ɗe utahiriwa, au tsi utahiriwa ɗe iliona mana, ɓadi ɗe uaminifu urendrehao ha mahaɓa.

MAHEƁRANIYA 11:26

Akoona amba udhilifu ha siɓaɓu ya Kristi, uwo utadjirifu rahana piya zidafine za Miswiri, mana akoangalia ɗe ithawaɓu yakoja.

MAHEƁRANIYA 3:12

V̄av̄o namufahamu wananyangu, v̄wasuke ata mutru hari mwanyu akana roho mbovu kaina uaminifu, ata yamuɓausa na Mungu alio hayi.

MAHEƁRANIYA 4:2

mana rijudziwa iHaɓari Ndjema mauri ɗe watru wao. Ɓadi urongozi waukia kawawafayidisha na itsokao yotsi, iv̄o kawaukia ha uaminifu.

MAHEƁRANIYA 4:6

Ɓasi ɓaanda yahetsiwa amba ɓaãdhwi ɗe watsoungiao, na wa handra wao wakia iHaɓari Ndjema kawaungia ha siɓaɓu ya umuharalio wa utuĩ wawo,

MAHEƁRANIYA 7:19

Mana iSharia kayakamilisha itsokao yotsi. Ɓadi av̄asa riv̄olwa tama ɓorwa zaidi, ilio amba ha wiyo risumukuruɓia Mungu.

MAHEƁRANIYA 7:25

Iyo ɗe imana ata ashindrao ahuyi ha daima wao wamujiliao Mungu ha ndzia yahe, mana asuẽshi dahari ile awadailiye.

2 MONYE 1:10

Ha izo wananyangu, namufanye djitihadi zaidi muyakinishe umuhirio na umutsahulio mwadjaãliwa. Mwamofanya izo, dahari kamutsopuliha.

2 MONYE 1:5

Ha siɓaɓu ya iyo kamwe, namufanye piya djitihadi zanyu ile muengedze uwema ju la uaminifu wanyu, na ju la uwema, ujuzi,

2 MONYE 3:14

Ha izo wav̄endzewa wangu, iv̄o mulindrao trongo zizo, namufanye djitihadi muparihanihe na waye ɓila pandra wala kosa hari mwa amani.

MUV̄ENULIO 21:8

Ɓadi wao tsi watru wasuɓutu, wao tsi maaminifu, watshafi, maula, wendza taɓia, wafanyizi-utsayi, maãɓudu-masanamwe, na piya wanafiki, fungu lawo litsoka moni mwa lidzaha la moro livudzao na vu la shidzaha: uwo ɗe ufa wa v̄ili.»