MAHEƁRANIYA 11:13 - Ha`bari Ndjema ya I Maore

¹³ Ɗe hari mwa uaminifu ɗe piya watru wao wafa, ɓila upara trongo waka watolewa wahadi, ɓadi wakoziona, tsena wakozishangiria rangu mbali, ha ukuɓali amba wa wadjeni na watru wav̄irao na ndzia shiv̄andreju mwa tsi.

MAHEƁRANIYA 11:13 ပူးပေါင်းရင်းမြစ်များ

MATIYO 13:17

Nisumuambiani ha kweli, wengi wa mitrume na watuĩvu watamani waone izo muzionao, ne kawaziona, wakiye izo muzikiao, ne kawazikia.»

YUHANI 12:41

Izaya arongoa trongo zile mana aono utukufu wahe, amwesa akomurongoa ɗe waye.

YUHANI 8:56

Ɓaɓanyu Iɓrahima afurahi amba atsoona isuku yangu: Aiono, ɓas ajiv̄iwa.»

MAROMU 4:21

ha iv̄o awafiku amba Mungu ushindra atsimidze izo amutolea wahadi.

MAROMU 8:24

Mana ɗe ha tama ɗe rahuyiwa. Na tama ionehwanao, iyo tsi tama tsena. Hali shitru mutru aionao, iyo ukiri utamwa raha?

2 MAKORINTIYO 4:18

Ha izo, wasi uangalia tsi ɗe zile zionehanao ha yamatso, ɓadi ɗe zile kazionehana. Mana zionehanao uv̄ira na ndzia, ɓadi izo kazionehana uka ha daima.

2 MAKORINTIYO 5:6

Ɓasi ha izo, wasi ha dahari rina tama, iv̄o rijuao amba pindri rilio hatru hari mwa umwili uwo, risuka mbali na Raɓi.

MAEFESO 2:19

Ɓasi ha izo, kamusi tsena wadjeni wala watru wa v̄ondze, ɓadi muna uraĩa moja na watwaharifu, mwa hari mwa udjama wa Mungu.

MAHEƁRANIYA 11:14

Watru walaguao namuna iyo, wasuonesa dhwahiri amba wasutsaha v̄ahanu v̄ulio hawo wenyewe.

MAHEƁRANIYA 11:17

Ɗe ha uaminifu ɗe Iɓrahima wakati akodjereɓiwa, akomutoa Isiaka sadaka. Akotoa sadaka mwana moja-moja wahe, ule aka atolewa zinguwahadi,

MAHEƁRANIYA 11:27

Ɗe ha uaminifu ɗe alawia iMiswiri, ɓila uria hadhaɓu za mufalume; asiki hodari, amba mutru aonao Uwo alio amba kaonehana.

MAHEƁRANIYA 11:39

Na piya wao walio amba waka wapara ushahidifu mwema ha siɓaɓu ya uaminifu wawo, kawapara iyo yaka yatolwa wahadi,

1 MONYE 1:1

Wami Monye, Muv̄ingizi-Risala wa Insa-Kristi, ha wao watsahulwa waẽshio shi wadjeni, tsena watsambadziwa hari mwa yimikaɓala ya Pontusu, Galatwiya, Kapadokiya, Aziya na Ɓitiniya.

1 MONYE 1:17

Na neka musumumia Mungu ha umuhira Ɓaɓa, Monyewe uhukumu kula mutru na zitrendro zahe ɓila uv̄endzelea, ɓasi namudziv̄inge v̄umoja na trisidzo wakati raha mulio shiv̄andreju mwa tsi.

1 MONYE 2:11

Wav̄endzewa wangu, wanyu mulio wadjeni shiv̄andreju mwa tsi, tsena muv̄irao na ndzia, nisumutafadalini mudziɓause na zingushauku za shiunadamu ziwanao na nafusi zanyu.

1 YUHANI 3:19

Ha izo ritsojua amba wasi wa ikweli, tsena ritsotrulidza umo watru mbeli zahe.