MAHEƁRANIYA 10:29 - Ha`bari Ndjema ya I Maore

²⁹ Ɓasi mara ngav̄i, musufikiri, utsokao udziro wastahiki ishiv̄ondro ya uwo itsokao amba agaɗa uMwana wa Mungu, atefua idamu ya umukataɓa ilio amba ha wiyo atwaharishiwa, aruhana iRoho ya irehema?

MAHEƁRANIYA 10:29 ပူးပေါင်းရင်းမြစ်များ

MATIYO 26:28

mana ini ɗe idamu yangu idhiɓitishao umukataɓa, damu yendrao yatrihe ha faida ya watru wengi, ile wapare muswamaha wa madhambi.

MATIYO 7:6

Musuv̄e zimbwa izo zilio twahara, zasuje zamuzingiani, zamukamanyoni; wala musuvutsiye lulu zendza thamani zanyu mav̄uruku, yasuje yazigaɗa.»

MARKUSI 7:2

Ɓas, wafahamu ɓaãdhwi ya maswihaɓa yahe yakoɗya madipe ha mihono yendza nagisi, yaãni, ɓila uyitwaharisha.

LUKASI 12:10

Na yotsi atsorongoao luha kinyume na uMwana wa Mwanadamu, atsoswamihiwa; ɓadi uwo atsokufuruo iRoho Ndzitwaharifu, katsopara muswamaha ata idahari.

YUHANI 10:36

Na wanyu musurongoa amba uwo Ɓaɓa amutwaharisha, amuv̄eleha ulemenguni, asumukufuru Mungu ha iv̄o narongoa: ‹Wami Mwana wa Mungu›.

YUHANI 17:19

Nisudziv̄a wawe ha siɓaɓu ya wao, pare wao wajau wadziv̄e wawe ha kweli.

MAV̄INGIZI-RISALA 7:51

Wanyu wendza shitswa shiyi na roho ndzikaidi, mwafa na yamakio! Ha dahari yanyu, musendra kinyume na iRoho Ndzitwaharifu. Wanyu sawa na wadzaɗe wanyu.

MAROMU 16:20

Mungu av̄ao amani, tsi hale atsomuangamidza Shetwani maharoju hanyu. iNeema ya Raɓi watru Insa naike v̄umoja na wanyu.

1 MAKORINTIYO 11:27

Iyo ɗe imana kula aɗyao lidipe au anwao ishinoa ya Raɓi ha namuna kayastahiki, itsoka amba akoso umwili na idamu ya Raɓi.

1 MAKORINTIYO 11:29

Mana uwo aɗyao na unwa ɓila ufahamu amba ule ɗe umwili wa Raɓi, v̄ale asuɗya na unwa hukuma kinyume na waye monyewe.

1 MAKORINTIYO 15:25

Mana ilazimu atawale mupaka ike amba atria piya maãduwi yahe utsini na maharo yahe.

1 MAKORINTIYO 15:27

Kweli amba atriliwa piya utsini na maharo yahe. Ɓadi v̄wamorongolwa amba piya zitrilwa utsini na maharo yahe, irahara amba Uwo amutriazo, kasi moni v̄av̄o.

1 MAKORINTIYO 6:11

Na v̄av̄o ɗe v̄ahanu wasalia mengoni mwanyu waka. Ɓadi muja muhoswa, muja mutwaharishiwa, muja mukuɓalishiha mbeli za Mungu ha lidzina la Raɓi Insa-Kristi, na ha iRoho ya Mungu watru.

MAEFESO 4:30

Musutriye huzuni iRoho Ndzitwaharifu ya Mungu, iRoho ilio amba ha wiyo muremwa muhuri wa isuku ya ukombofu.

MAEFESO 5:26

ile aitwaharishe ɓaanda airahatsa na maji ha Urongozi,

MAHEƁRANIYA 10:10

Ɗe ha mav̄endzeleo yao ɗe ratwaharishiwa ha lisadaka la umwili wa Insa-Kristi, mara moja ɓas.

MAHEƁRANIYA 12:25

Namufahamu, musuharaliye uwo alaguao. Neka wao waharalia uwo akowafahamisha shiv̄andreju mwa tsi kawashindra watrala, ha mara ngav̄i zaidi wasi karitsoshindra ratrala, neka risudziɓausa na Uwo arifahamishao rangu pev̄oni!

MAHEƁRANIYA 13:20

Ɓasi Mungu wa iamani alio amba ha idamu ya mukataɓa wa daima aregeza hayi ha uwafu uMutsunga-maɓariɓari muɓole, ne ɗe Raɓi watru Insa,

MAHEƁRANIYA 2:11

Mana Monyewe atwaharishao na wao watwaharishiwao, wana koho moja. Iyo ɗe imana ata kasuona haya ya uwahira amba wananyahe

MAHEƁRANIYA 2:3

namuna jeje ritsoshindrao ritrale, neka risudharau uhuyifu muɓole mauri ɗe uwo wajudziwa raɓuzi na Raɓi, amwesa radhiɓitishiwawo na wao wamukia?

MAHEƁRANIYA 4:14

Ɓasi ha iv̄o riliona Mutolezi-Masadaka azidi uɓole av̄ira zimbingu, Insa, uMwana wa Mungu, narisike hodari uaminifu riukuɓalio ha hadhwira.

MAHEƁRANIYA 6:4

Tsi mukinishiha amba wao waunishiwa suku, wapara ladha ya ineema ya shipev̄oni, warenga fuvu na iRoho Ndzitwaharifu,

MAHEƁRANIYA 6:6

amwesa amba walatsa uaminifu, tsi mukinishiha amba wav̄ingwe wandre toɓa mara yangina. Mana v̄av̄o wao ha wao ɗe waremao raha mizumari uMwana wa Mungu hari mwa muri wa pawa, tsena wamupuao sheo ha hadhwira.

MAHEƁRANIYA 9:13

Kweli amba neka idamu ya ɓeɓeru na mahondzo, au vu la mutsamba wa nyombe zitsambadziwa ha wao waliona tsama utwaharisha umwili,

MAHEƁRANIYA 9:20

ha urongoa: «Ini ɗe idamu ya umukataɓa Mungu amuãmurishaniwo muutuĩ.»

MUV̄ENULIO 1:5

na ulawa ha Insa-Kristi, ushahidi muaminifu, udzazi wa handra wa uwafu, amma shitswa wa wafalume shiv̄andreju mwa tsi. Ha Uwo ariv̄endzao, arikomboa hari mwa madhambi yatru ha idamu yahe,