MAHEƁRANIYA 11:16 - Ha`bari Ndjema ya I Maore

¹⁶ Ɓadi hususwani wakotsaha v̄ahanu v̄ulio ɓorwa, yaãni v̄wa shipev̄oni. Iyo ɗe imana ata Mungu kaono haya uhiriwa Mungu wawo, mana awatayarishia ɗago.

MAHEƁRANIYA 11:16 ပူးပေါင်းရင်းမြစ်များ

MATIYO 25:34

Amwesa umufalume atsoambia wao watsokao humeni hahe: ‹Namuje wanyu mulio uwaɓarikishiwa wa Ɓaɓangu, muwarithi Utawalizi mwatayarishiwawo rangu lidunia uumbwa yalo.

MARKUSI 12:26

Ɓadi zahusu umuregezeo hayi wa uwafu, hali kamwasoma moni na ishio ya Musa, itrongo Mungu amuambia wakati umwana muri wakovua? Amba: ‹Wami ɗe Mungu wa Iɓrahima, Mungu wa Isiaka, na Mungu wa Yaãkuɓu.›

MARKUSI 8:38

Mutru aonao haya ha siɓaɓu ya wami na yamarongozi yangu mbeli za uwatru tsi maaminifu maãswifu wa lidunia la leo lini, ɓasi uMwana wa Mwanadamu atsoona haya wajau ha siɓaɓu ya mutru ule wakati atsojao hari mwa utukufu wa Ɓaɓahe v̄umoja na zimalayika ndzitwaharifu.»

LUKASI 12:32

«Usuriye mwana ɓangwe, mana Ɓaɓanyu aono ndjema amuv̄eni uUtawalizi.

LUKASI 20:37

Trongo ya wafu uregezewa hayi, Musa ne aijudza hari mwa likara lirongoao umwana muri wakovua, wakati amuhira Mola amba Mungu wa Iɓrahima, Mungu wa Isiaka, na Mungu wa Yaãkuɓu.

YUHANI 14:2

V̄wa makazi mengi nyumbani ha Ɓaɓangu; na djeli kayaka namuna iyo, natsomuambiani. Mana nisendra namutayarisheni ɓandza.

MAV̄INGIZI-RISALA 7:32

‹Wami ɗe Mungu wa wadzaɗe waho, Mungu wa Iɓrahima, Isiaka na Yaãkuɓu.› Ɓas, Musa akodridrima, kakosuɓutu ata udzua yamatso.

MAFILIPI 3:20

Ɓadi wasi, uraĩa watru wa shipev̄oni, v̄ulio amba risulindra ulawa uMuhuyifu, ne ɗe Raɓi Insa-Kristi,

2 TIMUTAUSU 4:18

Raɓi atsonikomboa na kula shitrendrwa mbovu, tsena atsonihuyi ile ningiye ha usalama salimina hari mwa Utawalizi wahe pev̄oni. Utukufu naumuendreleye ha daima. Amina.

MAHEƁRANIYA 10:34

Kweli amba muono utungu v̄umoja na wao waka wafungwa, tsena ha furaha mukuɓali muv̄oshewe ndjema zanyu, iv̄o mwakojua amba muna utadjirifu wazidi utsokao dahari.

MAHEƁRANIYA 11:10

Mana akotumainia liɗago liliona misingi mihodari, lilio amba Mungu waye-waye ɗe aliɓunu tsena aliundra.

MAHEƁRANIYA 11:14

Watru walaguao namuna iyo, wasuonesa dhwahiri amba wasutsaha v̄ahanu v̄ulio hawo wenyewe.

MAHEƁRANIYA 11:40

iv̄o Mungu aka ariãzimia trongo ndjema zaidi, ile wasupare ukamilifu ɓila wasi.

MAHEƁRANIYA 12:22

Ɓadi mujilia uMulima wa Siyuna|Mulima wa Siyuna na liɗago la Mungu alio hayi, iYerusalemu ya shipev̄oni, v̄ahanu v̄ulio amba mialifu na mialifu za malayika zingulidzana ha mufurahishio,

MAHEƁRANIYA 13:14

Mana shiv̄andreju mwa tsi v̄anu karisina ɗago la daima, ɓadi risulembelea lilo lijao.

MAHEƁRANIYA 2:11

Mana Monyewe atwaharishao na wao watwaharishiwao, wana koho moja. Iyo ɗe imana ata kasuona haya ya uwahira amba wananyahe

MUV̄ENULIO 21:2

Amwesa tsiono ushuka ulawa pev̄oni ha Mungu liƊago Dzitwaharifu, iYerusalemu pia, yatayarishiwa mauri mutrumushe arengeledzewa apare mume wahe.